Tsutɨarika 17:19 - Kakaɨyari Niukieya

¹⁹ Kakaɨyari mɨpaɨ katinita'eiya: —Tsara nepɨxata 'a'ɨya xeime nunutsi payexeiya 'aniwetɨme, 'Itsahaki pekatiniterɨwamɨkɨ. Mɨkɨ hamatɨa netɨratu payeyurini meta nuiwarimama wahetsɨa, tɨratu yuheyemekɨ mieme mɨhɨkɨkɨ.

Tsutɨarika 17:19 ပူးပေါင်းရင်းမြစ်များ

Tsutɨarika 21:6

Hikɨ Tsara mɨpaɨ kaniutayɨni: «Kakaɨyari nemutanawenikɨ yapɨnetiupitɨa, yaxeikɨata kemɨ'ane memɨtehetimani meputinaweni nehamatɨa.

Tsutɨarika 26:3

Mana keneuyeikani yatewimekɨ. Ne'ahamatɨa nepuyeikani, 'aixɨa nepɨmatsiyurieka, karikɨ matsi 'ekɨ meta 'anuiwarima nepɨxeyetuirieni 'ikɨ naime kwie. Mɨpaɨ yurikɨ nepɨreye'atɨani 'apaapa 'Apɨrahami kenemɨrahɨawekai.

Tsutɨarika 17:21

Matsi netɨratu 'aniwe 'Itsahaki hetsie kanayeyurikamɨkɨ, Tsara peyexeiya yurika 'epauka xeiwiyari 'anuyeyayu.

Hepɨrayutsixi 11:11

'Apɨrahami yuri mɨti'eriekaikɨta, Tsara hamatɨa tɨrɨkariya mepupitɨarie nunutsi mehexeiyatɨ memakɨnekɨ, tsepa tukarieya manutitɨa tsepa mɨ'ukaratsitɨkai, mɨpaɨ pɨtiuyɨ yatikamiekame mɨ'eriekaikɨ kemɨ'ane mɨpaɨ mɨtitahɨawixɨ kename mɨpaɨ tipitɨanikekai.

Tsutɨarika 9:16

Kepauka nekuwiwi haiwitɨritsie manutahuni, ne ne'ixeiyame nepaye'erieni tɨratu kenemɨtiuwewi yuheyemekɨ xehamatɨa meta yunaime kwiepa memɨtexuawe wahamatɨa».

Tsutɨarika 17:7

'Ahetsiemieme 'ikɨ tɨratu nepɨwewie meta 'anuiwarite wahetsiemieme, 'ikɨ tɨratu yuheyemekɨ mieme payani, yunaime 'anuiwarima wahetsiemieme. Ne 'akakaɨyari nepɨhɨkɨtɨni, meta 'anuiwarima wakakaɨyari.

Tsutɨarika 17:16

Ne 'aixɨa nepiyurieni, nunutsi xeime nepɨxeyetuirieni. Waɨkawa 'aixɨa nepiyurieni, mɨkɨ yumɨireme nuiwarite wamaama payani, hetsiena mepɨyekɨne te'aitamete kiekaritsie memɨteta'aitaxɨani».

Tsutɨarika 17:18

'Ayumieme 'Apɨrahami Kakaɨyari mɨpaɨ katiniutahɨawe: —'Itsimaheri 'aixɨa pe'iyuriekaku ke'uyeikani.

Tsutɨarika 26:2

Mana Yawé kaniyuhekɨata mɨpaɨ katinitahɨawe: «Pepɨkaheyeikani 'Ekipitu. Mɨkɨ kwieyaritsie keneuyuhayewa kemɨ'ane nemɨmatsi'uxeitsitɨatsie.

Tsutɨarika 16:11

»Hikɨri pemayehuka xeime nunutsi 'uki pekanayexeiyamɨkɨ, 'Itsimaheri pekatiniterɨwamɨkɨ, Yawé mi'enikɨ 'ahiwerika.