Tsutɨarika 17:16 - Kakaɨyari Niukieya

¹⁶ Ne 'aixɨa nepiyurieni, nunutsi xeime nepɨxeyetuirieni. Waɨkawa 'aixɨa nepiyurieni, mɨkɨ yumɨireme nuiwarite wamaama payani, hetsiena mepɨyekɨne te'aitamete kiekaritsie memɨteta'aitaxɨani».

Tsutɨarika 17:16 ပူးပေါင်းရင်းမြစ်များ

Tsutɨarika 35:11

Tawarita Kakaɨyari mɨpaɨ kaniutayɨni: «Ne Kakaɨyari Naimekɨmɨtɨrɨkaɨye nekanihɨkɨtɨni. Kenexiɨka kene'amɨiriyani. 'Ahetsie mepɨyekɨne yumɨiretɨ 'anuiwarima xeikɨa, manata te'aitamete mepɨtixuawere.

Kitsariyaxi 49:23

Te'aitamete yuniwema wahepaɨ mepɨwatiwaweriya, meta wa'ɨitama mepɨmatsitiwaweririeni. 'Ahɨxie mepɨtihɨxima'uni kwiepa, kwie mepakutsena pemiketsina. 'Ana mɨpaɨ pepɨretimani ne Yawé nemɨhɨkɨkɨ, mepɨkatewiyatsitɨarieni kemɨ'ane nehetsie yuri memɨte'erie».

Tsutɨarika 17:6

Kwinimieme petixiɨweme nepɨmatsi'ayeitɨani 'ahetsie mepɨyekɨne te'aitamete meta nuiwarite.

1 Pekuru 3:6

Tsara meta yakatinikamiekaitɨni 'Apɨrahami kemainekai, ti'aitame katinitamare. Xemeta niwemama xekanakɨne hepaɨna 'aixɨa xeteyurietɨ, xekamamatɨ xɨka xemariutsieka.

Xumatari 9:9

Kemɨtiminikekai mɨpaɨ katinitahɨawe: «Hepaɨna pauka nepayeneni, 'ana Tsara yuniwe pexeiyaniri».

Tsutɨarika 24:60

Hikɨ Kakaɨyari mekaniutawawirieni Xeweka hetsiemieme 'aixɨa miyurienikɨ mɨpaɨ me'utiyuatɨ: «Ta'iwa, tame mɨpaɨ tepɨteku'eriwa: Yuwaɨkawame wamaama peke'ayani. 'Anuiwarima kemɨ'ane memɨwaraye'unie meketewaruta'aitɨani wakiekaritetsie».

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Tsutɨarika 1:28

'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyɨmɨiriyani, kwiepa xekenehɨneni xeketene'aitani. Xepɨhɨritɨarieni ketsɨte haramaratsie miemete, wikixi yunaime muyuawitsie miemete, yunaime memɨka'ukɨniwawe yuhukama memuku'uwa kwiepa».

Karatsiyatari 4:23

Kemɨ'ane ti'uximayatame hetsie mɨyenuiwaxɨ, mɨkɨ kaniutinuiwa tewi kemɨtiyunɨ'a xeikɨa. Kemɨ'ane muyɨnɨ'atsie mɨyenuiwaxɨ, mɨkɨ Kakaɨyari kemutayɨ maye'anikɨ kaniutinuiwa.

Tsutɨarika 17:15

Mɨpaɨtatsiere Kakaɨyari 'Apɨrahami katiniutahɨawe: «Tsarahi 'a'ɨya, Tsarahi pepɨkatiuterɨwaniri, Tsara pɨta pɨtitewaka.

Tsutɨarika 17:19

Kakaɨyari mɨpaɨ katinita'eiya: —Tsara nepɨxata 'a'ɨya xeime nunutsi payexeiya 'aniwetɨme, 'Itsahaki pekatiniterɨwamɨkɨ. Mɨkɨ hamatɨa netɨratu payeyurini meta nuiwarimama wahetsɨa, tɨratu yuheyemekɨ mieme mɨhɨkɨkɨ.

Tsutɨarika 21:1

Yawé kemainekai, Tsara 'aixɨa kaniuyurieni, katinaye'atɨani kemɨrehɨawekai.

Tsutɨarika 25:23

Mɨkɨ mɨpaɨ katinita'eiya: «'Ahukatsie huta nuiwariyari mepɨyetei, huta nuiwariyari 'ahukatsie meyetetɨ mepayuye'unie. Xewitɨ tɨrɨkaɨyetɨ kanayeimɨkɨ xewitɨta hawaikɨ, 'amɨyumate yutaru katinita'uximayatsiriemɨkɨ».

Tsutɨarika 36:31

'Ixaheritsixi te'aitamete mekawarexeiyakaku 'akuxi, 'ikɨ mepanuka'ui 'Erumi kwieyaritsie:

Tsutɨarika 15:4

Yawé mɨpaɨ katinitahɨawe: —Hawaikɨ mɨkɨ tewi 'apiinite mɨranupini pɨka'ayani, 'apiinite mɨranupini yurikɨ 'aniwe pɨyɨaneni.