Tsutɨarika 16:3 - Kakaɨyari Niukieya

³ Hikɨ Tsarahi tiyu'uximayatsiriwame 'ekipitutanaka Hakari 'uwiyaka, 'Apɨrami kaniyetuirieni mɨ'ɨyayatɨnikɨ. Mɨpaɨ katiniuyɨni kepauka 'Apɨrami tamamata wiyari muyuriekai Kanani kwieyaritsie.

Tsutɨarika 16:3 ပူးပေါင်းရင်းမြစ်များ

Tsutɨarika 16:5

Hikɨ Tsarahi 'Apɨrami mɨpaɨ katiniutahɨawe: —'Ekɨtsɨ ya'anekame pekaniwiwieka kenemɨtinanaimarie. Ne nepɨmatsiyetuiri ti'uximayatame 'a'ɨya mayanikɨ, hikɨri mayehuka mariweme kanayuyeitɨwani. Yawé yake'utayɨni kemɨ'ane heitserie mexeiya, xɨka 'ekɨ yatɨni ne.

Karatsiyatari 4:25

Meta Hakari, yemuri kanihɨkɨtɨni 'Arawiya kwieyaritsie, Tsinahi mɨtitewa. Yaxeikɨata Kerutsareme kanihɨkɨtɨni, mɨkɨ kiekari hikɨ 'emuwe. Waɨriyarika katini'uximayaka, niwemamata waɨriyarika mekateni'uximayaka.

1 Te'aitamete 11:3

'Atahuta tsienituyari mepɨyupaɨmekai 'ɨitamama mɨkɨ te'aitamete waniwema mepɨhɨkɨtɨkai, haika tsienituyari mepɨtuxexerimamatɨkai, mɨkɨ 'ukari yunaitɨ 'axamekaniyurieni 'iyarieyatsie.

2 Tsamuheri 5:13

Kepauka Rawiri Hewuruni kiekariyaritsie mayetɨa Kerutsaremetsie pɨta munua, tawarita hipame kaniwarutiwitɨni 'ukari tuxexerimama memakɨ meta 'ɨitamama, mɨkɨ wahetsie tawari niwemama mekanayenexɨani 'ukitsi meta 'ukari.

Tsutɨarika 35:22

Mɨkɨ kwieyaritsie mekutetɨ, Xuweni Wiriha hamatɨa kaniukahuni, yupaapa 'ɨyaya hamatɨa. Kepauka 'Ixaheri mɨretima waɨkawa kaniuyeha'ani. Kakuwu tamamata heimana yuhutame kaniwarutinuarieni:

Tsutɨarika 32:22

Hikɨ mɨkɨ tɨkaritsie Kakuwu kaniuyukuha'aritɨani, yu'ɨitama meta memuyuhuta te'uximayatamete, meta tamamata heimana xewi wara'inietɨ yuniwema, haa 'etsimɨpetsie mekaniukɨne Kawuki mɨrayetewatsie.

Tsutɨarika 30:9

Reya timaitɨri tawarita mɨkatiniwekekaikɨ, tiyu'uximayatsiriwame Tsiripa Kakuwu kaniyetuirieni 'ɨyaya mayanikɨ,

Tsutɨarika 30:4

Hikɨ Xakeri Kakuwu kaniyetuirieni tiyu'uximayatsiriwame Wiriha 'ɨyaya mayanikɨ, Kakuwu hamatɨana kaniukahuni.

Tsutɨarika 28:9

'Ayumieme tsepa mɨneɨkekai 'Etsahu kaneyani hakewa paitɨ tatatsieya mekatei 'Itsimaheri 'Apɨrahami nu'aya. Mana xeime kaniutiwitɨni nu'ayatɨme Makarati titewakame, Newayuti taruya kanihɨkɨtɨkaitɨni.

Tsutɨarika 25:6

Meta 'Apɨrahami hipame yɨ'ɨitama waniwema tiwayetuirieka kaniwarenɨ'ani, mexi'akuxi 'a'uyeikakai, 'Itsahaki hamatɨa memɨkatitenikɨ, tau manatineika hepatsie kaniwarenɨ'ani.

Tsutɨarika 16:4

'Apɨrami Hakari hamatɨa kaniukahuni, mɨkɨ kaniutihukata. Kepauka Hakari mɨretima kename 'ayehukakai, kaniyuti'ɨretɨyani yukutsiyari Tsarahi hɨxie.

Tsutɨarika 16:16

'Apɨrami nauka tewiyari heimana 'ataxewi wiyari kanexeiyakaitɨni kepauka 'Itsimaheri mutinuiwaxɨtsie.

Tsutɨarika 21:21

Parani mɨrakutewatsie kaniukateitɨni makumawetsie, maamaya 'ekipitutanaka kaniwitɨtɨani.