Tsutɨarika 16:2 - Kakaɨyari Niukieya

² hikɨ Tsarahi mɨpaɨ katinitahɨawe yukɨna: —Yawé pɨkanetsipitɨawe nunutsi nemayexeiyakɨ. 'Ayumieme, keneukahu'i neti'uximayatsiriwame Hakari hamatɨa. Heiwatɨ mɨkɨ 'utiniweni neniwema memakɨnekɨ. 'Apɨrami yakatiniutanaki'erieni 'ɨyaya kemɨrehɨawekai.

Tsutɨarika 16:2 ပူးပေါင်းရင်းမြစ်များ

Memeyekɨ 21:4

»Xɨka ti'aitɨwameya 'uka 'iwitɨtɨani, 'uka ti'aitɨwameya hetsɨa mɨmiemekɨ, xɨka tɨɨri mewarayexeiya, mɨkɨta ti'aitɨwameya hetsɨa mekaniyuhayewakuni tsepa memɨ'ukitsi ya'ukari. Hikɨ ti'uximayatame yuxaɨta kaniyemieni.

Tsutɨarika 18:10

Hikɨ xewitɨ mɨpaɨ katinitahɨawe: —Xeiwiyari 'anuyeyayu tawarita nepɨmatsiha'iwatamie, 'ana 'a'ɨya Tsara nunutsi kanexeiyakamɨkɨ. Tsara kanita'enakaitɨni yu'ixuriki kiiyari hɨxie, mɨyamɨtikuxatakai waritana yateewa pɨti'enakai.

Tsutɨarika 3:17

'Uki meta mɨpaɨ katiniutahɨawe: «'Uki 'aku 'Arani, 'ekɨtsɨ pepenu'eni 'a'ɨya, pepitakwai 'ikwaxi, mɨkɨ kɨyetsie mieme tsepa mɨpaɨ nematiutahɨawixɨ pemɨka'ikwakakɨ. 'Ayumieme kwie 'axakani'itɨariekamɨkɨ mɨpaɨ pemɨtiuyurikɨ, haweri mieme peti'uximayatɨ xeikɨa pepɨtikwaka kwiepa mieme, mexi 'ape'uyeikani.

Nɨawari 127:3

Tɨɨri 'imikieri mekanihɨkɨtɨni Yawé hetsɨa miemete, tɨɨri tahetsie memɨyekɨka ta'iwarika witsimɨ'ane mekanihɨkɨtɨni.

Xuti 4:11

'Ukirawetsixi meta yunaitɨ mana kiekari kitenie memukutekai, mɨpaɨ mekaniutiyuani: ―Tame temunenierixɨ tepɨhɨkɨ. »Yawé yaxeikɨa yaketiuyurieni mɨkɨ 'ukaratsi pemɨtiwitɨni hetsiemieme, kemɨtiwaruparewi Xakeri meta Reya nuiwari memukama wahepaɨ, 'ixaheritsixi teɨteriyari kememɨte'akɨ. »'Ekɨta pematsiɨkɨtɨ peke'ayani 'Epɨrata mɨtiyetewatsie, meta waɨkawa pemariwatɨ peke'ayani Wereni kiekariyaritsie.

Tsutɨarika 30:22

Meta Kakaɨyari Xakeri kanaye'erieni, nenewierieya kaniu'enieni kanipitɨani mɨtiniwenikɨ.

Tsutɨarika 25:21

Hikɨ Xeweka pɨkaniwewekai, 'ayumieme 'Itsahaki Yawé kaniutawawirieni hetsiena mieme, hikɨ Yawé kani'enieni nenewierieya, Xeweka kaniutihukata.

Tsutɨarika 20:18

Tsara mɨya mɨranuyetɨakɨ, 'Apɨrahami 'ɨyaya, Yawé 'Awimereki kie kiekatari 'ukarawetsixi mekaniwewaweme kaniwarayeitɨakaitɨni.

Tsutɨarika 17:16

Ne 'aixɨa nepiyurieni, nunutsi xeime nepɨxeyetuirieni. Waɨkawa 'aixɨa nepiyurieni, mɨkɨ yumɨireme nuiwarite wamaama payani, hetsiena mepɨyekɨne te'aitamete kiekaritsie memɨteta'aitaxɨani».

Tsutɨarika 3:12

'Uki mɨpaɨ kaniutayɨni: —Mɨkɨ 'uka pemɨnetsi'uwitɨtɨa, pɨnetsi'umi nepitakwai.

Tsutɨarika 30:6

Xakeri mɨpaɨ kaniutayɨni: «Kakaɨyari nehetsiemieme 'aixɨa katiniuyurieni. Kenemɨtiyuhiweriekai kaneniu'enieni, xeime nunutsi kaneneyenɨ'airieni». 'Ayumieme Xakeri Rani katiniterɨwa.

Tsutɨarika 19:31

Merikɨtsɨ mɨixari muwa me'ayetetɨ, Ruti niweya 'amɨyumate yutaru mɨpaɨ katiniutahɨawe: —Tapaapa pɨ'ukiratsiri, meta naitsarie 'ena mɨtiuyehanetsie mepumawe 'ukitsi memɨtatsitiwitɨnikɨ, naitsarie teɨteri kememɨteyutiwitɨkɨ.

Tsutɨarika 11:30

Perutsɨ Tsarahi pɨkaniwewekai, pɨkayɨwekai tɨɨri mɨwarayexeiya.