Tsutɨarika 15:8 - Kakaɨyari Niukieya

⁸ Perutsɨ 'Apɨrami mɨpaɨ katinita'iwawiya: —Yawé neti'aitɨwame, ¿kehepaɨ neretimani kename penetsiyetuirieni?

Tsutɨarika 15:8 ပူးပေါင်းရင်းမြစ်များ

Rukaxi 1:18

Hikɨ Tsakariyaxi mɨpaɨ niuki tuayame katiniutahɨawe: —¿Ke'aneme 'inɨarikɨ yanepɨtimaika? Nekani'ukiratsitɨniri meta ne'ɨya tukarieya ranutitɨari.

Rukaxi 1:34

Hikɨ Mariya mɨpaɨ niuki tuayame katiniutahɨawe: —Merikɨte, ¿kepaɨtɨtɨ mɨpaɨ pɨtiyɨni, 'uki nepɨkamate?

Kitsariyaxi 7:11

―Yawé 'akakaɨyari keneutawawiri 'inɨari mɨmatsiwewirienikɨ, tsepa kwieta tetɨata paitɨ, yatsepa muyuawi meutitewatsie paitɨ.

2 Te'aitamete 20:8

'Etsekiyaxi mɨpaɨ Kakaɨyari niukameya katiniutahɨawekaitɨni: —¿Ketita 'inɨari netixeiya mɨpaɨ nemɨretimanikɨ kename Yawé 'aixɨa netsiyurieni, meta kename neyɨweni haika tukari 'anukayayu tukita nemɨmiekɨ?

Nɨawari 86:17

'Inɨari keneneuwewiri kepemɨnetinaki'eriekɨ, memɨnetsi'aye'unie memixeiyakɨ memɨyutitetewiyakɨ, 'ekɨtsɨ Yawé, pemɨnetsi'uparewikɨ meta pemɨnetsi'unɨtɨakɨ.

Tsutɨarika 15:9

Yawé mɨpaɨ katinita'eiya: —Kenene'atɨiri xeime wakaxi, xeimeta kapura, xeimeta tuuru muxa yunaitɨ haika wiyari mehɨtɨkaime, yaxeikɨata xeime haɨmɨ 'amɨnena xeimeta kukuru yakɨmɨnena.

Tsutɨarika 28:4

'Ekɨta kematsiyetuirieni meta 'anuiwarima 'Apɨrahami 'aixɨa kemuyuriekai, 'ikɨ xepiini mayanikɨ hikɨ temanu'uwa teewanarixi wahepaɨ, 'Apɨrahami kemɨtiutahɨawarie 'ikɨ kwie hepaɨtsita.

Tsutɨarika 50:24

Hikɨ 'arikemɨkake, Kutse mɨpaɨ katiniwarutahɨawe yu'iwama: «'Etsiwa xeikɨari peuyewetse nemɨmɨnikɨ, peru Kakaɨyari kanixeparewiekamɨkɨ, kanixe'ayewitɨmɨkɨ 'ikɨ kwieyaritsie kanixe'anuwitɨmɨkɨ kwie 'Apɨrahami, 'Itsahaki meta Kakuwu mɨwaxatɨakaitsie».

Keremiyaxi 34:18

Netɨratu xemutitsanaxɨakɨ, meta nehɨxie kexemɨte'uxa xemɨkahaye'atɨakɨ, tuuru xeiwiyari hɨkame hixɨapa xemuxite hepaɨ nenixeyurimɨkɨ, meta hutame xehayexɨrieka hetsiena xemuyekɨ tɨratu yuri xemayeitɨanikɨ.

Keremiyaxi 34:19

Kura kwieyaritsie miemete memanuyetei meta Kerutsaremetsie, meta paratsiyuta te'uximayatamete meta mawari wewiwamete, meta yunaitɨ kemɨ'ane tuuru hixɨapa xitekiekametsie memuyekɨ,