Tsutɨarika 15:14 - Kakaɨyari Niukieya

¹⁴ Peru neta yaxeikɨa nepɨwa'uximatɨani mɨkɨ teɨteri memɨtewata'uximayatsitɨani, 'ana mepayekɨne 'anuiwarima metixɨnarieme, waɨkawa mɨraye'atɨka mete'upitɨ.

Tsutɨarika 15:14 ပူးပေါင်းရင်းမြစ်များ

1 Tsamuheri 12:8

»Kakuwu kepauka 'Ekipitu munua 'arikeke, nuiwarimama Yawé mekanahɨawekaitɨni muwatawikweitsitɨanikɨ. Hikɨ Yawé Muitsexi meta 'Aruni kaniwarenɨ'ani 'Ekipitu, memɨwarayewitɨnikɨ 'ena memɨwa'atɨanikɨ.

Nɨawari 135:14

Yurikɨ Yawé yuteɨterima wahetsie kanitanuamɨkɨ, meta te'i'uximayatsiriwamete kaniwatinenimayatamɨkɨ.

Kutsuhexi 24:17

Yawé takakaɨyari tame meta tatutsima mɨtatsi'ayewitɨ kanihɨkɨtɨni 'Ekipitu kwieyaritsie, waɨriyarika temɨteha'uximayakaitsie. Mɨkɨ kanihɨkɨtɨni 'inɨari waɨkawa mamariwame muwewi tehenenierekaku. Katani'ɨwiyakaitɨni kepauka makumawetsie temu'uwakai meta kepauka yumɨireme nuiwarite wakwietsie temuyekɨkakaitsie.

Hutarieka 'inɨari 6:22

Tahɨxie, Yawé mamariwawemekɨ 'inɨarite puwewi, meta kwinimieme 'aneneme 'uximatɨarika 'ekipitutari wahetsiemieme, Parahuni meta yunaime tɨɨriyamama wahetsiemieme.

Hutarieka 'inɨari 4:20

Peru xeme Yawé kanixe'ayewitɨni 'Ekipitutsie, mɨkɨ putsuta hakewa tepɨa mekwaxiyarie, xeme teɨterimama xemɨhɨkɨtɨnikɨ hetsɨana miemete, hikɨ kexemɨ'ane.

Nɨawari 135:9

'Ekipitu kwieyaritsie, Kakaɨyari 'inɨari mamariwaweme kanenɨ'ani Parahuni hetsie meta yunaime te'i'uximayatsiriwamete wahetsie.

Nɨawari 51:4

'Ahepaɨtsita 'axanepɨtiuyuri, 'ahepaɨtsita xeikɨa, 'ahɨxie 'axanepɨtiuyuri, 'ayumieme 'ekɨ heitserie pepexeiya, ke'aixɨa pemɨtiyuriene, 'aixɨa pɨ'ane.

Memeyekɨ 3:10

'Ayumieme kene'akuha'aritɨa. Nekamananunɨ'amɨkɨ Parahuni hetsɨa, pemɨwarayewitɨnikɨ 'ixaheritsixi memɨneteɨterima 'Ekipitu kwieyaritsie.

Nɨawari 105:42

Kakaɨyari yutɨratu mɨpatsie pɨkahatɨmai, 'Apɨrahami mɨti'uximayatsiriwame hamatɨa miwewi.

Tsutɨarika 48:21

Hikɨ 'imatɨrieka 'Ixaheri Kutse mɨpaɨ katiniutahɨawe: —Pehurari nemɨmɨnikɨ, perutsɨ Kakaɨyari xehamatɨa kaniuyeikamɨkɨ, kanixe'akunuitɨamɨkɨ xeteukarima wakwietsie.

Tsutɨarika 50:24

Hikɨ 'arikemɨkake, Kutse mɨpaɨ katiniwarutahɨawe yu'iwama: «'Etsiwa xeikɨari peuyewetse nemɨmɨnikɨ, peru Kakaɨyari kanixeparewiekamɨkɨ, kanixe'ayewitɨmɨkɨ 'ikɨ kwieyaritsie kanixe'anuwitɨmɨkɨ kwie 'Apɨrahami, 'Itsahaki meta Kakuwu mɨwaxatɨakaitsie».

Memeyekɨ 12:29

Hikɨ tɨkari hixɨapa Yawé kaniwarukwini yunaime tɨɨri mexɨakate mana kiekatari, yunaitɨ yaxeikɨa katiniwaruyurieni meta Parahuni nu'aya meta pɨretsutsixi waniwema mexɨakate, meta tewaxi waniwema mexɨakate.

Nɨ'ariekate 7:7

Nekaniwataxanetamɨkɨ 'iya nuiwari waɨriyarika mepɨtewata'uximayatsitɨani. 'Arikemɨkake mekanayekɨnikuni, ne'uximayatsika mekanexeiyakakuni 'ena”.