Tsutɨarika 14:23 - Kakaɨyari Niukieya

²³ kename nitixaɨtɨ nekaranupini mɨti'apiini, hiru tɨma, nawi kakaitsie mieme tɨma. Mɨpaɨ hatsuaku pepɨkayɨwe mɨpaɨ pemɨtayɨni: “Ne 'Apɨrami xiku nepeyeitɨa”.

Tsutɨarika 14:23 ပူးပေါင်းရင်းမြစ်များ

2 Te'aitamete 5:16

Hikɨ 'Eritseu mɨpaɨ kaniutayɨni: —Yurikɨ mɨpaɨ nekanaineni Yawé mayeyuri hɨxie 'anemuyeikakɨ, kemɨ'ane nemɨti'uximayatsirie, ne tixaɨtɨ nepɨkaranupini. Tsepa waɨriyarika mɨtiyexatɨakai Nahamani, 'Eritseu pɨkatitanaki'eriri.

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

2 Kurinitutari 12:14

Kamɨtsɨ hikɨ hairieka nepɨha'aritsie xehetsɨa nemɨyemiekɨ, tawarita nepɨkaxe'uximatɨani. Nepɨkatiheiwe'erie xepiini, tukari xemexeiyanikɨ pɨta nepɨtihiwe'erie. Waɨriyarika pɨkaheuyewetse tɨɨri memi'utanikɨ yupaapama wahetsiemieme, wapaapama pɨta yutɨriyama wahetsiemieme memi'utanikɨ peuyewetse.

2 Te'aitamete 5:20

kepauka 'Eritseu tewi Kakaɨyari hetsɨa mieme parewiwameya Kihetsi mɨpaɨ pɨtiu'eri: «'Eritseu neti'aitɨwame waɨkawa 'aixɨa pɨtiuka'iyari, 'ikɨ Tsiriya kiekame Nahamani nitixaɨtɨ pɨkatitanaki'eriri ketita mɨtixatɨakai. Peru ne mɨkɨ nepenukuweiya, heiwatɨ tixaɨtɨ neremini. Yurikɨ mɨpaɨ nepaine Yawé 'amuyeikakɨ mayeyuri».

1 Te'aitamete 13:8

Peru tewi Kakaɨyari hetsɨa mieme, mɨpaɨ ti'aitame katiniuta'eiya: —Tsepa 'apiinite hixɨata ti'akame pemɨnetiyetuiri, nepɨkaheuyeiwe 'akie. Ne 'ena paa nepɨkatakwani meta nepɨka'anuhareni,

Wani 1:27

mɨkɨ ne'utɨma 'ukanamieniri, ne 'aixɨa nepɨkatiuka'iyari nehetsie mɨtinakenikɨ yatɨni nemixɨnirienikɨ kakaiya kwitaxiyari.