Tsutɨarika 14:22 - Kakaɨyari Niukieya

²² 'Apɨrami mɨpaɨ katinita'eiya: —Yawé hɨxie mɨpaɨ neputayɨ, Kakaɨyari 'Amutewi, muyuawi mutawewi meta kwie,

Tsutɨarika 14:22 ပူးပေါင်းရင်းမြစ်များ

Tanieri 12:7

»Ne nekanixeiya meta nekani'enieni tewi rinu kamixayari manakatɨkɨ, haa heima muyewiekai, yuheima yumamate hetseraxɨaka hikɨ yakatiniyɨhɨritɨani kemɨ'ane mayeniere yuheyemekɨ hɨxie, mɨpaɨ kaniutayɨni: “Haika wiyari heimana 'ataxewi metseri kaneuyewekani. 'Ikɨ naitɨ katinaye'amɨkɨ kepauka teɨteri memɨpatsie watɨrɨkariya tawariri mɨkaka'unarieni”.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Nɨawari 83:18

Meketehetimani 'ekɨ Yawé pemɨhɨkɨkɨ, mɨpaɨ pemɨtitewa, mɨpaɨ meketemaika 'ekɨ xeikɨa 'Amutewi pemɨhɨkɨkɨ 'ena kwiepa naitsarie.

Nɨawari 24:1

Yawé kwie naitɨ pɨtipiinieya meta hetsiena naitɨ mɨtixuawe, kwie naitɨ kemɨnena, meta keyupaɨmetɨ mana memɨte'u'uwa,

'Itsɨkate 11:35

Kepauka Ketexi mixei yukamixa kaneukatsana, mɨpaɨ kaniutayɨni: ―'Ai, neniwe, yemekɨ 'aixɨa pepɨkanetsi'uyuri. 'Ekɨ peyɨyu 'aixɨa nepɨkayɨni. Ne Yawé yɨkɨ nepɨtiutahɨawixɨ, nemɨti'itani nepɨkayɨwe.

Hutarieka 'inɨari 32:40

Nemamate nepanukuhapana muyuawitsie nepeititsera mɨpaɨ nepɨtayɨni: Ne 'anemuyeika nemɨhɨkɨ yuheyemekɨ,

Memeyekɨ 6:8

Nekanixe'anuwitɨmɨkɨ kwietsie mɨpaɨ kenemɨtinehɨritɨa 'Apɨrahami, 'Itsahaki, Kakuwu, nemɨwayetuirienikekai, ne Yawé, nepɨxeyetuirieni mɨkɨ kwie mana xemɨtitenikɨ”».

'Akehuxi 2:8

Pɨrata katininepinitɨni, meta huru katininepinitɨni —kanaineni Yawé Naimekɨmɨtɨrɨkaɨye.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Tsutɨarika 21:33

Hikɨ mana Weritsewa, 'Apɨrahami tamaritsiku titewakame kaniuka'eni, mɨkɨtɨa Yawé Kakaɨyari 'atsimɨkayɨwe kaniutahɨawekaitɨni.

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

Tsutɨarika 14:21

Ti'aitame Tsuruma kiekame, mɨpaɨ 'Apɨrami katiniutahɨawe: —Neteɨterima keneneyetuiri, piinite ketinapitɨ.

Tsutɨarika 24:3

Yawé hɨxie yurikɨ yakenetineutahɨawi, kemɨ'ane kwie meta muyuawi mutawewi, kename 'uka 'ena kiekame Kanani peka'iwitɨtɨani neniwe

2 Te'aitamete 5:16

Hikɨ 'Eritseu mɨpaɨ kaniutayɨni: —Yurikɨ mɨpaɨ nekanaineni Yawé mayeyuri hɨxie 'anemuyeikakɨ, kemɨ'ane nemɨti'uximayatsirie, ne tixaɨtɨ nepɨkaranupini. Tsepa waɨriyarika mɨtiyexatɨakai Nahamani, 'Eritseu pɨkatitanaki'eriri.

Nɨawari 144:8

Kepauka memutiniuka, 'itarika mepɨkuxata, yumamá yutserieta mieme mepanukuhapana, yakɨ xeikɨa metekuxatatɨ.

Nɨawari 144:11

Kenenewikweitsitɨaka, hipatɨ teɨteri memɨnetsi'uweiyakɨ nehetsie keneutanua. Kepauka memutiniuka, 'itarikakɨ mepɨtekuxata, yumamá mepanukuhapana, yakɨ xeikɨa metekuxatatɨ.

Hutarieka 'inɨari 10:14

»Yawé xekakaɨyari muyuawi katinipinieyatɨni, meta waɨkawa 'emɨreutitewa, kwie meta ketita hetsiena mɨtixuawe.

2 Tsamuheri 2:5

Hikɨ Rawiri Kawetsi kiekatari niuki kaniwarenɨ'airieni mɨpaɨ tiwarahɨawetɨ: «Yawé 'aixɨa kexeyurieka tixe'aitɨwame Tsahuri hetsie xemɨtewiyakaikɨ meta xemeikateukixɨkɨ.

1 Kemɨtiuyɨ 29:11

'Ekɨ Yawé katini'apinitɨni, kepemɨtimariwe meta kepemɨtitɨrɨkaɨye, witsikepemɨ'ane, kepemɨrayu'iwa meta kepemɨti'aitame. Naitɨ katini'apinitɨni ketipaɨmetɨ mɨtixuawe muyuawitsie meta kwiepa. Yaxeikɨata 'ekɨ xeikɨa pekatini'aitametɨni, 'ekɨ yunaime waheima pekatini'aitani.