Tsutɨarika 14:20 - Kakaɨyari Niukieya

²⁰ Kakaɨyari 'Amutewi naimekɨmɨyɨwe pamɨpariyutsi nekanipitɨaka, mɨmatsi'uparewi memɨmatsi'aye'unie pemɨwara'iwakɨ». Hikɨ 'Apɨrami pɨtiyetuiri, tamamatatsie timieme xeime naime.

Tsutɨarika 14:20 ပူးပေါင်းရင်းမြစ်များ

Tsutɨarika 28:22

'Ikɨta tete 'anemitake Kakaɨyari kiiya kanayeimɨkɨ, naime tita Kakaɨyari mɨnetimini, nekaniyetuiriemɨkɨ tamamata hetsiemieme xeime».

Marakiyaxi 3:10

»Xekene'atɨa 'aixɨa 'anemekɨ tamamatatsie mieme xeime tukita muyuhayewanikɨ, mɨpaɨ 'ikwai kanixuawekamɨkɨ netukita. Mɨkɨkɨ xekeneneuta'inɨata —mɨpaɨ kanaineni Yawé Naimekɨmɨtɨrɨkaɨye—, xekaninenierikuni muyuawitsie wiyeri nekaneuyepimɨkɨ meta 'aixɨa nekanixeyurimɨkɨ waɨkawa yemekɨ 'anutiyakamekɨ.

Rukaxi 18:12

Ne matsi hutakɨa nepunetihakiwa xexuime tsemanatsie, ne'iwarika tamamatatsie mieme xeime nepɨyetuaya tukita”.

Tsutɨarika 24:27

mɨpaɨ 'utaitɨ: «'Aixɨa pepɨtiuka'iyari Yawé 'Apɨrahami neti'aitɨwame Kakaɨyarieya, pe'inaki'erietɨ pepɨkatihayewa meta 'aixɨa pepɨnetiuye'atɨa 'iwamama wahetsɨa».

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Xumatari 15:16

Kɨritsitu Ketsutsi parewiwameya nemayanikɨ memɨkahuriyutsixi wahetsiemieme, mawari wewiwame hepaɨ neti'uximayatɨ Kakaɨyari niukieya 'aixɨa manuyɨne hetsiemieme, mɨkɨ memɨkahuriyutsixi mawari memakɨnekɨ memɨtanaki'eriwakɨ, Kakaɨyari hetsiemieme memɨpatsienikɨ 'Iyari Mɨtiyupata yatiwapatakaku.

Marakiyaxi 3:8

»¿Kamɨtsɨ tiyɨwe tewi Kakaɨyari mɨtiunawatsirieni? Xeme xekaneteninawatsirietɨweni. »'Akuxita mɨpaɨ xete'u'iwawa: “¿Titakuta tematenawatsirietɨwe?” »Tamɨ tamamatatsie mieme xeime meta 'imikieri xeneteyetuiriwatɨ xepɨte'uhayewaxɨ.

'Amuxi 4:4

»Xekenehu Weteri mana 'axaxeketeneyurieka. Kirikari xekenehu manata yaxeikɨa 'axaxeketeneyurieka, ximeri xeketenemawatɨweni, meta hairieka tukaritsie tamamata hetsiemieme xeime xekeneyetuayani.

Nɨawari 144:1

Yawé 'aixɨa ke'itɨarieka, ne'ai mɨhɨkɨkɨ, pɨneti'ɨkitɨa kuyaxa timiemekɨ, nemamate pukuha'aritɨwa nemeuyutamiewenikɨ.

Nɨawari 68:19

'Aixɨa ketikuxaxatsiwani Tati'aitɨwame, takakaɨyari meta tatsiwikweitsitɨwame, tukari manukayeika ta'ikakɨ pɨtatsiparewie.

Nɨawari 44:3

Wa'ixipara pɨkatiuyuri kwie mema'iwaxɨ, yukɨmana mepɨkate'uyuri memɨte'ayu'iwaxɨ: matsi 'atɨrɨkariya pɨtiuyuri, 'amamá 'atserieta mieme pɨtiuyuri, 'anierika xawatɨriyaya pɨtiuyuri, 'ekɨ pemɨwanaki'eriekaikɨ.

Nehemiyaxi 13:12

Yunaitɨ Kura kwieyaritsie kiekatari kiita mɨtiwati'utsiwatsie mekateni'atɨani tamamatatsie mieme xeime memɨteyetuaya, tɨriku, kaxie winuyari meta hatseiti.

Nehemiyaxi 10:37

Metatsiere mɨpaɨ tekateniuxata temɨteyetuayanikɨ Kakaɨyari tukieyata timieme mɨtiwati'utsiwatsie, muwa tepiyetuani harina 'aixɨa mɨ'ane, meta hipame 'imikieri, ta'iteɨri 'ikwaxiyari, kaxie winuyari mɨhekwa meta hatseiti, mawari wewiwamete wahetsie timieme takakaɨyari tukita memɨte'uximaya. Metatsiere yatekateniuxata temiyetuanikɨ tamamatatsie mieme xeime tita temɨte'uka'etsa rewitsixi wahetsiemieme mɨrayanikɨ, mɨkɨtsɨ mekanihɨkɨtɨni naime 'ikɨ memɨte'uyetɨtɨkɨka

2 Kemɨtiuyɨ 31:12

Tinaime mekateniuti'uta 'aixɨa metekahutɨ 'imikierite, tamamatatsie timieme xeime, meta piinite mɨtiyetuiya mɨtipatsietɨka. 'Ikɨ pɨtihɨritɨariekai Kunaniyaxi rewi tewiyari, meta 'iwaya Tsimi piparewiekai.

Kutsuhexi 10:42

Mɨkɨ yunaime te'aitamete meta wakwieyaritetsie Kutsuhexi katinayu'iwa, matsi Yawé 'ixaheritsixi wakakaɨyari mɨwaparewiekaikɨ.

Hutarieka 'inɨari 14:28

»Haika wiyari 'anuyeyeikakaku xepikuxexeɨriwani ('imikieri tamamatatsie mieme xeime) yukiekaritsie pɨta xepiyetuani, mɨkɨ wiyaritsie xemɨte'ukaxei hetsie timieme.

Hutarieka 'inɨari 14:23

Yawé xekakaɨyari hɨxie xekanikwaikuni mɨkɨ tamamatatsie mieme xeime xemɨteyetua, tɨriku, winu, hatseiti, meta xemɨwayetua tewatsiekate mexɨakate, mɨkɨ hakewa meyuhayewa mana xekateneyurikuni. Mɨpaɨ xeteyurietɨ xepimakaxeni yuheyemekɨ Yawé yukakaɨyari.

Hutarieka 'inɨari 12:17

»'Imikieri tamamatatsie mieme xeime pepɨkakwaka 'akiekaritsie 'atɨriku hetsiemieme, winu meta hatseiti, meta 'atewama tuurutsixi meta 'amuxatsi meta tsipuri mexɨakate, meta yape'utayɨka pemɨtiwayetua, meta temawierika mawariyari 'ahetsiemieme kepemɨtikuxeɨri.

'Inɨatsie 28:26

»Tsemana 'ixɨarari muwewierirɨmetsie, Yawé pekatinitimawiriemɨkɨ 'imɨari hehekwame matɨari mɨtiukaxɨawerixɨ, meta 'ixɨarari patsiekamekɨ memuyukuxexeɨriwa pekaniwewiemɨkɨ. Mɨkɨ tukaritsie xewitɨ tixaɨtɨkɨ pɨkati'uximayaka.

Tsutɨarika 9:26

Mɨpaɨta kaniutayɨni: «'Aixɨa ketikɨhɨawarɨwani Yawé Tsemi Kakaɨyarieya. Kanani ke'ayani waɨriyarika ti'uximayatsiriwame.

Tsutɨarika 14:21

Ti'aitame Tsuruma kiekame, mɨpaɨ 'Apɨrami katiniutahɨawe: —Neteɨterima keneneyetuiri, piinite ketinapitɨ.

Memeyekɨ 18:10

Hikɨ mɨpaɨ kaniutayɨni: «'Aixɨa keraniuwani Yawé hetsiemieme, 'ekipitutari watsata mɨxehetawikweitsitɨa. 'Aixɨa keraniuwani kemɨ'ane 'ixaheritsixi mɨwaretawikweitsitɨa ti'aitame Parahuni tɨrɨkariyayatsie.

Tsutɨarika 47:24

Kepauka 'itsanaxa mayani, 'auxɨwimexɨa tixeɨriekame xepɨtiwewieni yaxeikɨa papaɨmeme, xeime Parahuni xekaniyetuiriekuni, xemerita naukame xemɨtekwakakɨ, meta xemɨka'enitsiemieme.

Tsutɨarika 47:26

Kutse mɨkɨ 'inɨari, 'aitsika kanayeitɨani naitsarie 'Ekipitu kwieyaritsie. Hikɨ 'akuxi kaneyuhekɨaka yapaɨmetɨ Parahuni tsiemieme kanayeikani. Perutsɨ mawari wewiwamete xeikɨa wakwie Parahuni tipiinieya pɨkaratɨa.

2 Tsamuheri 18:28

'Akimatsi kaninuani, ti'aitame kaniutahɨawe kwiepa 'utihɨximakeka, hikɨ mɨpaɨ katinitahɨawe: —Yawé 'aixɨa ke'itɨarieka, ti'aitame 'akakaɨyari, karikɨ kataniyetuirieni kemɨ'ane memɨmatsi'aye'uniekai.