Tsutɨarika 13:16 - Kakaɨyari Niukieya

¹⁶ Ne yumɨireme nepɨwarayeitɨani 'anuiwarima tumuanari hepaɨ. Xewitɨ xɨka tumuanari 'inɨataweni, kaniyɨwemɨkɨta 'anuiwarima mɨwati'inɨatakɨ.

Tsutɨarika 13:16 ပူးပေါင်းရင်းမြစ်များ

'Inɨatsie 23:10

¿Kemɨ'ane pɨyɨwe Kakuwu nuiwarimama mɨwaruti'inɨata, tumuanari hepaɨ memuyupaɨme, yatɨni tsikere yayupaɨmeme mɨwaruti'inɨata 'Ixaheri nuiwarimama? 'Aixɨa mɨtiuka'iyari hepaɨ ne'anetɨ neke'umɨni. Wahepaɨ netiyurienetɨ neke'ukumawere».

Tsutɨarika 28:14

Mɨkɨ yumɨiretɨ mepakɨne kwie tumuanariyari hepaɨ. 'Amepɨtayeure 'ayeta, 'atsutɨa, 'atserieta, 'a'utata meye'atɨkaitɨ meta yunaitɨ nuiwarite kwiepa memɨtama 'aixɨa mepɨ'itɨarieni 'ekɨ 'akɨmana meta 'anuiwarima».

Tsutɨarika 32:12

'Ekɨ mɨpaɨ pepɨnetiutahɨawixi kename penetsiparewiekakekai, kename nexiɨyarima yumuiretɨ mehakɨnekekai, xiekari haramara tetsita mɨtixeɨrie mɨkayu'inɨatsinɨa hepaɨ».

1 Te'aitamete 3:8

Peru 'ena pekaneniuhɨani ne ti'a'uximayatsiriwame teɨteri memɨyumɨire wahɨxie pemɨwaranayexei, teɨteri memɨkayu'inɨatsinɨa.

Memeyekɨ 32:13

Keniwara'eriwani kepemɨtiwarutahɨawixɨ, 'Apɨrahami, 'Itsahaki, 'Ixaheri meta. 'Ekɨ mɨpaɨ peputayɨ kename wanuiwari pewatamɨiriyakekai, kememɨteyuxexeiya xurawetsixi muyuawitsie, 'ekɨ pepɨwaruxatɨa kwie wanuiwari wahetsiemieme mayanikɨ yuheyemekɨ.

Tsutɨarika 22:17

'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Tsutɨarika 15:5

Hikɨ Yawé kanenuyewitɨni takwa paitɨ, mana mɨpaɨ katinitahɨawe: —Muyuawitsie keneutinieri, keniwaruti'inɨata xurawetsixi, xɨka peyɨweni pemɨwaruti'inɨata. Mɨpaɨ mekaniyupaɨmekakuni 'anuiwarima.

Matsiɨkɨtɨ kemɨratɨa 7:9

Merikɨtsɨ 'ana nekaneutaniere, teɨteri yumɨireme nekaniwaruxeiya naitsarie kiekatari, nuiwarite, kiekari mukumanetsie meta kememɨte'uniukakai, tewi pɨkayɨwekai mɨwaruti'inɨatakɨ. Mana 'uweni hɨxie meta Muxa hɨxie mekaniti'ukaitɨni me'anakatuxatɨ, takɨ me'upitɨ.

Keremiyaxi 33:22

Ne yɨmɨireme neti'uximayatsiriwame Rawiri xiɨyarieya nekaniwarayeitɨamɨkɨ meta rewitsixi memɨnete'uximayatsirie, xɨrawetsixi wahepaɨ memɨkayu'inɨatsinɨa meta xiekari haramara tetsita mɨtika hepaɨ nekaniwatipaɨmeriyamɨkɨ”».

1 Kemɨtiuyɨ 27:23

Peru Rawiri pɨkawaraka'utɨa 'ukitsi xeitewiyari wiyari memɨkahexeiyakai, mɨkɨ Yawé mɨpaɨ putayɨkai kename 'ixaheritsixi mekayu'inɨatsinɨakakekai, mɨyuawitsie miemete xɨrawetsixi wahepaɨ.

1 Kemɨtiuyɨ 21:5

hikɨ 'ana Rawiri katiniyetuirieni keyupaɨmeme muwaraka'utɨakai kuyaxi: 'Ixaheri kwieyaritsie xeimiyuniyari heimana xeitsienituyari miriyari (1.100.000) mepɨyupaɨmekai, meta Kura kwieyaritsie kiekatari nauka tsienituyari heimana haika tewiyari heimana tamamata miriyari (470.000) mepɨyupaɨmekai.

1 Te'aitamete 4:20

Kura kwieyaritsie meta 'Ixaheri kwieyaritsie memɨtamakai yemekɨ kwinimieme mekaniyupaɨmekaitɨni, haramara tetsita xiekari mieme hepaɨ, mana waɨkawa 'ikwai nixuawekaitɨni meta mɨti'iwa metatsiere temawierika.

'Itsɨkate 6:5

Mekani'axekaitɨni yutewama metewaru'arietɨ, meta 'ixuriki kiyari mete'utɨtɨ 'utsikari wahepaɨ mekateniyuxexeiyakaitɨni. Teɨteri meta kameyutsixi yunaitɨ mepɨkayu'inɨatsinɨakai mɨkɨ kwieyaritsie mekanitahakekaitɨni metehakuxɨtɨanike.

'Itsɨkate 6:3

Kepauka 'ixaheritsixi memuka'etsakai, mekani'axekaitɨni mariyanitsixi, 'amarekitsixi, meta hipatɨ tau manatineika kiekatari mekaniwarutakukuyakaitɨni.

Hutarieka 'inɨari 1:10

Yawé xekakaɨyari kanixe'utimɨiriya, 'ayumieme hikɨ xekaniyuwaɨkawani xurawetsixi muyuawitsie miemete wahepaɨ.

Memeyekɨ 1:7

Peru matsi 'ixaheritsixi, waɨkawa tɨɨri mekaniwarayexeiyakaitɨni, yumɨiretɨ mekanakɨne metɨrɨkaɨyetɨ, mɨkɨ kwieyaritsie mekanakɨnɨximekaitɨni. Kiekari 'ayeutɨ kanayeiximekaitɨni.

Tsutɨarika 46:3

Kakaɨyari mɨpaɨ katinitahɨawe: —Ne Kakaɨyari nepɨhɨkɨ, 'apaapa Kakaɨyarieya. Pepɨkaheumaka 'Ekipitu pemɨyemiekɨ. Matsi ne yumɨireme nepɨxe'ayeitɨani, mana xehekutekaku.

Tsutɨarika 35:11

Tawarita Kakaɨyari mɨpaɨ kaniutayɨni: «Ne Kakaɨyari Naimekɨmɨtɨrɨkaɨye nekanihɨkɨtɨni. Kenexiɨka kene'amɨiriyani. 'Ahetsie mepɨyekɨne yumɨiretɨ 'anuiwarima xeikɨa, manata te'aitamete mepɨtixuawere.

Tsutɨarika 28:3

Kakaɨyari Naimekɨmɨtɨrɨkaɨye 'aixɨa kematsiyurieka waɨkawa peke'utaxiɨni, 'ahetsie memɨyekɨnekɨ nuiwarite yuwaɨkawatɨ.

Tsutɨarika 26:4

Nepɨwatimɨiriya 'anuiwarima xurawetsixi wahepaɨ, 'ikɨ naime kwie nepɨxeyetuirieni, 'anuiwarima wahekɨ yunaitɨ nuiwarite kwiepa memɨtama 'aixɨa mepɨ'itɨarieka.

Tsutɨarika 21:13

Meta ti'uximayatame nu'aya nuiwari mariweme nepayeitɨani, 'aniwe mɨhɨkɨkɨ».

Tsutɨarika 18:18

'Apɨrahami nuiwarieya mariwetɨ payani meta tɨrɨkaɨyetɨ, mɨkɨ kɨmana yunaitɨ nuiwarite kwiepa memɨtama 'aixɨa mepɨ'itɨarieni.

Tsutɨarika 17:20

'Itsimaheri hetsiemiemeta nepɨmatsi'enie. Ne 'aixɨa nepiyurieni, waɨkawa mɨiriweme nepayeitɨani, yuwaɨkawa nuiwarimama nepɨwarayeitɨani. Tamamata heimana huta te'aitamete wapaapa kanayeimɨkɨ. Hetsiena nuiwari mariweme nekaninetɨamɨkɨ.

Tsutɨarika 17:16

Ne 'aixɨa nepiyurieni, nunutsi xeime nepɨxeyetuirieni. Waɨkawa 'aixɨa nepiyurieni, mɨkɨ yumɨireme nuiwarite wamaama payani, hetsiena mepɨyekɨne te'aitamete kiekaritsie memɨteta'aitaxɨani».

Tsutɨarika 17:6

Kwinimieme petixiɨweme nepɨmatsi'ayeitɨani 'ahetsie mepɨyekɨne te'aitamete meta nuiwarite.

Hepɨrayutsixi 11:12

'Ayumieme xeimetsie xeikɨa mekaniyekɨne, tsepa mɨkɨ mumɨximekai, taheima miemete xurawetsixi wahepaɨ meyupaɨmetɨ mekanakɨne, meta xiekari haramara tetsita mieme hepaɨ meyupaɨmetɨ mekanakɨne mɨkayu'inɨatsinɨa hepaɨ.

Tsutɨarika 16:10

Yaxeikɨata 'anuiwarima nepɨwatimɨiriya, xewitɨ pɨkayɨweni mɨwaruti'inɨata.

Tsutɨarika 17:2

Mɨpaɨ nepeye'atɨani 'ahetsɨa tɨratu meta yumɨireme nepɨwarayeitɨani 'anuiwarima».

2 Te'aitamete 13:23

Peru matsi Yawé kaniwarutinenimayata. Meripaitɨ tɨratu muwewiekaikɨ 'Apɨrahami, 'Itsahaki meta Kakuwu wahamatɨa, 'ayumieme 'ixaheritsixi kaniwarutinenimayata wahetsie putanua, hikɨ 'akuxi yaxeikɨa pɨkawataunie memɨkaka'unarɨwanikɨ meta memɨka'ayeweiyarienikɨ hɨxiena.

2 Kemɨtiuyɨ 1:9

Yawé meta Kakaɨyari, ne'ukiyari Rawiri kepemɨtiutahɨawixi kenaye'atɨa, 'ekɨtsɨ ti'aitame pekanenayeitɨani teɨteri memɨyumɨire wahetsiemieme tumuanari kwiepa mieme hepaɨ.

Tsutɨarika 32:13

Mɨkɨ tɨkaritsie Kakuwu mana puyuhayewaxɨ, kepaɨmeme mɨrexeiyakai katiniwaranuyeteɨxɨ yu'iwa 'Etsahu mɨtiminikɨ,

Kuwi 5:25

Tɨɨri yɨwaɨkawame pewarexeiyatɨ pekanayeimɨkɨ, meta 'anuiwarima tupiriya 'ɨtsita mieme hepaɨ.