Tsutɨarika 12:12 - Kakaɨyari Niukieya

¹² Nepɨtimate kepauka memɨmatsihexeiya 'ekipitutari mɨpaɨ mepetiyuani: “Ti'a'ɨya 'ikɨ”, 'anari mekanenemiekuni, 'ekɨta mekamanehayewakuni.

Tsutɨarika 12:12 ပူးပေါင်းရင်းမြစ်များ

Tsutɨarika 20:11

hikɨ 'Apɨrahami mɨpaɨ katinita'eiya: —Ne mɨpaɨ nepɨtiku'eriwakai, xeme Kakaɨyari xeka'ayemakaxeme nepɨ'eriekai, xenetsimienike nepɨ'eriekai ne'ɨya hetsiemieme.

Tsutɨarika 26:7

Kepauka teɨteri mana kiekatari memiku'iwawiyakai 'ɨyaya hepaɨtsita, mɨkɨ kename 'iwaya kaniutainekaitɨni, Xeweka kwinimieme witsikatini'ɨimarikaitɨni, 'Itsahaki kaneumakaitɨni heitserie mɨtiwataxatɨanikɨ, mɨpaɨ pɨtiku'eriwakai me'imienike 'ɨyayakɨ pɨ'eriekai.

Mateu 10:28

Xepɨkawamakarɨka mɨkɨ memɨyɨwawe wai memumieni xeikɨa, peru mepɨkayɨwawe 'iyari memumieni. Matsi xekenemakarɨka kemɨ'ane mɨyɨwe mika'una 'iyari meta waiyari naime tai yamɨtita'atsie.

Temaiwawemete 29:25

Pewamakatɨ teɨteri 'akɨmana pepɨ'awiniya, kemɨ'ane Yawé hetsie yuri mɨti'erie kaniwikweitsitɨarieka.

1 Tsamuheri 27:1

Merikɨtsɨ Rawiri mɨpaɨ katiniyukɨhɨawekaitɨni: «Tsieretsɨ hatsuaku Tsahuri pɨnetsimieni. 'Aixɨa kaniyɨmɨkɨ piritsiteutsixi wakwietsie nemɨneta'unakɨ mana nemekanikɨ. Mɨpaɨ Tsahuri netsiwaunetɨ 'Ixaheri kwieyaritsie kaniti'uximɨkɨ».