Tsutɨarika 12:1 - Kakaɨyari Niukieya

¹ Merikɨtsɨ Yawé 'Apɨrami mɨpaɨ katiniutahɨawe: «Keneuku'eiri 'akwie, 'amarema meta 'apaapa kie, kenemie kemɨ'ane kwie nemɨmatsixeitsitɨanitsie.

Tsutɨarika 12:1 ပူးပေါင်းရင်းမြစ်များ

Hepɨrayutsixi 11:8

Yuri mɨti'eriekaikɨ, 'Apɨrahami kepauka muta'inierie, yatikamietɨ mana paitɨ kaneyani hakewa hetsiena mɨrenakenikekai, kaneyani 'atsikatimaitɨ hakewa menuanikekai.

Nehemiyaxi 9:7

»'Ekɨ, Yawé meta Kakaɨyari, 'Apɨrami pemanayexei pepɨhɨkɨ. 'Ekɨ 'Uxi karireutsixi wakwieyaritsie paitɨ pepiyewitɨ, 'Apɨrahami pepɨtiterɨwaxɨ.

Kitsariyaxi 51:2

'Apɨrahami xekeneuxeiya, yupaapa, meta Tsara, mɨxe'utiniwexɨ. Kepauka ne nemenayexei, puyuxaɨtatɨkai, peru ne 'aixɨa nepiyuri, mɨtamɨirekɨ.

Tsutɨarika 15:7

Mɨpaɨta katinitahɨawe: —Ne Yawé nekanihɨkɨtɨni, nemɨmatsi'ayewitɨ 'Uxi karireutsixi wakwieyaritsie nemɨmatsiyetuirienikɨ 'ikɨ kwie.

'Etsekieri 33:24

«Tewi pemunu'aya, teɨteri kii 'u'unimeta memayetei 'Ixaheri kwieyaritsie, mɨpaɨ mekanetiyuaneni: “'Apɨrahami matsi yuxaɨtatɨtɨ 'ikɨ kwieya naitɨ pɨhɨkɨtɨkai, tame matsi tepɨtawaɨkawa, 'aixɨa kani'aneni 'ikɨ takwie mɨhɨkɨtɨnikɨ”.

2 Kurinitutari 6:17

«Watsata xekenayekɨneka, xekeneuyupata. Ketita mɨkati'itiya xepɨkatekumaɨwani, ne 'ana nekanixetanaki'erimɨkɨ».

Kitsariyaxi 41:9

Kwie manu'axetsie paitɨ nepɨmatsiyewitɨ, kwie manuye'atɨkatsie paitɨ nepɨmatsi'utahɨawixɨ, mɨpaɨ nekametiniutahɨawe: “'Ekɨ neti'uximayatsiriwame pekanihɨkɨtɨni”. Ne nepɨmatsi'anayexei, nepɨkamatsi'utixani'eri.

Matsiɨkɨtɨ kemɨratɨa 18:4

Hikɨ xeimeta nekaniu'enieni muyuawitsie mɨpaɨ hetaineme: «Kiekaritsie xekenewayekɨni neteɨterima, wahepaɨ xemɨkayɨakakɨ mɨkɨ 'axakememɨteyurie, 'uximatɨarika xehetsie mɨkatinakenikɨ,

Tsutɨarika 20:13

Kepauka mɨpaɨ mɨnetiuta'aitɨa Kakaɨyari, kename nepaapa nemaama newaku'eirienikekai, kename 'ateewa neyemiekai, ne ne'ɨya mɨpaɨ nepɨtiutahɨawixɨ: «Neuxei mɨpaɨ nepɨmatiwawirie: Tsepa hakewa temekɨ, kename ne 'amatsika nehɨkɨ peputaineni».

Tsutɨarika 24:4

'Itsahaki, matsi pekaniyemieni nemarema wahetsɨa, muwa neniwe 'ɨyaya mayani pekananuyewaumɨkɨ.

Tsutɨarika 26:2

Mana Yawé kaniyuhekɨata mɨpaɨ katinitahɨawe: «Pepɨkaheyeikani 'Ekipitu. Mɨkɨ kwieyaritsie keneuyuhayewa kemɨ'ane nemɨmatsi'uxeitsitɨatsie.

Kitsariyaxi 37:12

¿Kamɨtsɨ netutsima memɨwaruka'unaxɨ: Kutsani, Karani, Xetsepi meta Hereni kiekatari Teratsaxi memɨtamakai, wakakaɨyarima wahetsie mete'utanua?

Tsutɨarika 24:7

Yawé Kakaɨyari muyuawi mutawewi nekie pɨnetseheyewitɨ ne'iwama wahetsɨa, mɨpaɨ netihɨritɨatɨ: «'Anuiwarima nepɨwayetuirieni 'ikɨ kwie», mɨkɨ yuniuki tuayame kananunɨ'amɨkɨ 'ahamatɨa mɨmatsi'anuwitɨnikɨ, 'ekɨ pemeyɨwekaxɨanikɨ 'uka pemawitɨni neniwe 'Itsahaki hetsiemieme.

Tsutɨarika 24:38

Matsi pɨta kenemie ne'iwama memanu'uwatsie, mana kenetiwawa 'uka neniwe 'ɨyaya mayanikɨ”.

'Inɨatsie 10:30

Huwawi mɨpaɨ kaniutayɨni: —Ne hawaikɨ, ne nepɨkayemie, ne nekwiepa pɨta nekaniyemieni nemarema wahetsɨa.