Tsutɨarika 11:31 - Kakaɨyari Niukieya

³¹ Teraki kanayeyani 'Uxi karireutsixi wakwieyaritsie Kanani 'uta'eriwatɨ. Yuniwe 'Apɨrami 'awitɨtɨ meta yuteukari Ruti, meta yumu'e Tsarahi 'Apɨrami 'ɨyaya. Peru Karani kiekariyaritsie me'u'axɨaka mana mekanikuyaxe,

Tsutɨarika 11:31 ပူးပေါင်းရင်းမြစ်များ

Nehemiyaxi 9:7

»'Ekɨ, Yawé meta Kakaɨyari, 'Apɨrami pemanayexei pepɨhɨkɨ. 'Ekɨ 'Uxi karireutsixi wakwieyaritsie paitɨ pepiyewitɨ, 'Apɨrahami pepɨtiterɨwaxɨ.

Tsutɨarika 24:10

Hikɨ kameyutsixi kaniwarukuha'aritɨani tamamata meyupaɨmeme 'Apɨrahami tewamama, meta waɨkawa 'imikierite katiniukuha'aritɨani, kaneyani Nakuxi manukateitsie Metsuputamiya kwieyaritsie.

Tsutɨarika 12:4

Hikɨ 'Apɨrami kanayeyani, Yawé kemɨrehɨawekai, meta Ruti hamatɨana kaneyani. Kepauka mayetɨa 'Apɨrami Karani kiekariyaritsie haika tewiyari heimana tamamata heimana 'auxɨwime wiyari pexeiyakai.

Tsutɨarika 15:7

Mɨpaɨta katinitahɨawe: —Ne Yawé nekanihɨkɨtɨni, nemɨmatsi'ayewitɨ 'Uxi karireutsixi wakwieyaritsie nemɨmatsiyetuirienikɨ 'ikɨ kwie.

Tsutɨarika 11:32

mana Teraki kaniumɨni huta tsienituyari heimana 'auxɨwime wiyari hexeiyatɨ.

Tsutɨarika 10:19

mɨkɨ wakwie kaniye'atɨyani Tsiruni tsutɨarietɨ Keraxi paitɨ 'u'atɨ meta Kahatsa paitɨ, Tsuruma hepatsieta, Kumuxa, 'Arimaha, meta Tsewuhini, metatsiere Ratsa paitɨ.

Hepɨrayutsixi 11:8

Yuri mɨti'eriekaikɨ, 'Apɨrahami kepauka muta'inierie, yatikamietɨ mana paitɨ kaneyani hakewa hetsiena mɨrenakenikekai, kaneyani 'atsikatimaitɨ hakewa menuanikekai.

Tsutɨarika 27:43

'Ayumieme neniwe, keneneu'eni: Keneuyuta'una Karani paitɨ, ne'iwa kie Rawani,

Tsutɨarika 24:15

Hikɨ yunenewietɨ karanunɨwekaku Xeweka kaniuxeiya, 'akanamiekaitɨni yuye'ɨ 'anakayetɨ. Xeweka Wetueri kaniniweyatɨkaitɨni, Wetuheri kaniwaniwetɨkaitɨni Mirika Nakuxi hamatɨa, Nakuxi 'Apɨrahami 'iwaya.

Tsutɨarika 12:5

Kepauka metɨa 'Apɨrami Kanani paitɨ, yu'ɨya pewitɨ Tsarahi, meta yumatsu Ruti, yaxeikɨa yunaime te'i'uximayatsiriwamete Karani mɨwarutinanekai, meta tita memɨtehexeiyakai. Kepauka Kanani memuye'axɨa,

2 Te'aitamete 19:12

¿Kamɨtsɨ ne'ukiyarima memɨwaruka'unaxɨ kiekarite: Kutsani, Karani, Xetsepi meta teɨteri 'Ereni kiekatari Teratsaxi memɨtamakai, wakakaɨyarixi wahetsie mete'utanua?

Kuwi 1:17

Mexi 'akuxi tewi tikuxaxatɨwakai katitahayewawekaku, tawarita xewitɨ kaninuani mɨpaɨ kaniutayɨni: «Tenawayamete kariteutsixi me'u'axɨaka, me'ayehaikatɨ kameyutsixi yupiini mekaniwarayeitɨani mekaniwarehapani. Te'uximayatamete 'ixiparakɨ mekaniwarekwini. Ne xeikɨa nekaneyuta'una, hikɨ nekaneyeyani nemɨmatitaxatɨanikɨ».

Kitsariyaxi 37:12

¿Kamɨtsɨ netutsima memɨwaruka'unaxɨ: Kutsani, Karani, Xetsepi meta Hereni kiekatari Teratsaxi memɨtamakai, wakakaɨyarima wahetsie mete'utanua?

Tsutɨarika 14:12

Ruti mana mukateikɨ Tsuruma kiekariyaritsie 'Apɨrami matsuya, mɨkɨta mekanehana meta yunaime tewamama.

Tsutɨarika 28:10

Kakuwu kanayeyani Weritsewa, huye kananukuweiya Karani haneme.