Tsutɨarika 10:9 - Kakaɨyari Niukieya

⁹ mɨkɨ waɨkawa reutamiewetɨ meta heuyutamiewetɨ kamatɨ kanayani Yawé hɨxie. 'Ayumieme hipatɨ mɨpaɨ meputiyuane: «'Ikɨ tewi Nimiruri hepaɨ pɨreuyutamiewe Yawé hɨxie».

Tsutɨarika 10:9 ပူးပေါင်းရင်းမြစ်များ

Nɨawari 52:7

«'Ena tewi xekanixeiyani Kakaɨyari hetsɨa mɨkaye'a mɨkɨ hetsiena mɨtanuanikɨ, matsi pɨta yupiinitɨarikatsie mɨtiwiyakai, 'axatiyurienetɨ 'amuyeikakai».

2 Kemɨtiuyɨ 28:22

Tsepa waɨkawa mu'uximatɨariekai, ti'aitame 'Akatsi kaniyeweiyakaitɨni Yawé ka'enietɨ.

Tsutɨarika 27:30

Hikɨ 'Itsahaki yuniwe hetsiemieme Kakaɨyari 'utawawirieku, Kakuwu 'amɨtiwayetɨa 'Etsahu kaninuani rekumieka.

Tsutɨarika 25:27

Tɨɨri mekaniutiwawere. 'Etsahu yeuta kaninakekaitɨni, yeutari kwinimieme tiwareutakwiwetɨ kanayani. Kakuwu meta kayuwatɨ muyeika kanayani, yukie mukani kaninakekaitɨni.

Tsutɨarika 13:13

Teɨteri Tsuruma kiekatari 'axamekateniu'iyarikaitɨni, Yawé hepaɨtsita waɨkawa 'axamɨti'ane mekateniyuriekaitɨni.

Tsutɨarika 6:11

Kakaɨyari kaniuniere kwiepa 'axamɨti'ane kemɨtixuawekai, teɨteri kememɨteyunanaimakai.

Tsutɨarika 6:4

Kepauka Kakaɨyari niwemama teɨteri waniwema memɨwarutiwitɨ, tɨɨri kwinimieme me'utɨtɨme mekaniwarayexeiya, kwinimieme mete'ayu'iwatɨ mekanakɨne meripaitɨ. Mana mɨtiyetɨa kwinimieme me'utɨtɨ mekaniutixuawere kwiepa.

Mikeyaxi 7:2

Teɨteri Kakaɨyari memayexeiya 'ikɨ kwieyaritsie mekanakuxɨtɨarieniri, 'ena kwiepa mepumaweri teɨteri 'aixɨa memɨte'u'iyari. Yunaitɨ hipame mepɨwakwiku, meta yunaitɨ mekaniyuwiniyatɨweni.

'Etsekieri 13:18

Mɨpaɨ ketiniwarayemari'itɨa, Yawé naimekɨmɨyɨwe mɨpaɨ kanaineni: “Xɨa'ui kemɨ'ane memɨteyukewaiya, meta memɨtewatamikwa 'axati'anemekɨ teɨteri metewa'irɨwiyatɨ. Kamɨtsɨ neteɨterima mewakunuitɨanike meteyu'erie, mɨkɨta yuxaɨta yuhetsie metanuanike meteyu'erie.

Keremiyaxi 16:16

Yawé mɨpaɨ kanaineni: «Ne nekaniwaranunɨ'amɨkɨ yuwaɨkawame ketsɨteweiyamete, mɨkɨ xeme mepɨxetitekaina. 'Ariketa, nekaniwaranɨnɨ'amɨkɨ yuwaɨkawame memɨxe'aye'unie, memɨxe'anukuweiya naitsarie hɨritetsie, yemuritetsie meta 'aita, yeutari tewakukuyamete wahepaɨ mepɨxe'anukuweiya.

Tsutɨarika 10:8

Kutsi Nimiruri paapaya pɨhɨkɨtɨkai, mutamariwaxɨ mexɨakame tewi kwinimieme titɨrɨkaɨyetɨ matɨakɨ 'ana,

Tsutɨarika 10:10

Kiekarieya 'amɨtimamariwawekai mɨra'aitakaitsie kanihɨkɨtɨkaitɨni Waweri, 'Ereki, 'Akari, meta Karine, Tsinaxi kwieyaritsie.

Kitsariyaxi 18:2

Niru hayari 'utɨma tupiritsixi pɨwarayenɨ'awa haka kanuwayaritsie. Xekeneuhuni, tupiritsixi kwinimieme xemayɨwawe, xeime kwieyaritsie teɨteri kwinie me'utɨtɨ memaxuawetsie meta yuwaiyaritsie meheumerɨkawitɨ, mɨkɨ nuiwari naitsarie kiekaritsie mɨmakaxiwa, mɨkɨ nuiwari mɨtɨrɨkaɨye mɨtiyu'aitɨwa, mɨkɨ kiekari haa 'anuyehapanekaku mukuma.