Tsutɨarika 1:6 - Kakaɨyari Niukieya

⁶ Kakaɨyari mɨpaɨ kaniutayɨni: «'Amakuyewa ke'uneni haa hixɨapa ke'ipata haa taheima mieme meta kwiepa mieme».

Tsutɨarika 1:6 ပူးပေါင်းရင်းမြစ်များ

Kuwi 37:18

¿petiyɨwe pemiparewieni muyuawi 'axemɨtayeuriya, 'ayetse'ime wurunitse xikɨriyari tepɨayari hepaɨ?

Keremiyaxi 51:15

»Yawé kwie kaniutawewieni yɨtɨrɨkariyakɨ, kemɨtimaiwekɨ kwie 'aixɨa katiniuyeni, muyuawi 'ayeume kanayeitɨani kemɨrakumatekɨ.

Nɨawari 33:6

Yawé niukieyakɨ muyuawi kaniuneni, 'iiyayakɨ xurawetsixi mekaniutixuawere.

Nɨawari 104:2

Xawatɨmekɨ pekaneuyukunaka 'ixuriki tuxamekɨ hepaɨ, muyuawi peputaweraxɨ 'ixuriki hepaɨ.

Nɨawari 33:9

mɨkɨ 'utaniuku, naitɨ pɨtiune, mɨkɨ tiuta'aitaku, naitɨ 'aixɨa pɨtiuyɨ.

Nɨawari 148:4

Xemeta muyuawi 'amautitewa, xekenenɨawani, xemetatsiere haa muyuawitsie xemuyema.

Tsakariyaxi 12:1

'Ikɨ kemɨtiyɨni niukiyari Yawé niukieya kanihɨkɨtɨni, 'Ixaheri hepaɨtsita mieme. Mɨpaɨ kanaineni Yawé, muyuawi munetɨa, kwie tenariyari mukayatsaxɨ, meta tewi tukari 'iyayari mupitɨa:

Nɨawari 19:1

Muyuawi taheima muyema hetsie pɨmatsiɨkɨ Kakaɨyari kemɨtimariwe, mɨkɨkɨ pɨtihekɨata yumamakɨ kemɨtiutawewi.

Tsutɨarika 1:20

Mɨpaɨ kaniutayɨni Kakaɨyari: «Yumɨiretɨ haapa meketeye'uwani, meketeheɨwɨtɨkani wikixi kwie heima muyuawi kemɨyewa».

Nɨawari 150:1

Yawé kenɨawarieka. Kakaɨyari xekenenɨawani tukitana, xekenenɨawani muyuawitsie mɨtɨrɨkaɨyekɨ.

Kuwi 37:11

Haiwitɨri haa kaniutitɨtɨwani, meta yumimierɨkari mana kaniyenenetɨwani,

Ti'ɨkitame 11:3

Haiwitɨri kepauka mayemanenitsie, kwiepa wiyeri kanikaxɨriemɨkɨ. Kɨye xɨka tatsutɨa hataweni, yatɨni tayeta, hakewa meutaweni mana kaniyuhayewamɨkɨ.

Tsutɨarika 1:14

Kakaɨyari mɨpaɨta kaniutayɨni: «Meke'utixuawere muyuawitsie hekɨariwiwamete, meke'ipata tukari tɨkari, mɨkɨ 'inɨari meke'akɨne taxarita, witarita, 'ahurakaku, xexerixa, tukari meta wiyari, 'inɨariyari meke'akɨne.

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

2 Pekuru 3:5

Mɨpaɨ me'utiyuatɨ, mepɨyuwaɨriya mɨpaɨ memɨtehatɨmaiyakɨ, Kakaɨyari ya'utayɨku muyuawi matɨari paitɨ 'apuyemakai, meta kwie hapa pune, hakɨ putawewiya.

Kitsariyaxi 40:22

Mɨkɨ katini'aitani muyuawi taheima muyema hetsie, mana teɨteri memu'uwa 'utsikari wahepaɨ mekateniyuxexeiyani. Mɨkɨ muyuawi kaniutawerani 'ixuriki xamaruyari hepaɨ, meta 'aixɨa katinikuwerani muwa mayekanikɨ.

Nɨawari 19:2

Tukari xeime tukari yapɨtikuxaxatɨwa kemɨtiɨyɨ, tɨkari xeime tɨkari yapɨrahɨawe.