Tsutɨarika 1:5 - Kakaɨyari Niukieya

⁵ Hekɨariya «tukari» katiniuterɨwa, yɨriyata «tɨkari». Hikɨ kaniukɨyɨre, ximerita kanayani, mexɨakame tukari kanayani.

Tsutɨarika 1:5 ပူးပေါင်းရင်းမြစ်များ

Nɨawari 74:16

Pɨti'apiini tukari, meta tɨkari, 'ekɨ metsa mana pepuyeye meta tau,

Kitsariyaxi 45:7

Ne hekɨariya nekaniunenetɨwani meta yɨriya, 'aixɨa mɨti'ane nekatini'atɨwani meta 'uximatɨarika, ne, Yawé, naime 'ikɨ nekatiniunenetɨwani.

1 Tetsarunikatari 5:5

Xeme yunaitɨ hekɨaripa xekanimiemetetɨni, tukaritsie xepɨmiemete kexemɨte'ununuiwa. Tɨkakɨta tepɨkamiemete, yɨwipa tepɨkamiemete.

Nɨawari 104:20

'Ekɨ yɨriya pekani'atɨwani, kani'axeni, hikɨ mɨkɨ tɨkaritsie yutawima memɨteku'uwa yeutari mekanewayekɨkani.

Tsutɨarika 8:22

»Mexi'akuxi kwie 'atsikayɨwe, pɨtiuka'etsitɨreni pɨtiuka'itsanatɨreni, Xexerixa payeikani meta pukuxɨxɨreni, witarita payeikani meta taxarita, pukuhekɨkɨareni meta pukuyɨyɨreni».

Nɨawari 19:2

Tukari xeime tukari yapɨtikuxaxatɨwa kemɨtiɨyɨ, tɨkari xeime tɨkari yapɨrahɨawe.

Keremiyaxi 33:20

«Yawé mɨpaɨ kanaineni: “Xɨka xeme netɨratu tukarikɨ miemete mɨka'aye'atɨariekakɨ yaxete'uyurieni, meta netɨratu tɨkarikɨ miemetsie, mɨpaɨ xeme tukari meta tɨkari mɨka'aye'anikɨ xepɨyɨwawenikeyu,

'Epetsutari 5:13

Peru mɨkɨ naitɨ hekɨatsietɨ, matsiɨkɨtɨ kanayeitɨariwani hekɨaripa. Hekɨariya kanihɨkɨtɨni tita matsiɨkɨme mɨrayeitɨa naime.

1 Kurinitutari 3:13

yuxexuitɨ wawewiya kanihekɨakamɨkɨ. Tukari 'aye'ayu hekɨatɨ kanayeimɨkɨ, tukari matsiɨkɨtɨ kemɨrayani tai xuawekaku. Tai kanita'inɨatamɨkɨ yuxexuime wawewiya, 'aixɨa kemɨti'anene.

Tsutɨarika 1:8

'Amakuyewa, Kakaɨyari «muyuawi» katiniuterɨwa. Hikɨ kaniukuyɨre, ximerita kanayani, Hutarieka tukari kanayani.

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

Tsutɨarika 1:23

Hikɨ kaniukuyɨre, ximerita kanayani, 'auxɨwirieka tukari kanayani.

Tsutɨarika 1:19

Hikɨ kaniukɨyɨre, ximerita kanayani. Naurieka tukari kanayani.

Tsutɨarika 1:13

Hikɨ kaniukuyɨre, ximerita kanayani, hairieka tukari kanayani.

'Inɨatsie 20:29

Kepauka yunaitɨ memɨtehetima kename 'Aruni hemɨkai, xeitewiyari heimana tamamata tukari mekanitsuariwiyatɨwekaitɨni.

Nɨawari 65:8

Yunaitɨ naitsarie kwiepa memɨtama mepɨmama mariwemekɨ kepemɨtiyuriene, tau manatineika meta makayuyuipike 'ekɨ kwikari witsi'anɨyɨneme pepɨwapitɨa.