Tsutɨarika 1:31 - Kakaɨyari Niukieya

³¹ Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

Tsutɨarika 1:31 ပူးပေါင်းရင်းမြစ်များ

1 Timuteu 4:4

Naime Kakaɨyari mɨtiunetɨa 'aixɨa katini'aneni, tixaɨtɨ pɨkatixani'eriwa xɨka ranupini pamɨpariyutsi 'ipitɨatɨ Kakaɨyari,

Nɨawari 104:24

Yawé 'aku, pɨtimɨire tita pemɨtiutiwewi. Mɨkɨ tinaime pepɨtiutiwewi petimaiwetɨ. Kwiepa kemakuyewa mekanihɨneni pemɨtiwarutiwewi.

Memeyekɨ 20:11

Kena'eriwani 'ataxewime tukari Yawé pɨtiutiwewi muyuawi, kwie, haramara, meta yunaime mana memɨteye'uwa, hikɨ 'atahutarieka kaniuka'uxipieni. 'Ayumieme Yawé mɨkɨ 'uxipiya tukari patsiekame kanayeitɨani.

Nɨawari 104:31

Yawé kepemɨtimariwe yuheyemekɨ mɨpaɨ peke'aneni, Yawé keyutemawieritɨaka tita mɨtiutawewi hetsiemieme.

Hiwerika 3:38

¿Tamɨ Kakaɨyari xeikɨa yahainekaku yakatikuyɨne, mɨtiutixuxuawere 'axati'anetɨ meta 'aixɨati'anetɨ?

Kuwi 38:7

mexixi me'utikwikakai xurawetsixi ximeri miemete meta yunaitɨ niuki tuayamete meyutemamawietɨ me'utihiwakai?

Tsutɨarika 2:2

'Atahutarieka tukaritsie, Kakaɨyari kaniuka'uxipieni, naime mɨtiutinɨkɨ yu'uximayatsika kemɨtiuyɨhɨawixɨ.

Tsutɨarika 1:23

Hikɨ kaniukuyɨre, ximerita kanayani, 'auxɨwirieka tukari kanayani.

Tsutɨarika 1:8

'Amakuyewa, Kakaɨyari «muyuawi» katiniuterɨwa. Hikɨ kaniukuyɨre, ximerita kanayani, Hutarieka tukari kanayani.

Tsutɨarika 1:5

Hekɨariya «tukari» katiniuterɨwa, yɨriyata «tɨkari». Hikɨ kaniukɨyɨre, ximerita kanayani, mexɨakame tukari kanayani.

Tsutɨarika 1:19

Hikɨ kaniukɨyɨre, ximerita kanayani. Naurieka tukari kanayani.

Tsutɨarika 1:13

Hikɨ kaniukuyɨre, ximerita kanayani, hairieka tukari kanayani.

1 Timuteu 4:5

Kakaɨyari niukieyakɨ meta nenewierikɨ kanitipatsiwani.

Memeyekɨ 31:17

'inɨari yamɨreuyuhane pɨhɨkɨtɨni mɨkɨ meta ne. »Kaniyuritɨni, 'ataxewi tukari Yawé katiniutawewieni, muyuawi taheima mieme meta kwie, 'atahutarieka tukaritsie puka'uxipi».

Nɨawari 104:28

'Ekɨ pepɨtiwayetuirie, mɨkɨta mepuka'itsana, kepauka 'amamakɨ pemɨtiwamikwa, mɨkɨ waɨkawa metehexeiyatɨ mepakɨka.

Nɨawari 119:68

'Ekɨ 'aixɨa pepɨtiuka'iyari, meta 'aixɨa pepɨtiyuriene, 'a'aitsikate keneneuti'ɨkitɨa.

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Ti'ɨkitame 3:11

Kakaɨyari witsiti'aneme katiniunetɨani, mɨpaɨ tewi katiniupitɨani mɨpaɨ mɨtiku'eriwanikɨ 'uxa'atɨniwarie, tsepa tewi mɨkaheitimaitɨyeika Kakaɨyari 'uximayatsikaya mɨkɨ kemɨtiyuriene matɨari paitɨ meta 'imatɨrieka.

Tsutɨarika 2:3

Kakaɨyari 'aixɨa kaniyurieni 'atahutarieka tukari hetsiena mieme mɨpatsiekakɨ, 'ana muka'uxipikɨ, naime yu'uximayatsika tiutinɨka muyuawi meta kwie kemɨtiutawewi.

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.