Tsutɨarika 1:26 - Kakaɨyari Niukieya

²⁶ Mɨpaɨta kaniutayɨni: «Tewi tepɨtawewieni tahepaɨ tiyuxexeiyame tahepaɨ tiyɨkɨhɨaweme. Pɨtiwata'aitɨani ketsɨte haramaratsie miemete, wikixi meta muyuawitsie miemete, yunaime memɨteyutewatsinɨa, yeutari, yunaime memɨka'ukɨniwawe yuhukama memuku'uwa kwiepa».

Tsutɨarika 1:26 ပူးပေါင်းရင်းမြစ်များ

Kurutsetari 3:10

Mɨhekwa pɨta xekenanakatɨki, xehekwariyarieximetɨ yemekɨ kexemɨteyurie hikɨ, xemimaikakɨ Kakaɨyari, mɨxe'utawewi hepaɨ xe'anenetɨ xemakɨnekɨ.

'Epetsutari 4:24

Xekenanakatɨki tita 'aixɨa mɨti'ane, tita mɨtiunetɨarie Kakaɨyari hepaɨ 'anetɨ. Mɨkɨ tita yuri mɨrainetsie memɨmiemete wahepaɨ heitseriemekɨ yaxeketenekahuni, Kakaɨyari xe'ayexeiyatɨ xekeneyɨaka.

Tsutɨarika 3:22

Hikɨ Yawé mɨpaɨ kaniutayɨni: «Hikɨri 'uki meta 'uka tahepaɨ mekani'aneneni, metemaitɨ tita 'aixɨa mɨti'ane tita 'axamɨti'ane, xɨka me'itikwani 'ikwaxi tukari mɨtiyupitɨwa, mepɨyɨwaweni yuheyemekɨ me'ayeyuyuritɨ memuyuhayewanikɨ».

Tsutɨarika 5:1

'Ikɨ 'Arani nuiwarimama mekanihɨkɨtɨni. Kepauka Kakaɨyari tewi mutawewi, yuhepaɨ 'aneme putawewi.

Nɨawari 100:3

Yawé xekenemaika Kakaɨyari mɨhɨkɨkɨ, mɨkɨ pɨtatsi'utawewi, hetsɨana tepɨmiemete. Tepɨteɨterimama, tame muxatsimama tepɨhɨkɨ kuraruyata miemete.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Kitsariyaxi 64:8

Peru tsepa mɨyatɨtɨ, Yawé, 'ekɨ ta'ukiyari pepɨhɨkɨ, tame haxu tepɨhɨkɨ, 'ekɨta 'iwewame. Teyunaitɨ tame 'awewiya tepɨhɨkɨ.

Kurutsetari 1:15

Tepɨkayɨwawe temixeiyakɨ Kakaɨyari, peru mɨkɨ kani'ɨkitsikayatɨni, kanimexɨakametɨni heitserie hexeiyatɨ tita mɨtiunetɨarie hepaɨtsita.

Tsatiyaku 3:9

Tanenikɨ 'aixɨa teputiyuane Ti'aitame mɨta'ukiyari hepaɨtsita, meta tanenikɨ teɨteri tepɨwaruxaxata 'axamemɨ'itɨarienikɨ, tsepa Kakaɨyari hepaɨ me'anenetɨ memutiwewiya.

2 Kurinitutari 4:4

Hikɨ miemete wakakaɨyari kaniwarakɨpiriyaxɨani mɨkɨ yuri memɨkate'erie kememɨteyumate yu'iyaritsie, kapa hekɨariya me'uxeiyakɨ, niuki 'aixɨa manuyɨne Kɨritsitu kemɨtimariwe kemɨtiwahekɨariwiyakeyu. Mɨkɨ Kɨritsitu Kakaɨyari kani'inɨarieyatɨni, hepaɨna pɨtiyuxexeiya.

1 Kurinitutari 11:7

Pɨkaheuyewetse 'uki mɨyukumu'utukakɨ, Kakaɨyari hepaɨ mɨ'anekɨ, hetsiena mɨmatsiɨkɨkɨ kemɨ'ane Kakaɨyari. 'Ukatsie matsi kanimatsiɨkɨni kemɨ'ane 'uki.

Tsutɨarika 9:6

»Xɨka xewitɨ tewi xuriyaya 'utayeurieni, mɨkɨta xewitɨ tewi kanimiemɨkɨ, tewi mutawewiyakɨ Kakaɨyari hepaɨ 'anetɨ.

Ti'ɨkitame 7:29

'Ikɨ xeikɨa nekatiniukaxeiya: Kakaɨyari tewi kaniutawewieni 'aixɨa 'anekame, peru mɨkɨ kanikuwauni yɨkɨ ti'aneneme».

Nɨ'ariekate 17:26

Xeime tewi wapaapa 'ayeitɨaka, pɨwarutiwewi yunaime nuiwarite naitsarie kwie manuniere memɨtamakakɨ. Wakwie 'inɨariyari tiukaye meta memeixeiyanikɨ hakewa meuye'atɨka.

Wani 14:23

Ketsutsi mɨpaɨ katinita'eiya: —Xɨka tewi netsinaki'erieka, neniukitsie yakatinikamiemɨkɨ, ne'ukiyari mɨkɨ kaninaki'eriekamɨkɨta, hetsɨana tekani'axekuni, hetsɨana tekanitakikuni.

1 Wani 5:7

Mepɨyuhaika memɨtehekɨata taheima, Ta'ukiyari, Nu'aya, 'Iyarieya Mɨtiyupata mepɨhɨme. 'Ikɨ yuhaikatɨ mekaniyuxewini.

Tsatiyaku 3:7

Tewitɨtɨ yunaime katiniwamaxiutɨaweni, yeutari memayu'eririya, wikixi, kuuterixi, haramaratsie kiekatari, yunaitɨ mekanimaxiutsiewaweni,

Kitsariyaxi 6:8

Hikɨ Ti'aitame niukieya nekaniu'enieni mɨpaɨ 'utaineme: ―¿Kemɨ'ane nepɨtanɨ'ani? ¿Kemɨ'ane tahetsiemieme pɨmie? Hikɨ mɨpaɨ nekaniutayɨni: ―Ne kenenanɨnɨ'a. 'Ena nekaniuweni.

Nɨawari 149:2

'Ixaheritsixi mekeyutemamawieka mɨwarutawewi hetsiemieme, Kerutsaremetari xekeneyutemamawieka xeti'aitɨwame hetsiemieme.

Tsutɨarika 11:7

Matsi 'aixɨa pɨyɨni waniuki nepɨpataxɨani, memɨkayu'eniekakɨri yunaitɨ».

Keremiyaxi 27:6

Hikɨri 'ikɨ naime nuiwarite wakwie nenɨ'ari Nawukurunutsuxi, Wawiruniyatsie ti'aitame hetsɨa nekaniyetuamɨkɨ, yunaime yeutari 'ɨarime nekatiniyetuirieni.

Kuwi 35:10

Peru xewitɨ mɨpaɨ pɨkahaine: “¿Hakewa Kakaɨyari, mɨnetsi'utawewi, tɨkarikɨ tɨrɨkariya hekwame mɨnetsikupitɨwa,

Wani 5:17

Peru Ketsutsi mɨpaɨ katiniwakɨhɨawekaitɨni: —Ne'ukiyari hikɨ mɨyakatini'uximayaka, neta 'ayumieme yanekatini'uximayaka.

Nɨ'ariekate 17:20

Ketemɨkateheye'enakare pepɨtikuxata. 'Ayumieme tekatenetimaikuni ketɨtɨ manɨyune.

Kuwi 5:23

matsi 'ɨtsita tɨratu pekaniwewimɨkɨ tetexi wahamatɨa meta 'ɨtsita memɨtexuawe 'ɨrawetsixi kaiwatɨ mehexeiyatɨ 'ahamatɨa mekaniu'uwakuni.

Tsutɨarika 2:19

Yawé Kakaɨyari katiniwarunetɨani 'ena kwiepa yunaime memɨte'awɨwawe meta yunaime yeutari, hikɨ Kakaɨyari 'uki hetsɨa kaniwa'atɨani muwatiterɨwakɨ yuxexuime. 'Uki kaniwarutiterɨwa yunaime kememɨteheupaɨme, hikɨ mɨpaɨ mepɨtematiwa.

Kitsariyaxi 45:18

Karikɨ Yawé mɨpaɨ kanaineni, kemɨ'ane muyuawi 'amuyema, Kakaɨyari kwie mutawewi, minetɨa meta 'amiyeye, makumawenikɨ mɨka'itawewi, mitawewi mana mɨkiepatɨnikɨ: «Ne Yawé nekanihɨkɨtɨni, tawarita xewitɨ kaniumaweni.

Kuwi 39:11

¿'Ekɨ hetsiena petiwiya mɨkɨ waɨkawa mɨtɨrɨkaɨyekɨ? ¿Waɨkawame kepemɨti'uximaya petipitɨawe mɨkɨ pɨta mɨtita'uximayatakɨ?

Kwikari 1:11

'Anakɨtsa tepɨtiwewieni hurukɨ meta pɨratakɨ.