Tsutɨarika 1:22 - Kakaɨyari Niukieya

²² 'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyumɨiriyani, xekenehɨneni haapa haramaratsie. Wikixi meta xekeneyɨmɨiriyani kwiepa».

Tsutɨarika 1:22 ပူးပေါင်းရင်းမြစ်များ

Tsutɨarika 8:17

Yaxeikɨata keniwaranaye'ari 'ahamatɨa memɨteye'ɨnekai: memɨte'awɨwawe, tewaxi meta kuterixi. Mekeyumɨiriyani, mekeyuxiɨtɨaka, kwiepa mekehɨneni».

Nɨawari 107:38

Kakaɨyari 'aixɨa kaniwaruyurieni, hikɨ mɨkɨ mekaniyutimɨire, meta yaxeikɨa watewama kaniwarutimɨiriya.

Kuwi 40:15

»'Eripaniti keneuxeiya, nemitawewi 'ahepaɨ, tupiriyakɨ xeikɨa mɨtiyumikwa tuurutsixi kwietsanamete wahepaɨ.

Tsutɨarika 1:28

'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyɨmɨiriyani, kwiepa xekenehɨneni xeketene'aitani. Xepɨhɨritɨarieni ketsɨte haramaratsie miemete, wikixi yunaime muyuawitsie miemete, yunaime memɨka'ukɨniwawe yuhukama memuku'uwa kwiepa».

Kuwi 42:12

Merikɨtsɨ Yawé Kuwi waɨkawa matsi 'aixɨa kaniuyurieni 'imatɨrieka wiyariyaritsie keyuri matɨari, muxatsi tamamata heimama nauka miriyari warexeiyatɨ kanayani, Kameyutsixita 'ataxewime miriyari, tuurutsixi kwietsanameteta xeimiriyari meta puxuri 'ukarawetsixi xeimiriyari.

Tsutɨarika 9:1

Kakaɨyari Nuhexi 'aixɨa kaniuyurieni meta niwemama mɨpaɨ 'utaitɨ: «Xekeneyuxiɨtɨaka, xekeneyumɨiriyani kwiepa xekenehɨneni.

Temaiwawemete 10:22

Yawé hetsɨa katinayeneikani waɨkawa mɨrexeiyanikɨ, yu'iyaritɨatɨ tixaɨtɨ pɨkara'iwa.

Nɨawari 128:3

'A'ɨya 'akie pukani, kaxie nanari witsimɨtixuawe hepaɨ pɨ'aneni, 'amexatsie 'aniwema meputiteni, witsimepɨteyuxexeiyani huriwu yɨrameyari hepaɨ.

Nɨawari 107:31

Yawé naki'eriyaya mɨmariwekɨ, pamɨpariyutsi xekenepitɨaka, mariweme mɨtiyurienekɨ teɨteri wahetsiemieme.

Mawari 26:9

»Ne nekanixexeitsitɨamɨkɨ 'aixɨa kenemɨtiuka'iyari. Ne xeyuxiɨtɨakame nepɨxe'ayeitɨani. Nekanixetimɨiriyamɨkɨ meta netɨratu xehetsɨa nekaniwewimɨkɨ.

Tsutɨarika 35:11

Tawarita Kakaɨyari mɨpaɨ kaniutayɨni: «Ne Kakaɨyari Naimekɨmɨtɨrɨkaɨye nekanihɨkɨtɨni. Kenexiɨka kene'amɨiriyani. 'Ahetsie mepɨyekɨne yumɨiretɨ 'anuiwarima xeikɨa, manata te'aitamete mepɨtixuawere.

Tsutɨarika 30:30

Kepauka nekanuawekaku pemɨrexeiyakai pɨkatimɨirekai, hikɨri waɨkawa mepɨte'utamɨirixɨ, ne netiyurienekaku Yawé 'aixɨa pɨmatsiyurie. Hikɨri ne xaɨtsie nepɨtita'uximayata netɨɨriyama wahetsiemieme.

Tsutɨarika 30:27

Rawani mɨpaɨ katinita'eiya: —Neuxeitsɨ, pepɨkaheyeikani. Ne mɨpaɨ nepɨretima Yawé 'aixɨa pɨnetsiyurie, 'ekɨ penetsiparewiekaku.

Tsutɨarika 1:21

Hikɨ Kakaɨyari katiniwarutiwewieni yunaime metemamariwaweme haramaratsie miemete, meta yunaime memɨte'ayeneniere 'etsimepepetɨ memɨkuyuatɨka memɨyuxiɨtɨa haata paitɨ, meta yunaime memɨte'awɨwawe, yuxexuime kemɨtiwarupitɨa. Hikɨ Kakaɨyari 'aixɨa katiniwaruxeiya.

Tsutɨarika 1:23

Hikɨ kaniukuyɨre, ximerita kanayani, 'auxɨwirieka tukari kanayani.