Tsutɨarika 1:21 - Kakaɨyari Niukieya

²¹ Hikɨ Kakaɨyari katiniwarutiwewieni yunaime metemamariwaweme haramaratsie miemete, meta yunaime memɨte'ayeneniere 'etsimepepetɨ memɨkuyuatɨka memɨyuxiɨtɨa haata paitɨ, meta yunaime memɨte'awɨwawe, yuxexuime kemɨtiwarupitɨa. Hikɨ Kakaɨyari 'aixɨa katiniwaruxeiya.

Tsutɨarika 1:21 ပူးပေါင်းရင်းမြစ်များ

Tsutɨarika 1:25

Kakaɨyari yunaime katiniwarunetɨani memɨteyutewatsinɨa, yeutari, yunaime yuhukama memɨteku'uwa, yunaime kemɨtiwarupitɨa. Kakaɨyari mɨpaɨ kaniutayɨni: «'Aixɨa pɨ'ane».

Tsutɨarika 8:19

Mekatenanayekɨneta yunaitɨ: tewaxi, memɨte'awɨwawe, metatsiere yunaitɨ kuterixi, meta kwiepa memɨtexuawe yuxexuitɨ yɨkɨ memɨte'anene.

Tsutɨarika 8:17

Yaxeikɨata keniwaranaye'ari 'ahamatɨa memɨteye'ɨnekai: memɨte'awɨwawe, tewaxi meta kuterixi. Mekeyumɨiriyani, mekeyuxiɨtɨaka, kwiepa mekehɨneni».

Memeyekɨ 8:3

Niru hatɨayari mukwakeni hepaɨ temutsi wahekɨ puyɨneni, 'aparatsiyuta mepeutahaxɨani, pemuyehuputsie paitɨ meta 'a'itaritsie, yaxeikɨata 'ahetsɨa te'uximayatamete wakiita paitɨ, 'ateɨterima wakiita, 'ahuxunuta meta titɨxɨmete.

Memeyekɨ 1:7

Peru matsi 'ixaheritsixi, waɨkawa tɨɨri mekaniwarayexeiyakaitɨni, yumɨiretɨ mekanakɨne metɨrɨkaɨyetɨ, mɨkɨ kwieyaritsie mekanakɨnɨximekaitɨni. Kiekari 'ayeutɨ kanayeiximekaitɨni.

Tsutɨarika 9:7

»Xeme matsi xekeneyumɨiriyani, xekeneyuxiɨtɨaka, kwiepa xekenehɨneni».

Tsutɨarika 7:14

Wahamatɨa mekaneutahaxɨani yunaitɨ yeutari meta tewaxi, kuterixi metatsiere memɨte'awɨwawe.

Tsutɨarika 6:20

'Ahamatɨa mekaneutahaxɨakuni yuhuhutatɨ memɨte'awɨwawe, tewaxi meta yeutari, kuterixi, memɨtawikwenikɨ.

Kuwi 26:5

«Marikakɨ mekaniutiyɨyɨakani mɨkite, haramara hetɨapai memɨtama.

Kuwi 7:12

¿Kamɨtsɨ ne haramara netihɨkɨ meta mumariwe maukatewatsie kiekame, xemɨnetsitaxeiyanikɨ xeikɨa?

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

Tsutɨarika 1:18

Pɨwarutiwewi mɨme matsi waɨkawa memɨmamariwawenikɨ tukarikɨ tɨkarikɨ, hekɨariya memɨpatanikɨ. Hikɨ Kakaɨyari «'Aixɨa pɨ'ane», kaniutayɨni.

Mateu 12:40

Kunatsi ketsɨ 'amupatsie kemɨtiyekatei haika tukari haika tɨkari, mɨpaɨta yaxeikɨa Yuri Tewi kenemɨtitewa, kwieta nepɨyekani haika tukari haika tɨkari.

Kunatsi 1:17

Matsi Yawé ketsɨ 'amupa kaniukuha'aritɨakaitɨni Kunatsi makwanikɨ, mana haika tukari haika tɨkari kaniyekateitɨni ketsɨ yuriepa.

'Etsekieri 32:2

«Tewi pemunu'aya, 'ikɨ hiwerika kwikariyari keneutakwika Parahuni mɨhetsiemieme, 'Ekipitutsie ti'aitame: »“Maye hepaɨ pepɨti'axexeiya nuiwarite watsata, kuu hata kiekame hepaɨ pepɨti'axexeiya haa pemɨwaikane, 'a'ɨkatekɨ pemitɨniriya meta muhane pemumuina.

Kunatsi 2:10

Hikɨ Yawé ketsɨ 'amɨpa katiniuta'aitɨani Kunatsi mɨhayanikɨ hatetsita paitɨ.

Tsutɨarika 1:20

Mɨpaɨ kaniutayɨni Kakaɨyari: «Yumɨiretɨ haapa meketeye'uwani, meketeheɨwɨtɨkani wikixi kwie heima muyuawi kemɨyewa».

Tsutɨarika 1:22

'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyumɨiriyani, xekenehɨneni haapa haramaratsie. Wikixi meta xekeneyɨmɨiriyani kwiepa».

Tsutɨarika 9:2

Yunaitɨ kwiepa memɨtexuawe mepɨtexemakaxeni: memɨte'awɨwawe, yeutari, kuterixi, ketsɨte haramaratsie memɨteye'uwa. Yunaime xepɨtewata'aitɨani.

Nɨawari 148:7

Yawé xekenenɨawani kwiepa, haramara 'amaukatewatsie kiekatari,

Tsutɨarika 2:19

Yawé Kakaɨyari katiniwarunetɨani 'ena kwiepa yunaime memɨte'awɨwawe meta yunaime yeutari, hikɨ Kakaɨyari 'uki hetsɨa kaniwa'atɨani muwatiterɨwakɨ yuxexuime. 'Uki kaniwarutiterɨwa yunaime kememɨteheupaɨme, hikɨ mɨpaɨ mepɨtematiwa.

Kuwi 12:7

»Matsi tewaxi yeutari keniwaruta'iwawiya, mɨkɨ mekamenayehɨtɨakuni, wikixi memawɨwawe keniwaruta'iwawiya, mɨkɨ mepɨmatetaxatɨani,