Tsutɨarika 1:14 - Kakaɨyari Niukieya

¹⁴ Kakaɨyari mɨpaɨta kaniutayɨni: «Meke'utixuawere muyuawitsie hekɨariwiwamete, meke'ipata tukari tɨkari, mɨkɨ 'inɨari meke'akɨne taxarita, witarita, 'ahurakaku, xexerixa, tukari meta wiyari, 'inɨariyari meke'akɨne.

Tsutɨarika 1:14 ပူးပေါင်းရင်းမြစ်များ

Hutarieka 'inɨari 4:19

Matsi kepauka teikɨ xeheneniereme mana xemɨtexeiya naitɨ tita hetsiena mɨtixuawe muyuawitsie miemete xemɨwaxeiya —tatsɨari tau, metseri meta xurawetsixi— xɨka xekuyuitɨariwani xemɨwarayexeiyanikɨ, mɨkɨ xepɨkawarayexeiyani. Mɨkɨ muyuawitsie memeukatei Yawé takakaɨyari kaniwaranayexeiya, nuiwarite kwiepa memɨtama wakakaɨyarixima memɨhɨkɨtɨnikɨ

Keremiyaxi 31:35

Yawé mɨpaɨ kanaineni, Yawé Naimekɨmɨtɨrɨkaɨye pɨtitewa, kemɨ'ane tau mɨtatsiyetuirie tukarikɨ mɨkɨxenikɨ, metseri meta xurawetsixi, tɨkarikɨ memɨhekɨariwiekakɨ, meta haramara muwatayuitɨwa hamewarieya mutatɨrarɨkanikɨ:

Nɨawari 148:3

Tau meta metsa, meke'inɨawani, xurawetsixi xemutimerɨkare, xekenenɨawani.

Nɨawari 148:6

Naitɨ yapɨtiuyɨ yuheyemekɨ, 'aitsika punetɨa mɨkakuyuitɨariwanikɨ.

'Amuxi 5:8

Yawé Tsimanixi meta Terɨka puwarutiwewi, yɨriya xawatɨriya payeitɨwa meta tukari tɨkari payeitɨwa. Mɨkɨ haa haramaratsie mieme putahɨawe 'ana kwie pukahatuiya. Mɨkɨ Yawé katinitewaka.

Kuheri 3:15

Tau meta metseri kaniyɨrixɨakuni, xurawetsixi mepɨkahekɨariwieniri.

Keremiyaxi 10:2

Mɨpaɨ kanaineni: «Xeme xepɨkawa'ɨkeni hipatɨ nuiwarite kememɨteyurie, meta xepɨkamamaka 'inɨari muyuawitsie miemekɨ, tsepa hipatɨ nuiwarite memimakaxe.

Nɨawari 81:3

Muxa 'uki 'awaya xekeneutahɨtsi metseri manatiwenitsie, meta metsa mɨxikɨraɨyenitsie, ta'ixɨarari tukariyaritsie.

Tsutɨarika 8:22

»Mexi'akuxi kwie 'atsikayɨwe, pɨtiuka'etsitɨreni pɨtiuka'itsanatɨreni, Xexerixa payeikani meta pukuxɨxɨreni, witarita payeikani meta taxarita, pukuhekɨkɨareni meta pukuyɨyɨreni».

Kitsariyaxi 40:26

Teikɨ xekenenenieri, muyuawi xekeneutixeiya: ¿Kemɨ'ane mɨkɨ naime pɨtiutawewi? Kemɨ'ane xurawetsixi memuyumɨire 'aixɨa mɨtiwakuyayatsa yuxexeime, meta mɨwakɨhɨawe waterɨwatɨ yuxexuime. Kanimariweni tɨrɨkariyaya, kanitɨrɨkaɨyeni tɨrɨkariyaya, tixaɨtɨ wapaitɨ pɨkareuyewetse.

Mateu 24:29

»'Ana kwitɨ 'uximatɨarika 'utɨmata, »“tau kaniyɨrimɨkɨ, meta metseri tawari pɨkahekɨariwieni, xurawetsixi mepɨkaxɨrieni muyuawitsie meta tɨrɨkariya memexeiya muyuawitsie miemete mepɨkuyuitɨarieni”.

'Amuxi 8:9

»Yawé naimekɨmɨyɨwe mɨpaɨ kanaineni: 'Iya tukaritsie, »tuka tau nepanukayunitɨani, meta naitsarie kwiepa kanikuyɨrimɨkɨ.

Kuheri 2:10

'Ikɨ kuyaxi wahɨxie kwie naitɨ puyuane meta muyuawi pukuyuane, tau meta metseri pɨyɨrixɨani, meta xurawetsixi mepɨtehayewa mehekɨariwietɨ.

Keremiyaxi 33:20

«Yawé mɨpaɨ kanaineni: “Xɨka xeme netɨratu tukarikɨ miemete mɨka'aye'atɨariekakɨ yaxete'uyurieni, meta netɨratu tɨkarikɨ miemetsie, mɨpaɨ xeme tukari meta tɨkari mɨka'aye'anikɨ xepɨyɨwawenikeyu,

Matsiɨkɨtɨ kemɨratɨa 6:12

Hikɨ kepauka Muxa nemuxei tseyu 'ataxewirieka mieme kanaxɨna, 'ana kwie karima kaniutayuanekaitɨni. Tau puyɨrixɨ 'ɨkari mɨyɨwi hepaɨ, metseri naitɨ xuriya hepaɨ 'anetɨ kanayani.

Mateu 2:2

mɨpaɨ me'utiyuatɨ: ―¿Hakewari peka Huriyutsixi teɨteriyari tiwa'aitɨwame metinuiwaxɨ? Tame xurawe tepexei 'anatineximekaku, tepu'axɨa nenewieri te'ipitɨanike.

'Etsekieri 46:1

»”Yawé naimekɨmɨyɨwe mɨpaɨ kanaineni: 'Itupari tau manatineika hepatsie meuwie katineunakamɨkɨ mɨka'uxipiya tukaritɨnitsie, pɨreuyepierikenike xawatikɨ meta kepauka metsa hekwatɨ manatiwenitsie.

Keremiyaxi 33:25

Yawé mɨpaɨ kanaineni: “Ne xɨka netɨratu tukarikɨ mieme meta tɨkarikɨ mieme neka'uwewienike, meta 'inɨari niukiyari neka'uwewienike muyuawitsie meta kwiepa mɨtiwa'aitɨa,

Kuwi 25:5

Metsatɨtɨ Kakaɨyari hɨxie yuhekɨariya pɨkahexeiya, meta xurawetsixi mepɨka'itiyatɨka,

Tsutɨarika 9:13

Haiwitɨritsie nekuwiwi nekaniuyeteni, mɨkɨ kani'inɨaritɨkamɨkɨ kwie hamatɨa tɨratu kenemɨtiuwewi.

Matsiɨkɨtɨ kemɨratɨa 8:12

Hikɨ naurieka mieme niuki tuayame yukuxineta kaniutahɨtsieni. Tau hairieka miemetsie xewitɨ pɨkahekɨariwiekai, yaxeikɨata metseri, meta xurawetsixi, kaniukuyɨre, mɨpaɨ hairieka miemetsie xewitɨ tukarikɨ meta tɨkarikɨ pɨka'uhekɨakai.

Rukaxi 23:45

Tau 'uyɨreku 'ixuriki meuwiekai tuki 'amɨpata hixɨata kanitsane.

Marikuxi 13:24

»Peru 'ana tukaritsie, mɨkɨ 'uximatɨarika heunuayu, »“tau kaniyɨrimɨkɨ, meta metseri tawariri pɨkahekɨariwieni,

'Etsekieri 46:6

Metsa hekwatɨ manatiwenitsie pitimawa xeime tsikeru, me'ataxewime muxatsi 'etsimemɨpepe meta xeime muxa 'uki, yunaitɨ mɨkɨ mekatekukuyeme.

Nɨawari 119:91

Hikɨ naitɨ pɨtixuawe, kepemɨtiu'aitaxɨ, yunaitɨ mematsi'enietɨ yamekateniyurieka.

Kuwi 25:3

¿Kamɨtsɨ kuyaximama meteyu'inɨatsinɨa? ¿Kemɨ'ane hetsie hekɨariyaya pɨkaye'axe?

Kuwi 3:9

Ximeri miemete xurawetsixi meke'ɨyɨre, yakɨ xeikɨa hekɨariya tukarikɨ mieme meke'ukwewieni, meta matɨari xawatɨriya manatineika mepɨkaxeiyani.

Matsiɨkɨtɨ kemɨratɨa 9:2

Hikɨ katineuyepieni mɨwatixawatsie, hikɨ meukatewatsie kwauni kanewatineni teka 'amɨpa kwauniyari hepaɨ 'anetɨ, tau kahekɨakaku pukuyɨrixɨ, ka'anuyehekɨatɨ patɨa kwauni mɨwatineikakaikɨ mɨwatixawatsie.

Tsutɨarika 1:13

Hikɨ kaniukuyɨre, ximerita kanayani, hairieka tukari kanayani.

Tsutɨarika 1:15

Muyuawitsie meke'utimerɨkani, kwiepata memɨhekɨariwiekakɨ». Mɨpaɨ katiniuyɨni.

Nɨawari 150:1

Yawé kenɨawarieka. Kakaɨyari xekenenɨawani tukitana, xekenenɨawani muyuawitsie mɨtɨrɨkaɨyekɨ.