Tsutɨarika 1:1 - Kakaɨyari Niukieya

¹ Tsutɨapai Kakaɨyari muyuawi meta kwie kaniutawewieni.

Tsutɨarika 1:1 ပူးပေါင်းရင်းမြစ်များ

Hepɨrayutsixi 11:3

Yuri temɨte'eriekɨ mɨpaɨ tepɨtemate, kwie munetɨariekɨ Kakaɨyari mɨpaɨ 'utayɨku. Tita mɨtixeiyariewe kemɨtiuwewiya, tita mɨkarahekɨakɨ katiniutiwewiyani.

Kitsariyaxi 45:18

Karikɨ Yawé mɨpaɨ kanaineni, kemɨ'ane muyuawi 'amuyema, Kakaɨyari kwie mutawewi, minetɨa meta 'amiyeye, makumawenikɨ mɨka'itawewi, mitawewi mana mɨkiepatɨnikɨ: «Ne Yawé nekanihɨkɨtɨni, tawarita xewitɨ kaniumaweni.

Matsiɨkɨtɨ kemɨratɨa 4:11

«Tati'aitɨwame Takakaɨyari 'aku, 'aixɨa pepɨtiuka'iyari, 'ahetsie mɨtinakenikɨ 'aixɨa pemɨtikuxaxatsiwanikɨ mariwemekɨ pemɨmariwanikɨ, meta kepemɨtitɨrɨkaɨye, 'ekɨ naime pepɨtiunetɨa, mɨpaɨ mɨmatinakekɨ pɨtixuawe, naitɨ 'ayumieme pɨtiutiwewiya».

Hepɨrayutsixi 1:10

Mɨpaɨ paineta: «'Ekɨ, Ti'aitame, tsutɨapai kwie pepukama, muyuawi peputawewi 'amamakɨ.

Kitsariyaxi 42:5

Kakaɨyari mɨpaɨ kanaineni, Yawé, kemɨ'ane muyuawi mutawewi meta mitaweraxɨ, kemɨ'ane kwie mukama, meta tita mana mɨtixuawe, mana kiekatari teɨteri wa'iiya muwapitɨa, tukari muwapitɨa mana memu'uwa:

Memeyekɨ 20:11

Kena'eriwani 'ataxewime tukari Yawé pɨtiutiwewi muyuawi, kwie, haramara, meta yunaime mana memɨteye'uwa, hikɨ 'atahutarieka kaniuka'uxipieni. 'Ayumieme Yawé mɨkɨ 'uxipiya tukari patsiekame kanayeitɨani.

Kuwi 38:4

»¿Hakewa pepeyeikakai kepauka kwie tsutɨmeyari nemutawewitsie? Keneneutaxatɨa, xɨka 'aku yemekɨ petiuyemaika.

Nɨ'ariekate 17:24

»Mɨkɨ Kakaɨyari kwie mutawewi, meta naitɨ hetsiena mɨtixuawe, mɨkɨ Ti'aitame muyuawi meta kwie pɨtipiinieya. Mɨkɨ tuki mamakɨ mɨwewiyata pɨka'ayeka,

2 Pekuru 3:5

Mɨpaɨ me'utiyuatɨ, mepɨyuwaɨriya mɨpaɨ memɨtehatɨmaiyakɨ, Kakaɨyari ya'utayɨku muyuawi matɨari paitɨ 'apuyemakai, meta kwie hapa pune, hakɨ putawewiya.

Nehemiyaxi 9:6

»'Ekɨ xeikɨa Yawé pepɨhɨkɨ. 'Ekɨ muyuawi peputawewi, naime muyuawi kemɨyewa xurawetsixi warexeiyakame. 'Ekɨ tukari pepɨwapitɨa tita pemɨtiutawewi: kwie meta haramara yunaime mana memɨtexuawe. 'Ayumieme xurawetsixi muyuawitsie miemete 'ahɨxie mepukahɨxima'uwe.

Kitsariyaxi 44:24

«Yawé mɨpaɨ kanaineni, Metsiwikweitsitɨwame, kemɨ'ane 'amaamatsie mɨmetsikaye: »“Ne Yawé nekanihɨkɨtɨni, naime mɨtiutiwewi, ne nexaɨta muyuawi 'anekaniuyemani meta kwie 'anekanikumani. ¿Kemɨ'ane 'ana nehamatɨa puyeikakai?

Keremiyaxi 32:17

»Yawé nekakaɨyari. 'Ekɨ 'atɨrɨkariyakɨ kwie meta muyuawi peputiwewi. 'Ahepaɨtsita tikwaniwetɨ pɨtiumawe.

Keremiyaxi 51:15

»Yawé kwie kaniutawewieni yɨtɨrɨkariyakɨ, kemɨtimaiwekɨ kwie 'aixɨa katiniuyeni, muyuawi 'ayeume kanayeitɨani kemɨrakumatekɨ.

Nɨawari 33:9

mɨkɨ 'utaniuku, naitɨ pɨtiune, mɨkɨ tiuta'aitaku, naitɨ 'aixɨa pɨtiuyɨ.

Temaiwawemete 3:19

Yawé kwie kaniutawewieni kemɨtiuyematekɨ, muyuawi tatsiere 'akaniuyemani taheima kemɨrakumatekɨ.

Matsiɨkɨtɨ kemɨratɨa 14:7

Kaniutahiwakaitɨni karima: «Kakaɨyari xekenayemakaxeni, meta 'aixɨa xekeneutiyuaneni hepaɨtsitana, 'ari kanaye'ani mɨwatahɨawekɨ 'itsɨkametɨtɨ. Xekenayexeiyani naime mɨtiutiwewi muyuawi, kwie, haramara meta haixate».

Nɨawari 115:15

Yawé hetsɨa timieme 'aixɨa mɨti'ane wahetsie ketinakeni, muyuawi mutawewi meta kwie.

Nɨ'ariekate 14:15

—Xeme teɨteri 'aku ¿titayari mɨpaɨ xeteyurie? Tame xehepaɨ tekaniteɨteritɨni, xehepaɨ tekateniu'iyarini. Niuki 'aixɨa manuyɨne temɨxekuxaxatɨwa xemɨtehayewakɨ yakɨ xeikɨa xemɨteyurie, Kakaɨyari mayeyuritsie xemɨtewiyanikɨ. Mɨkɨ muyuawi, kwie meta haramara putiwewi, meta naime wahetsie memɨtexuawetɨka.

Nɨawari 136:5

Timaiwetɨ muyuawi mutawewi, mɨkɨ hatsuaku pɨkatatsihayewa tatsinaki'erietɨ.

Keremiyaxi 10:12

Kakaɨyari kwie kaniutawewieni yutɨrɨkariyakɨ, kemɨtimaiwekɨ kwie 'aixɨa katiniuyeni, muyuawi 'ayeume kanayeitɨani kemɨtimaiwekɨ.

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Nɨawari 8:3

Kepauka muyuawi nemɨxeiya, 'amamakɨ pemitawewi, metsa meta xurawetsixi mana pemɨwaruyeyatsaxɨ,

Nɨawari 102:25

Tsɨtuapai 'ekɨ kwie pekaniunetɨani, meta muyuawi kani'awewiyatɨni.

Hepɨrayutsixi 3:4

Kii naitɨ tewi pɨtiwewiyaya, peru kemɨ'ane tinaime mɨtiutiwewi, mɨkɨ Kakaɨyari kanihɨkɨtɨni.

Nɨawari 124:8

Yawé tatsiparewiwame kanihɨkɨtɨni, muyuawi mutawewi meta kwie.

Hepɨrayutsixi 1:2

Hikɨ tukari taparirɨmekaku pɨtatiutaxatɨa tame, kemɨ'ane nu'aya mɨhɨkɨ pɨta yatikuxatakaku. Mɨkɨ yuniwe kaniukayeni hetsiena mɨtinakenikɨ naitɨ, mɨkɨ hetsie Kakaɨyari tita 'amɨtikuma katiniunetɨani.

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Nɨawari 33:6

Yawé niukieyakɨ muyuawi kaniuneni, 'iiyayakɨ xurawetsixi mekaniutixuawere.

Nɨawari 121:2

Netsiparewiwame Yawé kanihɨkɨtɨni, kwie meta muyuawi mɨtiutiwewi.

Tsakariyaxi 12:1

'Ikɨ kemɨtiyɨni niukiyari Yawé niukieya kanihɨkɨtɨni, 'Ixaheri hepaɨtsita mieme. Mɨpaɨ kanaineni Yawé, muyuawi munetɨa, kwie tenariyari mukayatsaxɨ, meta tewi tukari 'iyayari mupitɨa:

Kitsariyaxi 40:28

¿Kamɨtsɨ pekatimate? ¿Kamɨtsɨ mɨpaɨ pekaretimaiwe? Yawé yuheyeme Kakaɨyari kanihɨkɨtɨni, naime kwie manu'atɨka mutawewi. Mɨkɨ pɨka'uxiwe meta pɨkawaɨripiwe, meta kemɨtiuyemate yemekɨ pɨkayumainɨa.

Nɨawari 104:24

Yawé 'aku, pɨtimɨire tita pemɨtiutiwewi. Mɨkɨ tinaime pepɨtiutiwewi petimaiwetɨ. Kwiepa kemakuyewa mekanihɨneni pemɨtiwarutiwewi.

Nɨawari 96:5

Yunaitɨ nuiwarite wakakaɨyarixi tixaɨtɨ mepɨkatehɨkɨ, matsi Yawé muyuawi kaniutawewieni.

Matsiɨkɨtɨ kemɨratɨa 10:6

Kaniuyuhɨritɨani mayeniere hɨxie tsepanetɨ xeitsienituyari wiyari manuyekɨka, kemɨ'ane muyuawi, kwie, haramara meta tita naitɨ mana mɨtixɨawe, meta mɨpaɨ kaniutayɨni: «'Ari tukari kananayexɨni.

Xumatari 11:36

Naitɨ hetsɨana katinayeneikani, 'akatiniuweni mɨkɨ tikuyuitɨwakaku, meta hetsiena katinimiemetɨni. Mɨkɨ 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

Nɨ'ariekate 4:24

Kepauka mewaru'enieka 'axeikɨa meyuxewitɨ Kakaɨyari nenewieri mekaniupitɨani: «Ti'aitame Naitsarie pemɨti'aita, muyuawi meta kwie pemutawewi, haramara meta naime wahetsie mɨtixuawe,

Nɨawari 90:2

Hɨri katinunuiwawekaku meta kwie pekatawewiwekaku, meripaitɨtɨ metatsiere 'uxa'a warietɨni, 'ekɨ Kakaɨyari pepɨhɨkɨ.

Kitsariyaxi 51:16

Neniuki 'ateta nekameniupitɨani meta nemamá 'etɨrieyatsie pekaniyeweni, muyuawi 'anepuyema meta kwie nepukama, meta Tsiyuni mɨpaɨ nepɨrahɨawe: “'Ekɨ nekiekari pepɨhɨkɨ”».

Kitsariyaxi 37:16

«Yawé Naimekɨpemɨtɨrɨkaɨye, 'Ixaheri Kakaɨyarieya, 'ekɨ 'uweni pemexeiya 'ateɨtamete wahetsie: 'ekɨ xeikɨa te'aitamete kwiepa memɨtama pepɨwakakaɨyari. 'Ekɨ muyuawi peputawewi meta kwie.

Nɨawari 146:6

muyuawi meta kwie mɨtiutiwewi, haramara meta yunaitɨ titamexi mana memɨteye'uwa, mɨkɨ matsi yurikɨ xeikɨa katinikuxatani.

Nɨawari 134:3

Yawé Tsiyuni paitɨ 'ukaitɨ, muyuawi meta kwie mutawewi, 'aixɨa kexeyurieka.

Matsiɨkɨtɨ kemɨratɨa 22:13

Ne Mexɨakame 'Imatɨreme nekatinitewaka, kemɨ'ane mitsutɨa meta minɨni.

1 Wani 1:1

Tita matɨari paitɨ mɨtimieme, tita temɨte'u'eni, tita temɨte'uxei tahɨxikɨ, tita 'ahurawa temɨtexeiyakai, tita tamamakɨ temɨte'umayɨa, mɨkɨ tekanixekuxaxatɨwani niuki tukari tiyupitɨwame hepaɨtsita.

Marikuxi 13:19

Karikɨ mɨkɨ tukaritsie 'uximatɨarika kanitixuawerimɨkɨ kemɨkatitixuaweriwe tsutɨapaitɨ kepauka kwie Kakaɨyari munetɨatsie paitɨtɨ, meta tawariri pɨkatixuawere 'arike.

Kitsariyaxi 40:26

Teikɨ xekenenenieri, muyuawi xekeneutixeiya: ¿Kemɨ'ane mɨkɨ naime pɨtiutawewi? Kemɨ'ane xurawetsixi memuyumɨire 'aixɨa mɨtiwakuyayatsa yuxexeime, meta mɨwakɨhɨawe waterɨwatɨ yuxexuime. Kanimariweni tɨrɨkariyaya, kanitɨrɨkaɨyeni tɨrɨkariyaya, tixaɨtɨ wapaitɨ pɨkareuyewetse.

Nɨawari 104:30

Xɨka 'a'iiya pehanɨ'ani, tawarita mepɨtixuawere, meta mɨpaɨ kwie naitɨ puyuhekwatɨani.

1 Kemɨtiuyɨ 16:26

Tixaɨtɨ mepɨkatehɨkɨ teɨteri wakakaɨyarixi, matsi Yawé muyuawi kaniutawewieni,

Matsiɨkɨtɨ kemɨratɨa 21:6

Mɨpaɨta pɨnetiutahɨawixɨ: «'Ari naitɨ katinaye'ani. Ne Mexɨakame meta 'Imatɨreme nekanihɨkɨtɨni, nemitsutɨa meta neminɨni. Kemɨ'ane meuharimɨkɨ, ne neka'ituirietɨ nekaniharitɨamɨkɨ nehaixakɨ kɨmana tukari mexeiyanikɨ.

'Epetsutari 3:9

Mɨpaɨta nepɨtiumikie, nemɨtiwahekɨatsitɨiyanikɨ yunaime tita Kakaɨyari mɨtiyurienikekai. Mɨpaɨ pɨkatimatsiɨkɨkai, katini'awietsiekaitɨni matsi matɨaripaitɨ. Kakaɨyari naime mutiunetɨa, mɨkɨ xeikɨa mɨpaɨ katinimaikaitɨni kemɨtiyurienikekai, yakatini'awietakaitɨni

Kitsariyaxi 51:13

¿Yawé pepatɨmai, mɨmatsi'utawewi, muyuawi mutaweraxɨ meta kwie mukama? ¿Pematɨ tukarikɨ 'apetiuyeikani mɨmatsi'aye'unie haxɨayakɨ muyuwaɨriya mɨraka'unakɨ? Peru, ¿hakewa peyuhayewaxɨ mɨkɨ haxɨaya?

Kitsariyaxi 65:17

»Kayuwatɨ xekeneu'enana, 'ari nekaninetɨaximeni muyuawi hekwame meta kwie hekwame. Tawariri pɨkatitaxatsieni meripaitɨ timieme, meta pɨkaha'eriwani.

Matsiɨkɨtɨ kemɨratɨa 3:14

»Hikɨ mɨpaɨ ketineu'utɨiri niuki tuayame Rautitseyatsie memɨyutixexeɨriwa: 'Ipaɨ kanaineni kemɨ'ane Niukieya Mɨtse'i mɨtitewa, kemɨ'ane yatikamietɨ yuri haitɨ mɨyuhekɨata, kemɨ'ane mitsutɨa tita Kakaɨyari mɨtiunetɨa:

Ti'ɨkitame 12:1

Kemɨ'ane matsi'utawewi kena'eriwani, hikɨri pemɨtemaikɨ, mexinetɨ tukari 'axamɨ'ane ka'aye'awe, kepauka mɨpaɨ pemɨtayɨni: «Pɨkanetsinakeri 'anemuyeikanikɨ mɨixa wiyari»,

Mateu 11:25

Merikɨtsɨ 'ana Ketsutsi mɨpaɨ kaniutayɨni: «Ne'ukiyari, taheima pemɨti'aita meta kwiepa, pamɨpariyutsi nepɨmatsipitɨa, pemɨtiuti'awietaxɨkɨ 'ikɨ naime memɨkaheitimanikɨ mɨkɨ memɨteyɨ'ɨkitɨawawe meta memɨtemaiwawe, tɨɨri pɨta wahetsiemieme matsiɨkɨme pemayeitɨakɨ.

Memeyekɨ 31:18

Kepauka mɨtiutahayewaxɨ tikuxatatɨ Tsinahi hɨriyaritsie Muitsexi matɨa, hutame tetexi pi'ɨitɨa 'inɨari niukiyari maye'uxa pɨhɨkɨtɨkai Kakaɨyari mɨraka'utɨa mana yumamakɨ.

Kuwi 9:8

Mɨkɨ yuxaɨta muyuawi kaniutawerani, meta haramara hamewarieya maunuitɨanikɨ kaniyɨweni.

Kitsariyaxi 40:21

¿Kamɨtsɨ xeme mɨpaɨ xekatemaikai? ¿Mɨpaɨ xekatehetimaiwawekai? ¿Mɨpaɨ xakate'utahɨawarie matɨari paitɨ? ¿Mɨpaɨ xekatehetima kwie muyukamatsie paitɨ?

2 Te'aitamete 19:15

hikɨ hɨxiena mɨpaɨ katiniuyunenewieni: «Yawé, 'Ixaheri Kakaɨyarieya, matsiteɨtamete memu'ana wahixɨata 'a'uwenitsie pemaka: 'ekɨ xeikɨa naitsarie kwiepa te'aitamete wakakaɨyari pekanihɨkɨtɨni. 'Ekɨ pekaninetɨani muyuawi meta kwie.

2 Kemɨtiuyɨ 2:11

Hikɨ Hirami Tiru kwieyaritsie ti'aitame, Tsarumuni kaniuta'eiya xapa kaneinɨ'airieni mɨpaɨ 'ayetaineme: «Yawé ti'aitame kamenayeitɨani yuteɨterima wahetsiemieme, waɨkawa matsinaki'erietɨ.

Nɨawari 8:4

mɨpaɨ nepɨtineku'iwawiya: «¿Tewi tita tihɨkɨ, pemiku'eriwanikɨ? ¿Teɨteri tita metehɨkɨ, pemɨwa'eniekakɨ?»