Tsupuniyaxi 2:9 - Kakaɨyari Niukieya

⁹ Yurikɨ mɨpaɨ nekanaineni, —Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya—, Muhawi Tsuruma kwieyari hepaɨ 'anetɨ kanayeimɨkɨ, meta 'amunitsixi Kumuxa kiekariyari hepaɨ mepɨ'itɨarieni: witsaxa 'ɨtsiyari xeikɨa payani meta 'una maxuawe, yuheyemekɨ 'akumawetɨ payani. Neteɨterima memɨyuhayewa wapiini mepɨtewanawairieni, meta neteɨterima 'akuxi memu'uwani wakwie yupiini mepayeitɨani».

Tsupuniyaxi 2:9 ပူးပေါင်းရင်းမြစ်များ

Kitsariyaxi 11:14

Yunaitɨ tau makayuyuipike hepatsie mepeutayune, piritsiteutsixi wakwie mukɨatsie mepɨwatakwini, yunaitɨ tau manatineika kiekatari mepɨtewanawatsirieni, 'Erumi meta Muhawi wahetsie mepɨteta'aita, metatsiere 'amunitsixi mekateniwata'aitɨakuni.

Hutarieka 'inɨari 29:23

Mɨkɨ naitɨ pɨreuyeweni 'una pɨhɨkɨtɨni wakwie hatsiwitɨ 'u'ekatɨ, mana muyeikani pɨkayɨweni, mana mɨtiuka'eni pɨkayɨweni, mana mɨtitiwere pɨkayɨweni, meta tupiriya tɨma pɨkatineni. Kemɨtiɨyɨ kepauka Yawé mɨwaruka'unaxɨ Tsuruma kiekariyari meta Kumuxa, 'Arimaha meta Tsewuhini.

Kitsariyaxi 25:10

Yawé tɨrɨkariyaya 'ikɨ hɨritsie puyuhayewa, peru Muhawi makumatsie pɨtaketsinarieni, 'ɨxa mɨtiketsinarɨwa hepaɨ muwatiketsinaruwatsie.

Keremiyaxi 50:40

Kepauka Tsuruma meta Kumuxa Kakaɨyari mika'unaxɨ hepaɨ raku'anetɨ payani, meta kiekarite 'auriena mamanetɨkatei, Mana nixewitɨ pɨkayutakiitɨani, nixewitɨ tewi mana pɨkatayerɨni —Yawé mɨpaɨ kanaineni—.

Keremiyaxi 48:1

Mɨpaɨ kanaineni Yawé Naimekɨmɨtɨrɨkaɨye, 'Ixaheri kakaɨyarieya, Muhawi hetsiemieme: «Xɨa'ui Newu hetsiemieme, karikɨ kanika'unariemɨkɨ. Kiriyatahini kaniwiyariemɨkɨ meta kanitewiyarikatsitɨariemɨkɨ. Kiekarieya kuraruyari 'amatitewa nitixaɨtɨ pɨkarayeitɨarieni kanika'unariemɨkɨ.

Kitsariyaxi 49:18

Keneutanierixɨa, kenanieretɨye'a, yunaitɨ mekaniyukuxeɨriximeni, 'ahepa 'umekanahuni. Ne yuri nekaniutaineni ne'ayenieretɨ, —kanaineni Yawé—, yunaime mɨkɨ witsipemɨtiyuxexeiyanikɨ pekaniwarayeitɨamɨkɨ, mɨkɨ wahekɨ wikiwame kamixayari pemanakatɨnitsie tetexi mɨraye'axe pemɨreukapine pepɨtihekɨata.

Xumatari 14:11

Mɨpaɨ pɨre'uxa: «Ne nekanayeniereni ―kanaineni Ti'aitame―, nehɨxie yunaitɨ mepɨkatunuma'uni, meta yunaitɨ yutetakɨ 'aixɨa Kakaɨyari mekatenihekɨatakakuni».

Tsupuniyaxi 3:13

'etsimeyupaɨmetɨ memɨyuhayewaxɨ 'ixaheritsixi, tita 'axamɨti'ane mepɨkateyuriekari, 'itarikakɨ mepɨkatekuxatani, kwamanarikakɨ mepɨkatekuxatani. Mekateniutikwa'akuni meta mekaniuka'uxipiwekuni nixewitɨ kawamariutakaku».

Tsupuniyaxi 2:14

Kiekari muyuta'ɨre maku'ɨxaya payani muxatsi memɨte'atikwa'ani meta hipatɨ tewaxi. Mana yukie mepayeitɨani meteyunaitɨ yeutari. Nɨpe hamatɨa mikɨri tuxiyu mu'u'uni hetsie mepakayaxikeni. Watsuari kii hixɨapa nenieremetsie mepayetsuatɨkani, kitenie mɨranutahakitɨretsie pɨranu'u'unini, kariuxa kɨyeyari kii hetsie manuyehe hayekɨa puyehini.

Tsupuniyaxi 2:7

Mana muxatsi mekatenitikwaikuni Kura nuiwarimama memɨyuhayewa watewama. Taikai meputi'uxipiweni 'Atsikaruni kiekariyari muku'eiriwaxɨtsie, Yawé wakakaɨyari waparewienike mana kaninuamɨkɨ 'aixɨa wayurienike.

'Amuxi 1:13

Yawé mɨpaɨ kanaineni: «'Amunitsixi waɨkawa 'axamemɨte'uyuri, 'ayumieme ne nepɨkatiwareuyehɨwirieni. Karikɨ yukwie 'amemɨtayeuriyakɨ, Karaha kiekatari 'ukarawetsixi memayehukatɨkatei wahukatsie 'ixiparakɨ mepɨwareuxitexɨa.

Keremiyaxi 49:18

Tsuruma, Kumuxa meta kiekarite 'auriena mamanetɨka kememɨte'uka'unarie mɨpaɨ pɨtiyɨni, nixewitɨ tawari mana tewi pɨkayutakitɨani —Yawé mɨpaɨ kanaineni—.

Keremiyaxi 46:18

Ti'aitame mɨpaɨ kaniutaineni: «Ne nekanayeyurini. Yawé Naimekɨmɨtɨrɨkaɨye nekatinitewaka. Tawuxi hɨriyari hɨrite naime kemɨtiwara'iwa, meta hɨri Kaximeru haramara kemɨra'iwa, mɨpaɨ timariwetɨ 'upamie mɨxe'aye'unie.

'Inɨatsie 14:21

Yurikɨ nehetsiemieme mɨpaɨ nekanaineni, meta nexawatɨriya kwiepa naitsarie mɨhɨnekɨ,

Keremiyaxi 49:1

Yawé mɨpaɨ kanaineni 'amunitsixi wahetsiemieme: «¿Karikuta 'Ixaheri niwemama 'ukitsi mepɨka'u'uwa? ¿Piiniteya memɨte'anupinikɨ kari pɨkawarexeiya? ¿Titayari kakaɨyari Muruki Kahari kwieyari yupiini rayeitɨa, meta teɨterimamata mɨkɨ kiekariteyaritsie metetitei?»

Keremiyaxi 49:33

Katsuxi yawixi memayu'eririya wakie kanayeimɨkɨ, kakiepatɨri kanayeimɨkɨ yuheyemekɨ. Nixewitɨ tewi mana pɨkatayerɨni, xewitɨtɨma mana kietɨ pɨka'ayani».

'Amuxi 2:1

Yawé mɨpaɨ kanaineni: «Muhawi ke'axamɨtiuyuri waɨkawa katiniuyurieni, 'ayumieme nepɨkareiyehɨwirieni: 'Erumi kwieyaritsie ti'aitame 'umeteya memutitaiyaxɨkɨ, naxi memeyeitɨakɨ,

Hutarieka 'inɨari 29:22

»Xeniwema meta xenuiwarima 'arike miemete, meta 'ateewa kiekatari memɨ'axɨani, mɨkɨ mepɨneniere kememɨtekwine meta kwiniya wahetsie kemɨtinake Yawé mɨwapitɨani 'ena kwiepa.

Tsakariyaxi 2:13

Yunaitɨ kwiepa xemɨtama kayuwatɨ xekeneumaka Yawé hɨxie, 'ariri kanayeyani muyuawitsie yukii mupatsieta tahetsɨa nuanike».