Tsupuniyaxi 2:3 - Kakaɨyari Niukieya

³ Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

Tsupuniyaxi 2:3 ပူးပေါင်းရင်းမြစ်များ

Nɨawari 76:9

Kakaɨyari 'aku, kepauka 'ekɨ pemayetɨa heitserie petiyurienike, tixaɨtɨ memɨkatehexeiya kwiepa memɨtama wahetsiemieme pewatawikweitsitɨanike.

Nɨawari 22:26

Tixaɨtɨ memɨkateheuxeiya mepɨtekwani, mɨkɨ mepɨtihuxani, Yawé mepɨtanɨawa kemɨ'ane memikuwautɨwe, wa'iyari ke'ayeyurini yuheyemekɨ.

Kunatsi 3:9

'Atsitepɨkatemate. Heiwatɨ Kakaɨyari tareuyehɨwirieni, heiwatɨ 'uhaxɨapieni, mɨpaɨ 'ana temɨkakwinikɨ».

Nɨawari 105:4

'Ahurawa xekeneɨkɨni Yawé hetsɨa meta tɨrɨkariyaya hetsɨa, xepɨkatehayewani xe'ikuwaɨtɨwetɨ.

'Utseyaxi 10:12

Xekeneuka'etsa yuhetsiemieme kemɨtiheitserie, Naki'eriya takariyari xekeneuka'itsana, kwietsanaripa xeketene'uximayaka. 'Ari tukari paye'ari Yawé xema'eriwanikɨ, kepaukake munuani penɨ'ani heitserie mɨtiyupitɨwa wiyeriyari.

Keremiyaxi 39:18

Netsɨ yurikɨ nekamanitawikweitsitɨamɨkɨ, —Yawé mɨpaɨ kanaineni—, pekapɨmierieni 'ixiparakɨ, matsi 'atukari pekana'iwamɨkɨ, nehetsie yuri pemɨtiuta'erikɨ”».

Temaiwawemete 18:10

Yawé kawi 'amutewi hepaɨ kani'aneni, hetsɨana mekaniutinanautsani heitseriemekɨ yamemɨtekahu memɨtawikweitsitɨarienikɨ.

Nɨawari 57:1

Xɨa'ui Kakaɨyari, kenenenenimayaka, keneneutinenimayata, ne 'ahetsie nepɨtiwiya. 'A'anate 'etɨriyayatɨa nepɨneti'awieta, naitɨ 'uximatɨarika ranuyeyayuke nepuwayeyani.

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.

Keremiyaxi 45:5

¿Timamariwaweme petikuwaune 'ahetsiemieme? Mɨkɨ pepɨkatiwauka, karikɨ yunaime 'ikɨ teɨteri wahetsie 'uximatɨarika nekananunɨ'amɨkɨ, peru 'ekɨ nekamanipitɨamɨkɨ pemayeyurinikɨ tsepa hakewa pemetɨa, mɨkɨ 'a'iwarika pɨhɨkɨtɨni’ —Yawé mɨpaɨ kanaineni—”».

Nɨawari 91:1

Kemɨ'ane 'Amutewi hetɨa muyu'awieta 'akaniuyeikamɨkɨ Naimekɨmɨtɨrɨkaɨye 'i'etɨriwiyakaku.

1 Pekuru 3:4

Matsi xekenemariwani kexemɨ'anene yutaɨta hakewa mɨkahematsiɨkɨ herie, yu'iyaritsie pɨta. Xɨka xe'iyari ka'ayu'eriyani xɨka kayuwatɨ 'umaka, mɨkɨ matsi witsipɨrekemari mɨkapɨniwekɨ, kemɨ'ane mɨpaɨ mɨ'ane, Kakaɨyari kwinimieme mariwemekɨ 'aixɨa pɨtixeiya.

1 Pekuru 1:22

Xekaniyu'itirieni yu'iyari, tita yuri mɨrainetsie yaxetekahutɨ 'Iyarieya xeparewiekaku, 'ayumieme yu'iwama yurikɨ xekeniwanaki'erieka, 'aixɨa 'iyarikɨ xekeneyunaki'erieka waɨkawamekɨ.

1 Tetsarunikatari 4:1

'Imatɨrieka ta'iwama tepɨxewawirie, Tati'aitɨwame Ketsutsi hetsɨa temiemetetɨtɨ tepɨxetuika 'axemu'uwanikɨ kexemɨtehetima tame tetexekuxaxatɨwakaku kemɨreuyewetse 'axemu'uwanikɨ xeminaki'aritɨanikɨ Kakaɨyari, mɨpaɨtɨtɨ kwini mieme yaxemɨte'u'uwanikɨ, yaxemɨte'u'uwa hepaɨ.

Mateu 5:5

'Aixɨa mekani'itɨarieka mɨkɨ memɨka'ayu'eririya, wahetsie pɨtinake kwie naitɨ.

Nɨawari 31:20

'Ahɨxie me'u'uwakaku pepɨwa'ɨwiya teɨteri 'axamemɨwayuriekɨ, 'Akiita pe'ayekaitɨ pepɨwa'ɨwiya 'axamemutiyuane wahepaɨtsita.

Kitsariyaxi 11:4

matsi heitseriemekɨ 'aixɨa pɨtiyurieni memɨnanaimarie wahetsiemieme, meta 'aixɨa pɨtiyurieni tixaɨtɨ memɨkatehexeiya wahetsiemieme 'ena kwiepa. Kwie pɨka'una kɨye 'iwaɨyɨpame yuteta miemekɨ, 'axatiyuruwame yu'iiyakɨ pumieni.

'Utseyaxi 7:10

Mariwemekɨ 'Ixaheri pɨtihekɨata yuhepaɨtsita, peru mɨkɨ Yawé yukakaɨyari hetsɨa pɨkanuawe. Mɨyaranuyemietɨ, pɨka'ikuwaune tɨma.

Kitsariyaxi 61:1

Yawé naimekɨmɨyɨwe 'iyarieya nehetsie kaniyekani, mɨpaɨ mɨneranayexeikɨ niuki 'aixɨa manɨyɨne nemuwakuxaxatɨwanikɨ tixaɨtɨ memɨkateheuxeiya. Pɨnetsiheyenɨ'a yu'iyaritsie memɨte'ukakukuine 'aixɨa meteheu'eriekame nemɨwarayeitɨanikɨ, 'ateewa memehapanie nemɨwakuxaxatɨwanikɨ, meta kemɨ'ane memanutaxɨriya nemɨwaranayexɨnakɨ,

Nɨawari 149:4

Yawé muyutemawiekɨ yuteɨterima wahetsiemieme, tixaɨtɨ memɨkatehayuyeitɨa memɨtehayu'iwanikɨ puwapitɨa.

Memeyekɨ 12:27

mɨpaɨ xepɨtewata'eiya: “'Ikɨ mawari Patsikwa 'ixɨarariyari Yawé hetsiemieme pɨhɨkɨ, kepauka 'Ekipitu 'ixaheritsixi wakii 'aurie puyetɨa yateewa. Pɨwarukwi mɨkɨ 'ekipitutari, peru tame taniwema pɨwarutawikweitsitɨa”». Mɨpaɨ mete'u'enanaka 'ixaheritsixi Yawé hɨxie mekaniukahɨxima'uni,

1 Tetsarunikatari 4:10

Mɨpaɨ xekateniwanaki'erieka yunaime yu'iwama naitsarie Matseruniyatsie memɨtama. Peru 'iwamarixi, tekanixewawirieka mɨpaɨ xemɨteyunaki'eriekakɨ 'akuxi matsi waɨkawa,

Tsakariyaxi 8:19

«Mɨpaɨ kanaineni Yawé Naimekɨmɨtɨrɨkaɨye: »“Kura teɨteriyari wahetsiemieme, hakiya mematinenetɨwakai naurieka metseritsie meta 'auxɨwirieka, 'atahutarieka meta tamamata metseriyaritsie, hikɨri temawierika mepexeiyani, 'ixɨarari mepatinenetɨwani. Kamɨtsɨ, xekenenaki'erieka tita yuri mɨraine meta tita kayuwatɨ mɨtiyupitɨwa”.

2 Tsamuheri 12:22

Rawiri mɨpaɨ katiniwaruta'eiya: —Kaniyuritɨni kepauka nunutsi mayenierekaitsie nekaniyuhakiekaitɨni neyuheiwerietɨ, mɨpaɨ netiku'eriwatɨ: “Xewitɨ pɨkatimate. Heiwatɨ Yawé netsi'utinenimayata nunutsi 'upitɨani mɨtanierekɨ”.

Nɨawari 45:4

Mariwemekɨ, kananutiyeixani rayu'iwake tita yuri mɨraine hetsiemieme kaniyumieneni, meta tixaɨtɨ mɨkarayuyeitɨa meta tita mɨtiheitseriekɨ, mariweme ketiyurieneni 'atɨrɨkariya.

Kitsariyaxi 1:17

'Aixɨa mɨti'ane pɨta xeketenemaika. Mɨtiheitserie xekeneutiwawa, mɨtiuyukananaima xekeneutati'a. Nutui hetsiemieme xekeneutaniu meta wiura hetsie xekenenuaka».

'Etsekieri 13:5

Kwie meuta'inierietɨkatsie mepɨkate'uximaya, meta 'Ixaheri kuraruyari 'aixɨa mepɨkayuriwawe, Yawé tukarieya maye'anitsie mɨkawatayuanenikɨ kuyaxa mayanitsie.