Tsupuniyaxi 2:2 - Kakaɨyari Niukieya

² yaxeketenekakɨni mexi kahaye'awe kenemutayɨ, mexi tukari xemɨkwewiyatsie xemɨtehayewakɨ xatsi yapauka kemɨre'enitsitɨariwa hepaɨ kayɨwe, mexi xehetsie kakawewe Yawé haxɨaya mɨta'a, mexi xehetsie ka'aye'awe Yawé haxɨaya tukariyari.

Tsupuniyaxi 2:2 ပူးပေါင်းရင်းမြစ်များ

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

'Utseyaxi 13:3

'Ayumieme hai ximeri mieme hepaɨ me'anenetɨ mepakɨne, haɨtsi ximeri paitɨ manuku'eke hepaɨ, xatsi 'eka mei'enitsitɨwa hepaɨ, kɨtsi huxunuta matineika hepaɨ.

Hiwerika 4:11

Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

Kitsariyaxi 17:13

Tsepanetɨ mɨkɨ teɨteri memutihiwa haa 'ateewa meukaxɨrɨweni hepaɨ tiyu'eniɨriɨkɨmekɨ, kepauka mɨkɨ mɨwarutate'a mepuyuta'una, 'ekakɨ mepu'enitsitɨariexime xatsi hɨritetsie mieme hepaɨ, meta 'eka tɨrɨkaɨyetɨ kwauni mu'enitsitɨaximeni hepaɨ.

Nɨawari 1:4

Peru, 'axamemɨte'u'iyari xatsi 'eka miku'enitsitɨane hepaɨ mekani'aneneni.

Tsupuniyaxi 3:8

'Ayumieme xekenenetakwewieka, yapauka nepɨrayu'iwa —Yawé mɨpaɨ kanaineni—, 'ari nuiwarite neniwakuxeɨrimɨkɨ, meta te'aitamete nemɨtiwakwinitɨanikɨ nehaxɨakɨ, meta naimekɨ kenemɨreuha'a. Ne'ɨtetsarika taiyariyarikɨ, naitɨ kwie kanakuxɨtsitɨariemɨkɨ.

Tsupuniyaxi 1:18

Wahuru meta wapɨrata pɨkawatawikweitsitɨani, Yawé haxɨaya tukariyaritsie. 'Ɨtetsarikaya taiyari naime kwie pakuxɨtsitɨani, yapauka kaniwarakumaweriyamɨkɨ yunaime teɨteri kwiepa memɨtama».

Kuwi 21:18

'eka 'uwakaxa kemɨre'enitsitɨwa hepaɨ, kuxari 'eka mɨtɨrɨkaɨye mei'enitsitɨwa hepaɨ?

Mateu 24:35

Muyuawi meta kwie pukumawere, peru neniuki pɨkakumawere.

'Etsekieri 12:25

Ne Yawé kenemɨtayɨni yapɨraye'axeni tukari ka'anutiyeikakaku. Teɨteri wa'iyari mɨtsetse'i, xeme xe'u'uwakaku ne neniuki nepaye'atɨwani. Mɨpaɨ kanaineni Yawé naimekɨmɨyɨwe”».

Keremiyaxi 23:20

Yawé haxɨaya pɨkaheunuani kepaukake 'aixɨa mɨtiyurieni naime 'iyarieya kemɨtiku'eriwa. 'Imatɨrieka tukaritsieke xekaneitimaitɨkɨnikuni hekɨakamekɨ.

Nɨawari 50:22

»Xeme Kakaɨyari xematɨmai, xekeneutimaixɨa kenemaine, xɨkate mɨpaɨ xeka'ɨyɨni, ne nekanixetitsanamɨkɨ, nixewitɨ tɨma pɨkaxetawikweitsitɨani.

Nɨawari 2:12

Yaxeketenekahuni, kapa 'uyeha'anikɨ kapa xe'ukwinikɨ huyeta, mɨkɨ yapauka kaniuyeha'arɨweni. 'Aixɨa meke'itɨarieka kemɨ'ane memɨyu'awieta hetsɨana.

Keremiyaxi 4:4

Kura kwieyaritsie kiekatari meta Kerutsareme, yu'iyaritsie xeketeneu'utɨa tɨratu 'inɨariyarikɨ: xitekiya 'inɨariyari xekeneuyuwewiri Yawé xemayexeiyanikɨ, nɨkahɨrixɨa 'axaxemɨte'uyurikɨ nehaxɨa 'utani tai hepaɨ kayutɨnɨatɨ xe'utitaiya.