Tsatiyaku 3:2 - Kakaɨyari Niukieya

² Tanaitɨ waɨkawamekɨ tepekaxɨrɨwe. Xɨka xewitɨ niukitsie kahekawautseni, mɨkɨ tewi kanaye'aweni, yaxeikɨata kaniyɨwemɨkɨ yuwaiyaritsie naime mɨyupirenutɨanikɨ.

Tsatiyaku 3:2 ပူးပေါင်းရင်းမြစ်များ

Tsatiyaku 1:26

Tewi xɨka rayexeiyame yu'erieka, matsi xɨka yuneni kapirenutɨaka, mɨkɨ matsi yɨkɨmana katiniyu'itaiyaneni, yakɨ xeikɨa katinayexeiyani.

Temaiwawemete 13:3

Kemɨ'ane mɨyupirenutɨa yutukari kanikweriwayurieka, matsi kemɨ'ane kwinimieme mɨtiyuxatsikawie yukɨmana puyuka'una.

1 Pekuru 3:10

«Kemɨ'ane minaki'erimɨkɨ tukari, kemɨ'ane mixeiyamɨkɨ tukari 'aixɨa mɨ'ane, ketihayewani 'axa'utaitɨ yunenikɨ, ketihayewani yutetakɨ 'itarikakɨ tikuxatatɨ.

Mateu 12:37

Karikɨ kepemutayɨkɨ, mɨkɨkɨ heitserie pekanipitɨariekamɨkɨ, meta kepemutayɨkɨ, mɨkɨkɨ pepanutahɨiyani».

Nɨawari 34:13

yuneni ke'upirenutɨani 'axamɨti'ane mɨkatikuxatanikɨ meta yutenietsie ke'uwiere 'itarika mɨkatikuxatanikɨ,

Temaiwawemete 20:9

¿Kemɨ'ane mɨpaɨ pɨtayɨni: «Ne'iyari kani'itiyaka 'axamɨti'ane katiniumaweni»?

Ti'ɨkitame 7:20

Xewitɨ pumawe 'ena kwiepa 'aixɨa 'anetɨ, 'aixɨa tiyurienetɨ hatsuaku 'axakatiyuriwetɨ.

Xumatari 3:10

kemɨre'uxa: «Kemɨ'ane heitseriemekɨ yamɨtikamie 'apɨka'uyeika, nixewitɨ tɨma,

Tsatiyaku 1:4

Xekeneyuwaɨriyani xete'uka'eniwatɨ mɨpaɨ xemɨtematsiɨkɨnikɨ, mɨkɨkɨ 'aixɨa mɨti'ane mɨtitixuawerekɨ, tixaɨ mɨkareuyewekakɨ.

1 Te'aitamete 8:46

»Merikɨte xewitɨ tewi 'amɨka'uyeikakɨ 'axamɨti'ane hetsiena mɨtiumawe, xɨka 'ateɨterima 'axamete'uyurieni 'ahepaɨtsita, xɨka 'ekɨ pewaruyeheka pewayetuani mɨwaraye'unie hetsɨa mɨwaranuhapanikɨ xeime kwieyaritsie, heteewakaku yatɨni hehurakaku,

Tsatiyaku 2:10

Kemɨ'ane naimetsie yamɨtikamie 'inɨari niukiyari kemaine, matsi xɨka xeiniukiyaritsie yakatikayani, naime hetsie 'axakatiniyurimɨkɨ.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

1 Kurinitutari 9:27

Matsi newaiyari nepɨkuwaya. Nepɨnemaxiuta kapa ne'utixani'eriwakɨ ne, netiwarutaxatɨaku hipame.

Hepɨrayutsixi 13:21

mɨkɨ xɨka xe'aye'atɨani kemɨtinake yaxemɨteyuriekakɨ naimekɨ 'aixɨa xeteyurietɨ, mɨkɨ xɨka xe'uyuitɨani xeminaki'aritɨanikɨ kemɨtixexeiya, Ketsutsi Kɨritsitu xeparewiekaku. Mɨkɨ hepaɨtsita 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

Kurutsetari 4:12

'Epapɨraxi xehetsɨa mɨmieme kanixewaɨritɨaka, Kɨritsitu Ketsutsi hetsiemieme ti'uximayatɨ, yuheyemekɨ xehetsiemieme katiniyu'uxitɨaka yunenewietɨ, mɨpaɨ 'utaitɨ, xemɨkakuyuitɨarienikɨ xe'aye'atɨ, yemekɨ xeyuwaɨriyatɨ naimekɨ kemɨtinake Kakaɨyari.

Kurutsetari 1:28

Tame tekanihekɨatani Kɨritsitu, ketemɨtewaku'imaiya yunaime teɨteri, ketemɨtewa'ɨkitɨa yunaime teɨteri tetemaiwawetɨ naimekɨ, temɨwaraye'atɨanikɨ yunaime teɨteri me'aye'arɨkame Kɨritsitu hetsie metewiyame.

Karatsiyatari 3:22

'Utɨarikayari matsi kaniwaranutaxɨrɨwani yunaime, wahekɨatɨatɨ kememɨtexani'eriwa 'axamemɨte'uyurikɨ. Mɨpaɨ mɨtiwaranutaxɨrɨwakɨ, 'ayumieme kaneuyeweka yuri memɨteta'erienikɨ Ketsutsi Kɨritsitu hetsie, para mɨkɨ yuri memɨte'erie mɨpaɨ memɨtepitɨarienikɨ, Kakaɨyari kemutayɨ kemɨtiwaminikekaikɨ.

Xumatari 7:21

'Ipaɨ nepɨretima 'inɨari hepaɨtsita: kepauka nemɨnewaɨriya 'aixɨa nemɨtiyurienikɨ, tita 'axamɨti'ane nehetsie 'apuwe.

2 Kemɨtiuyɨ 6:36

»Merikɨte xewitɨ tewi 'amɨka'uyeikakɨ 'axamɨti'ane hetsiena mɨtiumawe, xɨka 'ateɨterima 'axamete'uyurieni 'ahepaɨtsita, xɨka 'ekɨ pewaruyeheka pewayetuani mɨwaraye'unie hetsɨa mɨwaranuhapanikɨ xeime kwieyaritsie, hetewakaku yatɨni hehurakaku,

1 Pekuru 5:10

Mɨkɨ meta, Kakaɨyari naimekɨ 'aixɨa katiniuka'iyarini, mɨkɨ kanixe'uta'inieni hepaɨna witsixe'aneneme mɨxe'ayeitɨanikɨ yuheyemekɨ Kɨritsitutsie xetewiyakaku, mɨkɨri yapaɨmexɨa xetekwineyu kanixehekwariyamɨkɨ, meta xetɨrɨkawime kanixe'ayeitɨamɨkɨ, kanixetseiriyamɨkɨ, xekitɨa mieme tetsariya kanitakemɨkɨ.

Karatsiyatari 5:17

Tawaiyari katiniyukahiwe'erieka mɨkɨ 'Iyari kemɨkatiyukahiwe'erie. Meta 'Iyari katiniyukahiwe'erieka tawaiyari kemɨkatiyukahiwe'erie. Mekanayuye'unieka, yaxemɨkateyurienikɨ kexemɨteyuwaɨriya.

Nɨawari 39:1

Ne mɨpaɨ nepɨtiu'eri: «Teɨteri 'axateyuruwamete wahɨxie nemuyeikakɨ nepɨne'ɨwiyani kenemɨtiuyeika, nepɨtinewieka kapa 'axane'utayɨnikɨ, matsi netenie nepuwieka».

Temaiwawemete 10:19

Kemɨ'ane kwinimieme mɨraniuwe, waɨkawa 'axakatinikuyuruwani, kemɨ'ane mɨtimaiwe 'atsipɨka'utaine.

Temaiwawemete 21:23

Kemɨ'ane mɨyukweriwayurie kemɨtikuxatakɨ, mɨkɨ hatsuaku hipatɨ mepɨka'i'uximatɨani.

Mateu 12:34

Xeme kuterixi xepɨhɨkɨ, xeme xepɨkayɨwawe 'aixɨa xemɨtekuxatani, xeme 'axaxepɨte'u'iyari. Tita yu'iyaritsie mɨtihɨniyani, mɨpaɨ katinikuxatamɨkɨ.

Mawari 13:39

mɨkɨ mawari wewiwame pixeiya. Xɨka maukumane kutuxareni, mɨkɨ waiyarieyatsie manutinexɨa xeikɨa kanihɨkɨtɨni, mɨkɨ tewi pɨ'itiya.

Kuwi 15:13

¿Ketitayari Kakaɨyari hɨxie xeikɨa petiha'a meta 'aneni pepɨkapirenutɨa pepitatua xeikɨa?