Titu 3:3 - Kakaɨyari Niukieya

³ Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

Titu 3:3 ပူးပေါင်းရင်းမြစ်များ

Kurutsetari 1:21

Xemeta 'ana paitɨ xepɨyupatakai xaɨtsie miemete xe'ayuyeitɨatɨ, kexemɨteyɨkɨhɨawekai, xekani'uxiwe'eriekaitɨni mexi 'axaxeteyuriekai.

Xumatari 6:17

Pamɨpariyutsi nepipitɨa Kakaɨyari, tsepa tita 'axamɨti'anetsie mieme xemɨte'uximayakai, yu'iyarikɨ yaxetekahutɨ xekanakɨne kexemɨteyetuiriyarie yaxete'ɨkitɨarietɨ.

Kurutsetari 3:7

Xemeri kepauka mɨpaɨ xeteyurietɨ 'axemu'uwakai 'anapaitɨ, yaxeikɨa xekateniyuriekaitɨni kememɨte'u'uwa.

Xumatari 6:22

Hikɨ pɨta xe'utixɨnarieka 'axaxemɨkateyuriekakɨ, Kakaɨyaritsie mieme xete'uximayatɨ, 'ayumieme xeputixuxuawere xemɨpatsienikɨ 'iyatsie mieme. Kemɨ'ane mɨpaɨ mɨtiyuriene, mɨkɨ tukari mɨkaxɨwe hexeiyatɨ kanayeimɨkɨ.

1 Pekuru 1:14

Tɨɨri yamemɨtekahu wahepaɨ xeyɨatɨ, meripai hepaɨ xepɨkateyumaika, kexemɨteyukahiwe'eriekai 'atsixekatemaitɨ 'ana.

Temaiwawemete 9:6

'Atsixekatemaitɨ xeketeneuhayewa, hikɨ 'ana xekanayenenierekakuni, timaiweme huyeya 'utɨa xekeneuhuni.

2 Kurinitutari 12:20

Nepɨma xeikɨa kapa nenuame nexe'ukaxeiyakɨ kemɨkanetinake xe'aneneme, xemerita kapa xenetsi'ukaxeiyakɨ kemɨkatixenake ne'anekame. Nepɨma kapa xeyukwitɨwenikɨ, xeyɨ'ɨtetsaiyanikɨ, xeyuhekatɨwenikɨ, xetekuwautɨwenikɨ hipame xemɨwara'iwanikɨ, xewaruniukimanikɨ hipame, yunakata xeyuniukimanikɨ, xeteyukatawe'eriekakɨ, xeyuxamuriekakɨ.

Wani 8:34

Ketsutsi mɨpaɨ katiniwaruta'eiya: —Yurikɨ mɨpaɨ nekanaineni, yunaitɨ 'axamemɨteyurie waɨriyarika mekateni'uximayaka tita 'axamɨti'anetsie mieme.

Mateu 21:29

Nu'aya rehɨawe: “Ne nepɨkaheuyeimɨkɨ”. Peru 'arikeke yɨkɨtiyutihɨaweka kaneyani.

Nɨawari 36:2

Mɨpaɨ pɨtiku'eriwa kename 'aixɨa tiuka'iyari 'axamɨti'ane pɨkaxani'erie.

Tsatiyaku 1:26

Tewi xɨka rayexeiyame yu'erieka, matsi xɨka yuneni kapirenutɨaka, mɨkɨ matsi yɨkɨmana katiniyu'itaiyaneni, yakɨ xeikɨa katinayexeiyani.

Karatsiyatari 6:3

Xɨka xewitɨ tixaɨtɨ tihɨkɨtɨme yu'erieka, matsi xɨka tixaɨtɨ katihɨkɨtɨni, yɨkɨmana katiniyu'itaiyamɨkɨ.

Rukaxi 21:8

Hikɨ mɨpaɨ kaniutayɨni: —Xekeneyukweriwayurieka nɨka xete'u'itaiyarieni. Yumɨiretɨ mepɨ'axɨani kename ne neyɨane, mɨpaɨ me'utiyuatɨ: “Neri nepɨhɨkɨ. Tukari kanaye'aniri”. Wa'utɨma xepɨkahekɨkani.

Matsiɨkɨtɨ kemɨratɨa 18:2

Hikɨ karima kaniutahiwa mɨpaɨ 'utaitɨ: «Kaniuka'une. Kaniuka'une Wawiruniya mɨmariwe. Kakaɨyarixi 'axamemɨ'anene wakie kanayani, meta yunaitɨ 'iyarite 'axamɨ'anene waterɨta kanayani, yunaitɨ wikixi memɨka'itiyatɨka wa'itua kanayani, meta 'aixɨa mɨkatixeiyarie.

Matsiɨkɨtɨ kemɨratɨa 13:14

Kwiepa memɨtama katiniwa'irɨwiyani mɨiremekɨ 'inɨari tiyurienetɨ, yeutanaka hɨxie 'uwetɨ. Mɨpaɨ katiniwaruta'aitɨani kwiepa memɨtama 'ɨkiya memɨtawewienikɨ yeutanaka hepaɨ tiyuxexeiyame, kemɨ'ane manutanierixɨ tsepa 'ixiparakɨ mɨtiukwinixɨ, mɨkɨ hepaɨ 'anekame.

Matsiɨkɨtɨ kemɨratɨa 12:9

Hikɨ mɨkɨ kuu 'amɨtimariwe mɨpaɨ katinayeweiyarieni, mɨkɨ kuu matɨari paitɨ mieme Kauyumarie mɨtitewa meta Tsatanaxi, mɨtiwa'irɨwiya yunaime kwiepa memɨtama, mɨkɨ kananuyehɨiyani mana, kwiepa paitɨ kaneukahɨiyani, niuki tuayametemama 'utɨmanata mekaneukaxɨriyani.

Kitsariyaxi 44:20

Naxikɨ mepɨtekwa'a, xe'iyari kemɨtiyɨkɨhɨawe xepiweiya pɨtixe'itaiya, yɨkɨmana xemuyutawikweitsitɨani xepɨkayɨwawe, meta mɨpaɨ xemutiyuani: «'Ikɨ nemɨrexeiya katini'itarikatɨni».

'Awiriyaxi 1:3

kepemɨtiyuta'ɨre pekaniu'akwamana. 'Aita pemɨkiekɨ kwinimieme mutɨtɨtsie, 'akiita 'ateewa paitɨ pe'akanieretɨ, mɨpaɨ pekatini'akuhɨaweni: ¿Kemɨ'ane 'ena kwiepa pɨnetsi'a'iwa?

Temaiwawemete 8:5

Xeme 'atsixemɨkatemate, xetemaiwawetɨ xekenayuyeitɨa. Xeme xemɨkayuwaɨriya xemɨteyɨ'ɨkitɨakakɨ, xeheitimaitɨkɨkatɨ xekenakɨni.

Xumatari 6:6

'Ipaɨ tepɨtemate, ketemɨ'anenekai matɨari paitɨ, tekaniukwi'iwa hamatɨana kuruxitsie, mɨka'unarienikɨ tita 'axatemɨte'uyuri tawaiyaritsie, tawari waɨriyarika temɨkate'uximayakakɨ tita 'axamɨti'anetsie mieme.

Xumatari 6:12

'Ayumieme xewaiyari mumɨximetsie xe'u'uwatɨ, xepɨkakuyuitɨarieni 'axaxemɨteyuriekakɨ yaxemɨtekahunikɨ kemɨtiukahiwe'erie xewaiyari.

Xumatari 11:30

Xemetsɨ meripaitɨ keyaxemɨkatekahukai Kakaɨyari hetsie, peru hikɨ kexemɨtenenimayatsie mexi mɨkɨ yamekatekahu,

2 Timuteu 3:6

Mɨpaɨ mekani'aneneni mɨkɨ teɨteri kieta memeuhatɨka, metewa'irɨwiyatɨ 'ukarawetsixi 'atsimemɨkatemate 'axamemɨteyurie, memɨkayɨwawe wawaiyari kemɨtiyukahiwe'erie memɨnewieni.

2 Timuteu 3:13

Matsi teɨteri 'axamemɨteyuriku memɨteyukwamana, waɨkawa 'axame'anenetɨ mepakɨnirɨmeni mete'irɨmatɨ mete'irɨwiyarietɨ meta.

Titu 1:16

Mekaniyuhekɨatani kename waniu me'imate Kakaɨyari me'utiyuatɨ, peru kememɨteyurie mepɨyuhekɨata matsi kename meka'imate, mekanixani'eriwani, yamepɨkatekahu, meta mepɨkayɨwawe 'aixɨa memɨte'uyurieni.

Titu 2:12

'ayumieme mɨpaɨ tekateni'ɨkitɨarieka temɨtahekɨatanikɨ kename mɨkɨ Kakaɨyari memɨka'ayexeiya wahetsɨa tekamiemete, kename tame teka'ihiwe'erie tita kwiepa memɨtama memɨtehiwe'erie. Matsi yeme 'ipaɨ pɨta tepɨte'ɨkitɨarie ketemɨte'u'uwanikɨ, tetemaiwawetɨ kemɨreuyewetse yatemɨteyuriekakɨ, heitseriemekɨ yatetekahutɨ, Kakaɨyari te'ayexeiyatɨ hikɨ temu'uwanikɨ 'ena kwiepa,

Tsutɨarika 38:9

Perutsɨ 'Unani pɨtimaikai nu'aya mɨtinuiwakekai nu'aya pɨka'ayanikekai. 'Ayumieme kepauka mikumaɨwakai puyu'ɨwiyakai 'ɨyaya mɨkatihukatanikɨ. Mɨpaɨ pɨtiyurienekai matsikaya nu'aya mɨkatinuiwakɨ.

Tsutɨarika 39:16

Hikɨ 'ukaratsi Kutse 'ixurikieya kaniuti'uta, yukɨna mɨtitaxatɨanikɨ nuayuke.