Titu 2:6 - Kakaɨyari Niukieya

⁶ Mɨpaɨ yaxeikɨa ketiniwatuikani 'ukitsi memɨtemaiwawenikɨ kemɨreuyewetse yamɨtiyurienenikɨ.

Titu 2:6 ပူးပေါင်းရင်းမြစ်များ

Ti'ɨkitame 12:1

Kemɨ'ane matsi'utawewi kena'eriwani, hikɨri pemɨtemaikɨ, mexinetɨ tukari 'axamɨ'ane ka'aye'awe, kepauka mɨpaɨ pemɨtayɨni: «Pɨkanetsinakeri 'anemuyeikanikɨ mɨixa wiyari»,

1 Pekuru 5:5

Mɨpaɨta xeme temari yaxeikɨa, kememutiyuane 'ukirawetsixi yaxeketenekahuni. Tixaɨtɨ xekatehayuyeitɨatɨ xekeneyɨaka yunaime wahepaɨtsita, «Kakaɨyari kaniwaraye'unieka mɨkɨ memuyuti'ɨre, matsi pɨta 'aixɨa pɨtiuka'iyari tixaɨtɨ memɨkatehɨkɨ wahetsiemieme».

1 Wani 2:13

Xeme xemɨwapaapama nepɨtixe'utɨirie, xemeitimakɨ mɨkɨ tsutɨapai 'amuyeika. Temari nepɨtixe'utɨirie, xeme'iwaxɨkɨ 'axamɨtiyuriene. Tɨɨri nepɨtixe'uta'utɨiri, yu'ukiyari xemetimakɨ.

Ti'ɨkitame 11:9

Hikɨ kene'atemawieka mexi petemaikɨ, 'a'iyari keneupitɨa mɨyutemawiekakɨ. Kemɨtiku'eriwa keneyeweiyani meta 'ahɨxitekɨ kepemɨtiuyukahiwe'erie, matsi kena'eriwani Kakaɨyari mɨkɨ naimekɨ kamenita'iwawiyamɨkɨ.

Kuheri 2:28

»'Arike mɨpaɨ tiyɨyu, ne'iyari nepɨtatuani yunaime teɨteri wahetsie. Xeme xeniwema 'ukitsi 'ukari mepɨtetaxata, 'ukirawetsixi mepɨteheinɨni temarita mepɨtexeiyatsitɨarieni.

1 Timuteu 5:1

'Ukiratsi pepɨkatatieni, matsi pepinɨtɨani 'apaapa hepaɨ. Temari 'a'iwama wahepaɨ ketiniwakɨhɨaweni.

Nɨawari 148:12

temari meta 'ɨimarixi, 'ukirawetsixi meta tɨɨri.

Kuwi 29:8

temari menetsixeiyame hu mepɨkɨkakai, 'ukirawetsixi meta mepɨti'uwekai,

1 Tetsarunikatari 5:6

Merikɨte, 'ayumieme tepɨka'u'itutupeni hipame wahepaɨ, tepayeneniereni pɨta, tepɨtamaika.