Titu 1:7 - Kakaɨyari Niukieya

⁷ Kakaɨyari hetsiemieme mɨhɨritɨariekɨ, kaneuyeweka kemɨ'ane ti'ɨwiyame mɨhɨkɨ mɨkaniukimariekakɨ, yuhetsiemieme xeikɨa pɨkayɨaneni, mayu'eriya pɨkahɨkɨtɨni, tawekame pɨkahɨkɨtɨni, pɨkawatiwayani, tumini pɨkahiwe'erieka kwamanarikakɨ.

Titu 1:7 ပူးပေါင်းရင်းမြစ်များ

2 Pekuru 2:10

Mɨkɨ matsi pɨwakema, mɨkɨ 'amemu'uwa yuwaiyaritsie metewiyatɨ, mete'ukahiwe'erietɨ memɨtsewiximarienikɨ, me'ixani'erietɨ kemɨ'ane ti'aitame mɨhɨkɨ. Mɨkɨri mepɨkayukweriwayurie, matsi yuhetsiemieme xeikɨa mepɨyutatua, mepɨkamama tsepa memɨwatsewixima mamariwawemete 'axame'utiyuatɨ.

'Epetsutari 5:18

Xepɨkatarɨwetɨweni winukɨ. Mɨpaɨ tiyurienetɨ pɨrukuyaneni xeikɨa. Matsi 'Iyarikɨ pɨta xekenehɨpɨneni.

1 Pekuru 5:2

Kakaɨyari muxatsimama xemɨhɨritɨarie xekeniwa'ɨwiyani, waɨriyarika xekayɨatɨ. Tumini xehiwe'erietɨ xeikɨa xepɨkayɨaka, matsi pɨta xeyuwaɨriyatɨ xeketene'uximayaka, Kakaɨyari kemɨtinake.

1 Pekuru 4:10

Kakaɨyari kemɨtixepitɨa yuxexuime, mɨpaɨ xeketeneyuparewieka, kexemɨte'uhɨritɨarie Kakaɨyari 'imikierieya hepaɨtsita mɨmɨire hepaɨtsita, mɨpaɨ 'aixɨa xeketene'uximayaka.

Rukaxi 12:42

Ti'aitame mɨpaɨ katinita'eiya: —Ti'uximayatame yamɨtikamie meta mɨtimaiwe kanihɨkɨtɨni mɨyɨwe kutsiyarieya mɨtihɨritɨani mɨtiwa'aitɨakakɨ hipameta te'i'uximayatsiriwamete meta mɨtiwamikwanikɨ kepauka memeiyehɨwa.

'Etsekieri 44:21

»”Nixewitɨ mawari wewiwame winu pɨka'ieka takwa 'upaitɨ miemetsie 'uyeikatɨ.

Kitsariyaxi 28:7

Metatsiere mawari wewiwamete meta Kakaɨyari niukametemama, kaxie winuyarikɨ mepeukeitsarietɨweni, mepeukeitsarietɨwe winu waɨkawa mɨtɨrɨkaɨyekɨ winukɨ mepɨkaheta'eriwawe, winukɨ mepetiketamɨrike. Kepauka Kakaɨyari mɨtiwaxeitsitɨa mɨpaɨ mepɨkatekuxata, kepauka yamemaitɨka, meputirukuwa xeikɨa.

Temaiwawemete 14:17

Kemɨ'ane mayu'eriya yapauka 'axapɨtiyurieni 'atsikatimaitɨ, matsi kemɨ'ane mɨtimaiwe mɨkɨ pɨtiukanewie.

Temaiwawemete 15:18

Kemɨ'ane mayu'eriya yapauka payumiewe, kemɨ'ane mɨka'ayu'eriya kayuwatɨ puwapitɨa hipame.

Titu 2:3

Yaxeikɨa 'ukarawetsixi kememɨte'u'uwa, mɨpaɨ meketeyurieka kemɨreuyewetse yamɨtiyurienenikɨ Kakaɨyari hetsɨa miemetɨtɨ, mepɨkatehayuye'unieka, winukɨ mepɨka'u'uwani xeikɨa. Tita 'aixɨa mɨti'anekɨ xeikɨa mekete'ɨkitani,

Titu 1:5

Mɨkɨkɨ nekameneku'eirieni Kɨretatsie, tita mɨreuyewekai pemɨrenɨnikɨ, pemɨwakuyatsaxɨanikɨ 'ukirawetsixi xexuime kiekaritsie, yaxeikɨa kenemɨmatiutahɨawixɨ,

Piriputari 1:1

Papuru Timuteu hamatɨa, temɨte'uximayatamete Kɨritsitu Ketsutsi hetsiemieme, yunaitɨ xemupatsie Kɨritsitu Ketsutsi hetsie xetewiyatɨ Piriputsie xemɨtama, te'ɨwiyamete meta teparewiwamete yunaime tekanixewaɨritɨaka:

Mateu 24:45

»Ti'uximayatame yamɨtikamie meta mɨtimaiwe kanihɨkɨtɨni mɨyɨwe kutsiyarieya mɨtihɨritɨani mɨtiwa'aitɨakakɨ hipameta te'i'uximayatsiriwamete meta mɨtiwamikwanikɨ kepauka memeiyehɨwa.

Ti'ɨkitame 7:9

Haxɨakɨ xeikɨa pepɨka'ayeweni, matsi mɨkɨ 'atsimɨkatimate kani'iyarieyatɨni.

Temaiwawemete 16:32

Matsi 'aixɨa pɨ'ane petiukanewietɨ keyuri pera'a'iwamɨtɨ, matsi 'ekɨ 'a'iyari kenenɨtɨaweni keyuri kiekarite peka'a'iwake.

Mawari 10:9

«'Ekɨ meta 'aniwema kaxie winuyari xepɨka'ieka 'ixuriki tukiyarita kepauka xemautahaxɨani kapa xe'ukwinikɨ. 'Ikɨ 'aitsika yuheyemekɨ kanihɨkɨtɨkamɨkɨ xexiɨyarima wahetsie mieme yamemɨtekahunikɨ.

Tsutɨarika 49:6

Ne wahetsɨa nepɨkaheu'ixɨaramɨkɨ. Kapa 'axatiyuruwame hepaɨ netiuxeiyarienikɨ. Yuhaxɨakɨ teɨteri mepɨwarukwi, mewaikatɨwetɨ tuurutsixi mepɨwarutixite wa'ɨkatetsie.