Titu 1:16 - Kakaɨyari Niukieya

¹⁶ Mekaniyuhekɨatani kename waniu me'imate Kakaɨyari me'utiyuatɨ, peru kememɨteyurie mepɨyuhekɨata matsi kename meka'imate, mekanixani'eriwani, yamepɨkatekahu, meta mepɨkayɨwawe 'aixɨa memɨte'uyurieni.

Titu 1:16 ပူးပေါင်းရင်းမြစ်များ

1 Wani 2:4

Kemɨ'ane ne nemeitima maine, yakatikamietɨ kemɨti'aita, mɨkɨ katini'itawani, tita yuri mɨraine hetsiena pumawe.

Kitsariyaxi 29:13

Ti'aitame mɨpaɨ kanaineni: «'Ikɨ teɨteri mepɨnetsinɨawa yutenikɨ meta 'aixɨa mepɨnetehahɨawe, peru wa'iyari 'ateewa puyeika. Memɨnetsihayexeiya 'aitsikakɨ xeikɨa mekaniyɨaka teɨteri yametewa'aitɨakaku.

'Epetsutari 5:6

Nɨkatɨ xewitɨ tixe'u'itaiya 'eka niuki wewietɨ. Mɨya memɨteyuriekɨ, 'ayumieme Kakaɨyari pɨwaheka mɨkɨ memɨkayuwaɨriya yamemɨtekahunikɨ.

'Etsekieri 33:31

Mɨkɨ mekani'axeni yunaitɨ meyunɨtɨ 'ahɨxie, 'aniuki mekaniuti'eniwani mana metitetɨ, peru yamepɨkateyurie. Pɨwanake kepemɨtikuxata, peru 'ariketa tumini mepukuwautɨwe 'axa'anemekɨ meteyurietɨ mepi'iwa.

Kura 1:4

Hipatɨ teɨteri tatsata mekanatahaxɨani 'awie, meripai mekaniukayatsariexɨani mɨpaɨ memɨtemari'itɨarienikɨ. Kakaɨyari mepɨka'ayexeiya, mekanipata tita Kakaɨyari mɨtiwamikwa 'aixɨa tiuka'iyaritɨ, para memɨyutatuanikɨ merukuyatɨwetɨ xeikɨa. Mekaniyuku'imawani mɨpaɨ me'utiyuatɨ kename meka'imate kemɨ'ane hɨkɨatɨ mɨtakutsiyari mɨtati'aitɨwame Ketsutsi Kɨritsitu.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Matsiɨkɨtɨ kemɨratɨa 21:27

Hatsuaku hetsɨana pɨkaheutahani tita mɨkati'itiya, kakaɨyarixi memɨwarayexeiya meta memɨte'itawa, matsi kemɨ'ane xeikɨa Muxa xapayatsie memaka'utɨarie tukari mexeiyatsie.

1 Tsamuheri 15:22

Tsamuheri mɨpaɨ katinita'eiya: «¿Tita matsi Yawé tinake: mawari taiyariyari meta hipame 'imikierite, nutsu 'aitsikaya kemaine yatepɨtekahuni? Matsi peuyewetse temi'enieka, keyuri mawari, yatemɨteyurieka peuyewetse, wai wiya matɨa pɨkaheuyewetse.

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

1 Timuteu 5:8

Kemɨ'ane mɨkatiwamikwa yuniwema, meta yukie kiekatari, mɨkɨ puyuku'imawa yuri ti'erietɨ, kwinimieme matsi 'axapɨyɨane keyuri yuri mɨkati'erie.

Kitsariyaxi 58:2

Tukarikɨ mekaneniwautɨweni, nehuye mepɨmaiku, wa'atɨtɨ nuiwari heitserie memu'u'uwa mepɨtehɨkɨ, wa'atɨtɨ ne'inɨari niukiyari mepɨkate'uku'eiri. Mepɨnetsiwawirie heitseriemekɨ yanemɨtiyurienikɨ wahetsiemieme, puwanake nehepa 'ahurawa memakɨne,

Kitsariyaxi 48:1

»'Ikɨ xeme xeketeneu'eni, Kakuwu tɨɨriyamama, Kura nuiwarimama, 'ixaheritsixi xemɨte'uterɨwarɨwa, Yawé hetsiemieme xemɨyuhɨritɨa, meta 'Ixaheri Kakaɨyarieya memahɨawe, peru yu'iyarikɨ xemɨkayɨa meta kemɨtiheitseriekɨ.

1 Tsamuheri 15:24

Tsahuri mɨpaɨ kaniutayɨni: —Yurikɨ pepaine 'axanepɨtiuyuri. Yawé 'aitsikaya nepɨkahaye'atɨa meta 'ekɨ kepemɨnetiuta'aitɨa. Ne kuyaxi nepɨwaretimaka 'ayumieme nepɨwaranu'eni.

Kuwi 15:16

ketiyɨwe matsi tewi hetsie yuri mɨte'eriekakɨ, mɨxani'eriwa 'axatiyurienetɨ meta yu'iyaritsie heuharimɨkɨkaku 'axamɨti'anekɨ.

1 Timuteu 1:9

Mɨpaɨ timaitɨ, 'inɨari pɨkaheuyewetse xɨka tewi heitseriemekɨ yatikamieni hetsiena, mɨkɨ 'inɨari memɨtitsana wahepaɨtsita pɨta pɨkuxaxatsiwa, mɨkɨ memɨka'enana wahepaɨtsita meta mɨkɨ Kakaɨyari memɨka'ayexeiya 'axamemɨteyurie wahepaɨtsita, mɨkɨ 'axamemɨ'anene Kakaɨyari memɨxani'erie wahepaɨtsita, mɨkɨ memɨwakuya yupaapama meta memɨteyumemiwa wahepaɨtsita,

'Inɨatsie 24:16

Niukieya mɨ'enie Kakaɨyari kaniniukieyatɨni. 'Amutewi kemɨtiku'eriwa mɨmate, Naimekɨmɨtɨrɨkaɨye mɨtixeiya, mukakukutsutsie hepaɨ mɨtikuxaxatɨariwa:

Keremiyaxi 6:30

'Ayumieme mɨpaɨ mepɨte'uterɨwarɨwa “Pɨrata manuyewiwiya”: Yawé hetsiemieme mekananuyewiwiyani».

Temaiwawemete 30:12

Hipatɨ mekanixuaweni me'itiyakame meyuxatatɨ, matsi 'akuxi mepɨkayu'itiewawe kememɨkate'itiyakɨ.

Kitsariyaxi 59:13

Temɨkaheu'enana tepɨhɨkɨ, Yawé tepɨka'anu'eni. Takakaɨyari tepuwarixiwiyaxɨ. Teɨteri tepuwananaima meta tepɨwakwamana, 'itarikakɨ tepɨtekuxata ta'iyaritsie mayeneikakɨ.

Keremiyaxi 5:2

Tsepa mɨpaɨ memɨteyuhɨritɨa: “Yurikɨ Yawé mayeyurikɨ”, yakɨ xeikɨa mekateniyuhɨritɨaka».

Keremiyaxi 12:2

'Ekɨ pepɨwaruka'etsa, mɨkɨta mepananayata, mepɨtiwawere meta mepukaxuxuawere. Yutenikɨ mepɨmatsinɨawa, peru wa'iyaritsie pepɨkayeka.

2 Timuteu 3:17

Mɨkɨ 'utɨarikakɨ Kakaɨyari tewiyari paye'ani pɨha'aritsieka 'aixɨa mɨtiyurienenikɨ naimekɨ tsepa kemɨtitita.

Titu 3:1

Keniwaraye'eritɨwani yamemɨtekahunikɨ te'aitamete heitserie memexeiya kememaitɨka, memɨteyu'aitɨarinɨakakɨ, memɨyuwaɨriyanikɨ 'aixɨa memɨteyuriekakɨ tsepa kemɨtitita 'aixɨa mɨti'ane:

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.