Titu 1:11 - Kakaɨyari Niukieya

¹¹ Peuyewetse memanunamiyarienikɨ kememɨtekuxata, mepɨwamuina 'atsita xeime kie kiekatari yunaime, mepɨte'ɨkita tita 'aixɨa mɨkati'ane, mete'iwakutɨ xeikɨa 'axamɨti'anekɨ.

Titu 1:11 ပူးပေါင်းရင်းမြစ်များ

2 Timuteu 3:6

Mɨpaɨ mekani'aneneni mɨkɨ teɨteri kieta memeuhatɨka, metewa'irɨwiyatɨ 'ukarawetsixi 'atsimemɨkatemate 'axamemɨteyurie, memɨkayɨwawe wawaiyari kemɨtiyukahiwe'erie memɨnewieni.

1 Timuteu 6:5

kememɨkatehayewa meniukixietɨ, mɨpaɨ mepɨteyurie teɨteri memɨtipɨnirɨme kememɨteyumate memeiwiwi tita yuri mɨraine. Mɨpaɨ mekateniku'eriwani, kemɨ'ane mɨrayexeiya 'iwarika pexeiya.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Titu 3:10

Kemɨ'ane yuhetsie mɨtiwawiyatsitɨa 'iwamarixi, mɨkɨ hutakɨa pe'ita'imaiyame, kenanuyehɨwa.

Nɨawari 63:11

Ti'aitame Kakaɨyari hetsiemieme puyutemawieka, yunaitɨ kemɨ'ane Kakaɨyari memahɨawe mepitanɨawa, peru memɨte'itawa kayuwatɨ mepɨpitɨarieni.

Titu 1:9

Peuyewetse mɨtiwiyanikɨ niuki yuri mainetsie, 'ɨkitsika kemɨtiuta'ɨkitɨarie hepaɨ, mɨyɨwenikɨ mɨwatuikani ti'ɨkitatɨ 'ɨkitsika 'aixɨa mɨ'anekɨ yemekɨ, meta pɨyɨweni mɨwatahekɨatakɨ memɨniukixie.

Titu 1:7

Kakaɨyari hetsiemieme mɨhɨritɨariekɨ, kaneuyeweka kemɨ'ane ti'ɨwiyame mɨhɨkɨ mɨkaniukimariekakɨ, yuhetsiemieme xeikɨa pɨkayɨaneni, mayu'eriya pɨkahɨkɨtɨni, tawekame pɨkahɨkɨtɨni, pɨkawatiwayani, tumini pɨkahiwe'erieka kwamanarikakɨ.

Mikeyaxi 3:5

'Ipaɨ kanaineni Yawé xehepaɨtsita, Kakaɨyari niukametemama neteɨterima xemɨwareuyexɨrɨwa: «Kemɨ'ane 'ikwai memɨxemikwa, kename kayuwatɨ'uma xepɨtewakuxaxatɨwa, kemɨ'ane 'ikwai memɨkaxemikwa, kename kuyaxa 'ayani xepɨtewakuxaxatɨwa.

Nɨawari 107:42

Kepauka 'aixɨa memɨte'u'iyari mɨpaɨ memɨteneniere mepuyukatemamawieni, peru yunaitɨ 'axamemɨte'u'iyari kayuwatɨ mepɨtamare.

2 Kurinitutari 11:10

Yuri kemaine Kɨritsitu, neta yuri nepaine. 'Ayumieme mɨpaɨ nepaine, yemekɨ mɨpaɨ nepɨtihekuatsieka naitsarie 'Akaiya kwieyaritsie.

Rukaxi 20:40

Hikɨ tawariri mepɨkayuwaɨri tixaɨtɨkɨ memɨte'ita'iwawiyakɨ.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

'Etsekieri 16:63

Kepauka ne nemareuyehɨwirieni, naime ke'axapemɨtiuyurikɨ, 'ekɨ pepaye'erieni ke'axapemɨtiuyuri peru pepɨ'atitewiya, 'aixɨa pepuyuyurieni tawarita 'axapepɨkatayɨni. Yawé naimekɨmɨyɨwe mɨpaɨ kanaineni”».

'Etsekieri 13:19

Xeme 'axaxepɨnetsi'uyuri neteɨterima wahɨxie, tsewara xeituiyarikɨ meta paa tarimeyarikɨ. Xete'itawatɨ kexemutiyuane neteɨterima yuri mepɨtexe'eririe, mepuyukuya kemɨ'ane memɨkayukwinikekai, me'u'uwatɨ mepuyuhayewa kemɨ'ane memɨka'u'uwanikekai.

Keremiyaxi 8:10

'Ayumieme wa'ɨitama hipame 'ukitsi nepɨwayetuirieni, meta wakwie hipame pɨta nepɨwayetuirieni. Karikɨ 'etsimeyumatetɨ meta 'ameyumatetɨ, yunaitɨ mepɨtehiwe'erie mɨkatiwapiini, Kakaɨyari niukametemama meta mawari wewiwamete, yunaitɨ mekateni'itawani.

Wani 10:12

Ti'iwame, kemɨ'ane muxatsi mɨkawahɨweme, muxatsi mɨkawakutsiyari, mɨkɨ kepauka 'ɨrawe mɨxeiya 'a'amiekame, mɨkɨ muxatsi kaniwaruku'e'eiriwani kaniyuta'unani. 'Ɨrawe kaniwatiwiyamɨkɨ kaniwataxɨriexɨamɨkɨ.

Mateu 23:13

»Xɨa'ui xeme, 'inɨarikɨ xemɨte'ɨkitamete, meta xeme paritseutsixi, xemɨte'itawamete. Xepɨtewareunamiriwa teɨteri meheutahaxɨanikɨ Kakaɨyari mɨra'aitatsie, meta xemetɨtɨ xepɨkaheutahake meta mɨkɨ memanuyehaku xepɨkawapitɨa.

1 Timuteu 5:4

Kemɨ'ane wiura yuniwema meta yuteukarima mɨwarexeiya, matsi yemekɨ kaneuyeweka mɨkɨ mɨpaɨ memɨtehetimanikɨ 'aixɨa memɨtewaxeiyanikɨ yukie kiekatari, 'amemɨte'apikakɨ mewaparewietɨ yupaapama, mɨpaɨ Kakaɨyari mɨtinakekɨ.

1 Timuteu 5:13

Mɨkɨ meta mɨpaɨ mepɨteyu'iyamatɨani meyɨ'ɨraraxietɨ kieta meku'u'uwatɨ xeikɨa. Mepɨkayu'ɨraraxie xeikɨa matsi niukiperaixi mepakɨka meta tita 'aixɨa mɨkati'ane metekuxatatɨ.

2 Timuteu 2:18

mɨkɨ mɨpaɨ memɨyɨa xaɨtsie meneukuyunixɨani tita yuri mɨraine hepaɨtsita, mɨpaɨ memutiyuanekɨ kename 'ari te'anuku'ui, hipame mepɨwamuina 'aixɨa mɨ'anekɨ yuri memɨkate'eriekakɨ.