Ti'ɨkitame 9:11 - Kakaɨyari Niukieya

¹¹ Nepune'ɨwiyaxɨta 'ena kwiepa memanautsawawe xeikɨa mepɨkatehayu'iwa, meta mepɨkatehayu'iwa xeikɨa waɨkawa memɨyɨwawe, metatsiere memɨtemaiwawe xeikɨa mepɨkate'utikwa'ani, meta memɨtemateta tumini waɨkawa mepɨkahexeiya, meta memɨte'uyemate mepɨkayutemamawie 'aixɨa metexeiyarietɨ, matsi pɨta yunaitɨ wahetsie kani'axeni tukarite 'aixɨa 'anenetɨ meta 'axa'anenetɨ.

Ti'ɨkitame 9:11 ပူးပေါင်းရင်းမြစ်များ

Keremiyaxi 9:23

Yawé mɨpaɨ kanaineni: «Pɨkayuta'ɨreni mɨtimaiwe mɨtimaiwekɨ, meta mɨtɨrɨkaɨye yutɨrɨkariyakɨ, meta mɨxiku mɨrexeiyakɨ.

Ti'ɨkitame 3:17

Merikɨ mɨpaɨta nepɨtiu'eri: «Kakaɨyari heitserie mexeiya meta 'axamɨtiuka'iyari kaniwaranutaxɨriemɨkɨ, muxuawekɨ tukarite yamɨtiuyurienikɨ naimekɨ meta hakewa yamɨreyurienikɨ».

Ti'ɨkitame 3:14

Yaxeikɨata mɨpaɨ nepɨtimate naime Kakaɨyari mɨtiunetɨa yuheyemekɨ katiniwiyani, pɨkayɨwe temitanɨitɨanikɨ meta temenakaxɨrienikɨ, Kakaɨyari mɨpaɨ katiniuyurieni temimakaxenikɨ.

'Epetsutari 1:11

Mɨkɨ meta, mɨkɨtsie tetewiyatɨ tekananayexeiyarieni. Mɨpaɨ tepɨte'ukayatsarie teɨterimama temakɨnekɨ, mɨpaɨ katiniyuriemɨkɨkaitɨni meripai, mɨpaɨ tiniyɨkɨhɨawekaitɨni kemɨ'ane naime mɨtikuyuitɨwa yatiyɨkɨhɨawetɨ kemɨtinake.

2 Kemɨtiuyɨ 20:15

Kahatsieri mɨpaɨ kaniutayɨni: «Xekeneu'enana, Kuratsie kiekatari meta Kerutsareme, meta yaxeikɨata keneu'ena ti'aitame. Yawé mɨpaɨ kanaineni: “Xepɨkaheumamaka. Xepɨkaheuyuyexɨrɨwani kepauka xemɨwaxeiya mɨkɨ kuyaxi memɨyumɨire, matsi xeme xepɨkayutakwini nepɨta nekaninetamiemɨkɨ.

Hutarieka 'inɨari 8:18

Yawé 'akakaɨyari kena'eriwani, mɨkɨ kametinipitɨaka piinitɨarika pemɨrexeiya, mɨpaɨ katineye'atɨaka mɨkɨ hikɨ yutɨratu meripaitɨ xetutsima kemɨtiwarutahɨawixɨ.

Ti'ɨkitame 4:4

Meta nekaniuniere 'aixɨa 'aneme yu'uximayatsikakɨ yutukaritsie mekaniwaranutanieritɨwani 'axamemɨtewakɨhɨawe. Mɨkɨta yaxeikɨa tixaɨtɨ pɨkarayani, 'eka pemuweiyani hepaɨ kani'aneni.

Keremiyaxi 46:6

Kemɨ'ane waɨkawa manautsawe pɨkayɨwe muyuta'una meta waɨkawa mɨtɨrɨkaɨye pɨkayɨwe muwatawikweiya. Tayeta, 'Eupɨrate hatetsitayaritsie mekanitakeitsarietɨkɨkani meta mekanatixɨrɨweni.

Ti'ɨkitame 7:13

Kakaɨyari 'uximayatsikaya keneuxeiya: ¿kemɨ'ane pɨyɨwe mitixeurariyakɨ tita mɨkɨ mutiutitunaxɨ?

Ti'ɨkitame 4:1

Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Ti'ɨkitame 2:12

Merikɨtsɨ nepeuyuti'eriexɨa kenemɨtimaiwekaikɨ, meta mɨkayukɨhɨawekɨ meta mɨka'uka'iyarikɨ —¿ketiyɨwe tawari ne'utɨma ti'aitame manukakeni yamɨtiyurienikɨ, nehepaɨ pɨtiyurieni xeikɨa?—,

Kuwi 34:29

¿Matsi kepaikɨ hetsiena pɨrahɨawe xɨka mɨkɨ kayuwatɨ tiuyerɨni? ¿Kepaikɨ pixeiyawe xɨka yunierika 'awietani? Mɨkɨ yunaime teɨteri meta wakiekari waheima pɨkawe,

2 Tsamuheri 17:14

'Awitsaruni meta 'ixaheritsixi yunaitɨ mɨpaɨ mekaniutiyuani: —Hutsahi 'araki tewiyari kemɨtiku'eriwa 'aixɨa kani'aneni keyuri 'Akituperi niukieya. Mɨpaɨ pɨtiɨyɨ Yawé yamainekaikɨri 'Akituperi kemɨtiku'eriwakai yamɨkatiyunikɨ, tsepanetɨ mɨkɨ matsi waɨkawa mɨtimaiwekai, mɨpaɨ 'Awitsaruni 'axamuyurienikɨ.

Marakiyaxi 3:18

Xeme 'ana xetemaitɨ xepakɨne keyɨkɨmɨ'ane 'aixɨa memɨteyurie wahetsiemieme meta 'axamemɨteyurie, Kakaɨyari memayexeiya wahetsiemieme meta memɨka'eyexeiya.

1 Tsamuheri 17:50

Rawiri mɨpaɨ katine'iwa piritsiteu tewiyari: Kanimieni tete texɨpametsie yekaimekɨ, 'ixipara kahauyehɨatɨ.

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

2 Tsamuheri 17:23

'Akituperi matsi 'Awitsaruni mɨkahenu'enikɨ kemɨtiuxatakai, puxu 'ukuha'aritɨaka yukiekaritsie kaneyani. Kepauka yukie munua, 'aixɨa tiuyurieka yutɨɨriyama wahetsiemieme, heyaka xaɨtsie kaneyukawieni. Mɨpaɨ katiniumɨni, kaniukateukieni yupaapa teɨkipa.

Hutarieka 'inɨari 8:17

Hatsuaku mɨpaɨ xepɨkateku'eriwani. “'Ikɨ piinitɨarika nemɨrexeiya nekɨmana nemamakɨ nepɨtiukaxei”.

1 Tsamuheri 6:9

xekenetaxeiyani. Xɨka Weti-Tsemetsi heye'ani yukwieyaritsie paitɨ, mɨpaɨ tepɨtehetimani kename Yawé tiyuriene mɨyamɨtatikwinitɨa. Peru xɨka kaxeta xaɨtsie heukuyune, mɨpaɨ tepɨtehetimani kename mɨkɨ katatsi'uyuri, kename takɨmana tete'utikwikwinixɨ».

Nɨawari 76:5

Memɨtehayu'iwa hikɨ mepatixɨriwa, teukiyapa mepeukaxɨriwa. Nixewitɨ mɨkɨ teɨteri yukukuyamete yumamate pɨka'anukuhapani mɨwaparewienikɨ.

Temaiwawemete 1:5

Mɨtimaiwe 'ikɨ ke'u'enieni, matsi waɨkawa mɨretimanikɨ, matsi heitserie kaneti'enatɨyeimɨkɨ,

Ti'ɨkitame 9:2

Teyunaitɨ tekanikukuwemetetɨni: heitseriekamekɨ muyeika meta 'axa'anemɨkɨ muyeika, 'aixɨa mɨtiyuriene 'axamɨtiuka'iyari, mɨ'itiya meta mɨka'itiya, kemɨ'aneta mawari mɨwewie meta kemɨ'ane mɨka'iwewie, 'aixɨa mɨtiuka'iyari 'axatiyuruwame, kemɨ'ane tixaɨtɨkɨ mɨtiyuhɨritɨa meta xewitɨ mɨkatiyɨhɨritɨa.

Tsakariyaxi 4:6

Hikɨ niuki tuayame mɨpaɨ kanetiniutahɨawe: «'Ikɨ Yawé kaniniukieyatɨni Tsuruwaweri hetsiemieme kanihɨkɨtɨni: »“Kuyaxi watɨrɨkariyakɨ pɨkatiyɨni meta nixeime tɨrɨkariyayakɨ, matsi Ne'iyari mupatsiekɨ pɨta —Yawé Naimekɨmɨtɨrɨkaɨye mɨpaɨ kanaineni—.

Ti'ɨkitame 9:3

Xewitɨ xeikɨa kaniuyeikani 'axamɨtiyurienenikɨ 'ikɨ tukaritsiemieme: Teyunaitɨ tsieretsɨ tekanikwikuni. Metatsiere tewi 'iyarieya 'axamɨti'anekɨ kanihɨneni, rukuxiya xeikɨa yu'iyaritsie kanexeiyani yuheyemekɨ, 'imatɨrieka xeikɨari kanimɨmɨkɨ.

Keremiyaxi 48:14

»Xeme mɨpaɨ xepɨte'uyu'ɨrekai: “Tame temɨtehayu'iwa tekanihɨkɨtɨni, teɨteri kuyaxata miemekɨ temɨkamama”.