Ti'ɨkitame 9:1 - Kakaɨyari Niukieya

¹ 'Ikɨ naimekɨ waɨkawa mɨpaɨ nekatiniyurienekaitɨni, 'ikɨkɨ meta naime nekatiniuta'inɨata, 'aixɨa memɨteyurie meta memɨtemaiwawe kememɨte'uximaya, mɨkɨ Kakaɨyari hetsɨa katinimiemetɨni, tewi 'atsipɨkatimate kemɨtiyukanaki'erieka meta kemɨtiyuka'uxiwe'erie, tsepa hɨxiena mɨti'ane.

Ti'ɨkitame 9:1 ပူးပေါင်းရင်းမြစ်များ

Hutarieka 'inɨari 33:3

'Ekɨ pepɨhɨkɨ 'ateɨterima pemɨwanaki'erie, yunaitɨ memɨpatsietɨka 'amamatsie mepɨte'ane. 'Ayumieme mekameniuweiyani, 'ɨxatsi 'ahetsɨa mieme mekaniukaxexeiyani.

1 Pekuru 1:5

Xemetsɨ yuri xete'erietɨ xekani'ɨwiyarieka Kakaɨyari tɨrɨkariyayakɨ. 'Ayumieme xekanitawikweitsitɨariekuni, kemɨtimatsiɨkɨni xewikweitsitɨatɨ tukari 'aye'ayu kepauka mɨtapare.

Ti'ɨkitame 8:14

'Ena kwiepa waɨkawa katinixuaweni tixaɨtɨ katiyunaki'erietɨ, teɨteri hipatɨ mekanixuaweni 'aixɨa 'anemekɨ me'u'uwatɨ, matsi 'axateyuruwamete wahepaɨ mekani'itɨarieka, meta mepuxuawe 'axateyuruwamete mɨkɨta yaxeikɨa 'aixɨa mekani'itɨarieka 'aixɨa memɨtekahu wahepaɨ. Neta mɨpaɨ nekanaineni tixaɨtɨ pɨkarayani.

Kuwi 12:10

Teyunaitɨ temayeyuyuri mɨkɨ tɨrɨkariyayatsie tetewiyatɨ tepɨte'ane, meta teyunaime ta'iiya pɨtatsipitɨa temɨtɨrɨkawinikɨ.

2 Timuteu 1:12

Mɨpaɨ nemɨ'anekɨ, 'ayumieme mɨya nepɨtiuka'eniwa, peru nepɨkanetewiya nemimatekɨ kemɨ'anetsie yuri nemɨtiuta'eri, yuri nekatini'erieka mɨkɨ mɨyɨwekɨ mi'ɨwiyanikɨ tita mɨnetiyetuiri 'iya tukari mexi ka'aye'awe.

Kitsariyaxi 26:12

Yawé, 'ekɨ kayuwatɨ pepɨxuawitɨa tahetsiemieme, 'ekɨtsɨ pekanihɨkɨtɨni yapemɨtiyuriene naime ta'uximayatsikakɨ.

Temaiwawemete 16:3

Naime kepemɨtiyurienekɨ Yawé ketineuhɨritɨa, kepemɨtiku'eriwa 'ana yapɨtiyɨni.

Nɨawari 31:5

'Amamatsie ne'iyari nepɨyetua, Yawé, keneneutawikweitsitɨa, yuri Kakaɨyari.

1 Tsamuheri 2:9

Hetsiena yuri memɨte'erie yamemɨtekahu kaniwa'ɨwiyani, peru 'axateyuruwamete mekaneuyexɨrikuni makuyɨwitsie. Nixewitɨ pɨkarayu'iwa kemɨtinake yutɨrɨkariyakɨ.

Ti'ɨkitame 10:14

Matsi xewitɨ pɨkayɨwe yamɨtayɨnikɨ. Xewitɨ pɨkatimate kemɨtiyɨni, meta 'arikeke kemɨyɨni, xewitɨ pɨkayuwe yamɨtayɨnikɨ.

Ti'ɨkitame 8:16

Naimekɨ yanemɨretimanikɨ mɨtimaiwenikɨ mɨ'ayumieme nemɨtixeiyakɨ naime kemɨti'ane 'ena kwiepa 'uyeikatɨ, nepɨkakuwekai tukarikɨ meta tɨkarikɨ neyu'iyaritɨatɨ.

Ti'ɨkitame 7:25

Merikɨte nekaninuani nemɨtitamarienikɨ meta nemɨretimanikɨ, mɨtimaiwenikɨ mɨ'ayumieme nemɨtixeiyaxɨanikɨ, meta piinitɨarika hetsiemieme, 'ana mɨpaɨ nepɨretima 'atsimɨkatimate hɨkɨtɨtɨ 'axakatiniyurieneni meta mɨka'uka'iyari kanirukuyaneni xeikɨa.

Ti'ɨkitame 7:15

Hikɨ tukaritsie nemuyeikakai tinaime nepɨtiuxei: teɨteri 'aixɨa memɨte'u'uwa 'aixɨa mɨti'ane kaniwaka'unani, teɨteri 'axamemɨteyurie 'axamɨti'ane 'apɨtiwareuteritɨa.

Ti'ɨkitame 1:17

Ne yemekɨ nepɨneyetua netimaiwetɨ nemayanikɨ, nekanimaikata mɨkayɨkɨhɨawe meta mɨka'uka'iyari, matsi mɨkɨ 'eka manuku'axe hepaɨ kani'aneni.

Nɨawari 73:3

Nepɨwarekahekatɨya newaruxeiyaka 'axateyuruwamete mete'ukaxexeiyakaku.

Nɨawari 10:14

'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya 'aixɨa pepɨtiyurieni mɨkɨ hepaɨtsita. Mɨyamemɨte'anuyehu matsi 'ahetsie mekaneuwaɨreni, 'ekɨ pepɨhɨkɨ nutuite waparewiwame.

Kuwi 5:8

»Ne xɨka netiuka'eniwanike, Kakaɨyari hetsɨa 'ahurawa nepuyanike, hɨxiena naimekɨ nepɨnetahekɨatawe.

Nɨawari 119:109

Netukari kaunari 'etsimɨpe hepaɨ pɨ'ane, peru 'a'aitsika nepɨkahatɨtɨmaiya.

Ti'ɨkitame 9:6

Kememɨteyukanaki'eriekai kememɨte'uyuka'uxiwe'eriekai, meta kememɨte'ukaheiwe'eriekai mana katiniu'axeni, meta hatsuaku yamepɨkateyurieni kememɨteyurie 'ikɨ tukaritsie mieme.

Keremiyaxi 43:6

'ukitsi, 'ukarawetsixi, metatsiere tɨɨri, ti'aitame niwemama 'ukari, yunaitɨ teɨteri Nawutsararani kuyaxi tiwa'aitɨwame Kerariyaxi mɨhɨritɨakai, 'Akikani nu'aya, Tsapani teukarieya, metatsiere Kakaɨyari niukameya Keremiyaxi, meta Waruki Neriyaxi nu'aya.

Kuwi 27:12

Xɨka xemetɨtɨ 'ikɨ naime xetexexeiyaniri, ¿kamɨtsɨ titayari waɨkawa xeteniukixie?»

Ti'ɨkitame 8:7

'atsikatimaitɨ kemɨtiyɨni hetsienamieme, xewi tɨma pɨkayɨwe para mɨtitaxatɨanikɨ.