Ti'ɨkitame 8:11 - Kakaɨyari Niukieya

¹¹ Kepauka xeiya mɨkataxanetsieni xɨka 'axatiuyurieni, 'ana teɨteri yu'iyaritsie 'axameteyurietɨ mekanakɨnikuni.

Ti'ɨkitame 8:11 ပူးပေါင်းရင်းမြစ်များ

Kitsariyaxi 26:10

Tsepa 'axamɨtiuka'iyari mɨnenimayatsie, pɨkaretimamateke tita mɨtiheitserie, 'aixɨa mɨti'ane mɨraxuawetsie 'axapɨtiyuriene pɨta, Yawé kemɨtimariwe pɨka'imate.

Nɨawari 10:6

Mɨpaɨ katiniyukɨhɨaweni: «Nitixaɨtɨ pɨkanerekahɨani. Yanetinetemawietɨ 'anepuyeikani. Hatsuaku 'uximatɨarika nepɨkahekaxeiya».

Keremiyaxi 48:11

»Muhawi kwieyaritsie kayuwatɨ kaniumakaitɨni 'amɨtiuyukamatsietɨtɨ, kaxie winuyari mɨkawatayuitɨariwa hepaɨ. Hatsuaku mana kiekatari xeime kwieyaritsie mepɨkahehapaniewawe. Winu hepaɨ xeime haxu tekɨxiyarita pɨkakatuariewe. 'Ayumieme 'aixɨa kema'ane pɨkaheuyeiwe, meta yaxeikɨa 'aixɨa pu'ɨa».

Memeyekɨ 8:15

Hikɨ Parahuni 'aixɨa 'iyarieya kaniuyɨni, peru Yawé 'iyarieya kaniutseiriya, Yawé kemɨtiwarahɨawekai, Muitsexi 'Aruni mame pɨkawa'enimɨkɨkai.

Kitsariyaxi 57:11

»¿Kemɨ'ane pɨmatsi'utimariu, kemɨ'ane marika pɨmatsi'upitɨa, titayari penetiu'itai? Pepɨkanetsihaye'eri, nitixaɨtɨ pepɨkanerayeitɨa. ¿Xɨari pepɨkanetsimakaxe, mɨixa 'atsinemɨka'utayɨkɨ?

Keremiyaxi 42:15

'ayumieme 'ikɨ Yawé Naimekɨmɨtɨrɨkaɨye 'Ixaheri Kakaɨyarieya niukieya xekeneu'eni, xeme Kura kwieyaritsie kiekatari xemuyuhayewatɨwe: Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Xɨka xeme xeka'anu'enanani 'Ekipitu pɨta xehekɨne mana xemetitenikɨ,

Memeyekɨ 8:32

Matsi Parahuni tawarita yu'iyari kaniutse'iriya, pɨkawarupitɨa memɨyehukɨ.

Memeyekɨ 34:6

hɨxiena 'uyemietɨ mɨpaɨ kaniutayɨni: —Yawé, Yawé, Kakaɨyari 'aixɨa mɨtiuka'iyari, nepɨkayumexɨitɨa nemɨyeha'anikɨ, pɨmariwe nenaki'eriya, ne'iyarikɨ 'aixɨa nepɨtiuka'iyari,

2 Tsamuheri 11:15

Xapa mɨpaɨ payetainekai: «'Uriyaxi kenanuyeyetsa, hakewa matsi waɨkawa memeyukwitɨwetsie. Hikɨ yuxaɨtame xekenehayewa metsekienikɨ meta memierienikɨ».

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Ti'ɨkitame 9:3

Xewitɨ xeikɨa kaniuyeikani 'axamɨtiyurienenikɨ 'ikɨ tukaritsiemieme: Teyunaitɨ tsieretsɨ tekanikwikuni. Metatsiere tewi 'iyarieya 'axamɨti'anekɨ kanihɨneni, rukuxiya xeikɨa yu'iyaritsie kanexeiyani yuheyemekɨ, 'imatɨrieka xeikɨari kanimɨmɨkɨ.

Kuwi 24:23

Kakaɨyari kaniwapitɨaka 'aixɨa 'iyari memu'uwanikɨ, matsi wataxeiyatɨ pɨkatihayewa.

Nɨawari 10:4

'Axatiyuruwame teikɨ peneniere 'uyuta'ɨretɨ, 'etsiwatɨma Kakaɨyari pɨkaku'eriwa.