Ti'ɨkitame 7:9 - Kakaɨyari Niukieya

⁹ Haxɨakɨ xeikɨa pepɨka'ayeweni, matsi mɨkɨ 'atsimɨkatimate kani'iyarieyatɨni.

Ti'ɨkitame 7:9 ပူးပေါင်းရင်းမြစ်များ

Tsatiyaku 1:19

'Ipaɨ xeketenemaika ne'iwama nenaki'erima: Yunaitɨ teɨteri mekeyumexɨitɨaka memɨ'enananikɨ, 'emeketeheutewini memɨtiniunikɨ meta memɨyeha'anikɨ,

Temaiwawemete 14:17

Kemɨ'ane mayu'eriya yapauka 'axapɨtiyurieni 'atsikatimaitɨ, matsi kemɨ'ane mɨtimaiwe mɨkɨ pɨtiukanewie.

Temaiwawemete 16:32

Matsi 'aixɨa pɨ'ane petiukanewietɨ keyuri pera'a'iwamɨtɨ, matsi 'ekɨ 'a'iyari kenenɨtɨaweni keyuri kiekarite peka'a'iwake.

Marikuxi 6:19

Heruriya kani'uxiwe'eriekaitɨni, pɨtikuwaunekai Wani kehapaɨ mɨtimienikɨ.

Kunatsi 4:9

Peru Kakaɨyari Kunatsi mɨpaɨ katiniutahɨawe: ―¿Xatsuni perexeiya pemɨha'akakɨ 'ikɨ naaná 'etɨpiwarikɨ? Kunatsi mɨpaɨ katinita'eiya: ―Ne huu xatsuni nepexeiya, ne haxɨakɨ nepɨmɨxime.

2 Tsamuheri 19:43

Matsi 'ixaheritsixi tawarita mɨpaɨ mekaniutiyuani: —¿Ketitayari kuta waɨkawa xetatsixani'erietɨ xeteyɨa? Tame matsi tamamata mexɨa heitserie tepexeiya Rawiri ti'aitame hetsiemieme keyuri xeme. Meta, tame meri tete'ita'ini munuanikɨ. Hikɨ matsi Kura kwieyaritsie kiekatarita waɨkawa meha'atɨ mekaniwaruta'eiya.

2 Tsamuheri 13:22

'Ana mɨtiyehane 'Awitsaruni 'Aminuni pɨkakuhɨawekai, matsi kanixani'eriekaitɨni 'iwaya Tamaxi hamatɨa mukahuikɨ.

2 Tsamuheri 13:28

'Ikɨ 'Awitsaruni yuhetsɨa te'uximayatamete mɨpaɨ katiniwaruta'aitɨani: «'Aminuni xekenexeiyani xepɨkaheiyehɨpani. Kepaukari waɨkawa mɨtawekatsie ne yanekanitayɨmɨkɨ kepauka xemenukuweiya hikɨ xeme xekaneimiekuni. Xepɨkaheumamaka ne matsi nekanihɨkɨtɨni mɨpaɨ nemɨxeti'aitɨa. Xekeneyuwaɨriyani xekenetɨrɨkawini».

Marikuxi 6:24

Mɨkɨ 'ɨimari kaneyani mɨpaɨ yumaama katiniuta'iwawiya: —¿Ketita netitawawirieni? Mɨkɨ mɨpaɨ katinita'eiya: —Wani Ti'ɨyame mu'uya keneutawawiri.

2 Tsamuheri 13:32

Kunarawi Tsimaha nu'aya Rawiri matsuya, mɨpaɨ katinitahɨawe: —'Ekɨ ti'aitame yunaitɨ 'aniwema mehekwi'iwame pepɨka'erieka, matsi 'Aminuni xeikɨa kane'itɨarieni. 'Awitsaruni yakatinimaikaitɨniri kepaukapai 'Aminuni Tamaxi mukumayɨatsie taruya.

Tsutɨarika 4:8

Hikɨ Kahini yumuta 'Aweri hamatɨa katiniutixata. Kepauka yeuta yuxaɨta memu'uwakai, Kahini yumuta kaniumieni.

Temaiwawemete 14:29

Kemɨ'ane mɨka'ayu'eriya pɨmatsiɨkɨ waɨkawa kemɨtimaiwe, matsi yapauka mayu'eriya pɨmatsiɨkɨ ke'axamɨtiyurie yutemawietɨ.

Ti'ɨkitame 7:10

Mɨpaɨ pepɨkahaineni kename meripaitɨ 'aixɨa metiyuriekai. Mɨkɨ kememutiyuane memɨtemaiwawe wahetsɨa pɨkamieme.

Temaiwawemete 25:8

yapauka pepɨkatihekɨatani mɨrewatixanetsiwatsie, nɨka 'ahepaɨ tewi, yɨkɨ 'utayɨme metsi'utewiyatsitɨani.

Kunatsi 4:3

'Ayumieme hikɨ, nepɨmatsiwawirie kwerietɨ Yawé, netukari keneneunawairi. Nepumawenikeyu 'anepɨka'uyeikanikeyu.

Kunatsi 4:8

Meta tau 'anatineku Kakaɨyari 'eka xɨkame kaneyenɨ'ani tau manatineika hepa mieme. Metatsiere tau 'ixɨriwiyakaku Kunatsi mu'uyatsie kanimɨximekaitɨni. Hikɨ heumɨmɨtɨ mɨpaɨ kaniutayɨni: «Pɨnetsikunanake matsi nemumaweni nepɨka'uyeikanikeyu».