Ti'ɨkitame 7:8 - Kakaɨyari Niukieya

⁸ Matsi 'aixɨa kani'aneni tixaɨtɨ mɨreutiparekɨ, keyuri titsutɨarietɨ. Matsi 'aixɨa kani'aneni mɨtiuka'eniwanikɨ waɨkawa keyuri yu'ariwietɨ.

Ti'ɨkitame 7:8 ပူးပေါင်းရင်းမြစ်များ

Hepɨrayutsixi 10:36

Kaneuyeweka xemɨte'ukanenewiekakɨ, xeheixeiyatɨ xemakɨnekɨ kexemɨte'utahɨawarie kename mɨpaɨ tixepitɨani, yaxeteyurieyu kemɨtinake Kakaɨyari.

Temaiwawemete 14:29

Kemɨ'ane mɨka'ayu'eriya pɨmatsiɨkɨ waɨkawa kemɨtimaiwe, matsi yapauka mayu'eriya pɨmatsiɨkɨ ke'axamɨtiyurie yutemawietɨ.

1 Pekuru 1:13

'Ayumieme xekeneyuha'aritɨaka yu'iyaritsie 'aixɨa 'anemekɨ xeteku'eriwatɨ, xeketeneyu'aitɨaka, naimekɨ xeta'ikwewatɨ 'aixɨa kexemɨ'itɨarieni kepauka Ketsutsi Kɨritsitu matsiɨkɨtɨ mayani.

Tsatiyaku 5:11

Yurikɨ 'aixɨa mepɨ'itɨarie kemɨ'ane mete'uka'eniwatɨ memu'uwa. Xepu'enana Kuwi kemɨtiuka'eniwakai, mɨpaɨta xepɨtehetima 'arike Ti'aitame kemɨtiyetuiri, Ti'aitame kwini mieme mɨtiyukanenimaya meta mɨreuyehɨwirieni kanihɨkɨtɨni.

Tsatiyaku 5:8

Xemeta yaxeikɨa xekeneti'uka xeta'ikwewatɨ, xepɨkawaɨripietɨkani Ti'aitame munuanitsie kanaye'aximeniri.

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

Rukaxi 21:19

Xɨka xeme heitseriemekɨ xe'uhuni, xekaniyutawikweitsitɨakuni.

Temaiwawemete 16:32

Matsi 'aixɨa pɨ'ane petiukanewietɨ keyuri pera'a'iwamɨtɨ, matsi 'ekɨ 'a'iyari kenenɨtɨaweni keyuri kiekarite peka'a'iwake.

Temaiwawemete 15:18

Kemɨ'ane mayu'eriya yapauka payumiewe, kemɨ'ane mɨka'ayu'eriya kayuwatɨ puwapitɨa hipame.

Rukaxi 16:25

Hikɨ 'Apɨrahami mɨpaɨ kaniutayɨni: “Neniwe, kena'eriwani 'aixɨa 'anemekɨ pepuyeikakai kepauka pemayeyurikai, peru Ratsaru 'aixɨa 'anemekɨ pɨka'uyeikakai, hikɨri mɨkɨ 'uwa kaninɨtɨarieka, 'ekɨ pɨta pepɨ'uximatɨarie.

Temaiwawemete 28:25

Kemɨ'ane tumini mɨnaki'erie xeikɨa mɨkɨ waɨkawa kaniyumienemɨkɨ, matsi Yawé hetsie kemɨ'ane yuri mɨti'erie 'aixɨa kani'itɨariekamɨkɨ.

Temaiwawemete 13:10

Teɨteri memɨteyukatawe'erie mekaniyukwitɨweni xeikɨa, matsi kemɨ'ane 'ɨxatsi memɨ'enie mɨkɨ mekatenimaiwaweni.

'Epetsutari 4:2

Tixaɨtɨ xekatehɨkɨtɨtɨ xekeneyu'erieka naimekɨ, xepɨka'ayu'eririyani, 'axeketeneutewini xekaha'atɨ, xekeneyunewieka matsi xeyunaki'erietɨ.

Ti'ɨkitame 7:1

Matsi tewi 'aixɨa peketixeiyarieka, keyuri witsipe'u'ɨatɨ. Matsi katiniyunaki'erieka kepauka temɨkwinitsie, keyuri temɨtinunuiwatsie.