Ti'ɨkitame 7:7 - Kakaɨyari Niukieya

⁷ Mɨtimaiwe nanaimarikakɨ katimaiwetɨ kanayeimɨkɨ, tuminikɨ yu'iyari kanikwiemaka.

Ti'ɨkitame 7:7 ပူးပေါင်းရင်းမြစ်များ

Hutarieka 'inɨari 16:19

'Axaxepɨkateyurieka heitseriemekɨ yaxekatekahutɨ meta hixɨata ti'atɨkaimekɨ xepɨkatekuxatani. 'Axapemɨtayɨnikɨ xɨka xewitɨ tumini matsi'ɨitɨaka mɨkɨ pepɨkatinaki'erieka, mɨkɨ mɨyamɨti'ane mɨtimaiwe kaheuniereme kanayeitɨaka, meta heitseriemekɨ 'amuyeika niukieya kanititunani.

Memeyekɨ 23:8

»Tumini xɨka xewitɨ 'awie matsi'ɨitɨaka tixaɨtɨ kemɨkatiheitserie pemɨtiyurienikɨ, pepɨka'inaki'erieka, mɨpaɨ 'itsɨkate kemɨkatiheitserie mepɨteyuriwawe.

Temaiwawemete 17:23

'Axateyuruwamete tumini memɨnaki'erie tixaɨtɨkɨ 'awie yameteyurienike, 'itsɨkate niuki tutunime xeikɨa mekani'enieka tumini memanɨ'ɨwekɨ.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Ti'ɨkitame 4:1

Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Temaiwawemete 17:8

Kemɨ'ane tumini mɨwata'ɨitɨwa 'awie yamemɨteyurienikɨ hipatɨ kemɨtinake, mɨkɨ 'itsɨ mariweme makwe'e puyu'erie, matsi mɨkɨ kemɨtiyuriene naitɨ yapɨtikɨyɨne.

1 Tsamuheri 8:3

Perutsɨ mɨkɨ yuhutatɨ nixewitɨ yupaapa hepaɨ tiyurienetɨ pɨka'atɨa, kemɨtiwanake xeikɨa 'axameteyurietɨ mekanakɨne, yuhetsiemieme xeikɨa tumini menaki'erietɨ, ti'itatɨ tumini 'awie mɨnaki'erie, meta hipame 'aixɨa memɨwayurienikɨ yamɨkatiyuriene.

Hutarieka 'inɨari 28:65

Mɨkɨ kiekaritetsie 'uxipiya xepɨkahekaxeiya meta kayuwatɨ pɨkahemaka. Yawé xe'iyari pe'uximatɨaka, xehɨxite peti'uxe tixeiyamɨtɨ, xe'iyari petiwaɨripieni ta'ikwewatɨ.

Kitsariyaxi 33:15

Kemɨ'ane xeikɨa heitserie yamɨtikamie meta heitseriekamekɨ mɨtikuxata, 'axa'anemekɨ tumini mɨkaha'i'iwa, meta tumini mɨtanaki'erienikɨ 'aixɨa mɨtiuka'iyari mɨnanaimanikɨ yuhetsie mɨkapitɨa, mɨkayuwaɨriya teyumemiwamete muwa'enienikɨ, mayukɨpiriya 'axamɨti'ane mɨkatixeiyanikɨ.

1 Tsamuheri 12:3

'Ena xepɨnetsi'uketsa. Yawé hɨxie kexemɨnete'utahɨawe xepɨyɨwawe meta menayexei hɨxie. ¿Kemɨ'ane tuuruya, puxuya nepunawa? ¿Kemɨ'ane nepukwamanaxɨ? ¿Kemɨ'ane nepuhiweritɨa? ¿Kemɨ'ane nepɨkarakapitɨa? Xekeneneutaxaneta nepɨrayukatuani kexemɨnetetawawirieni.

Ti'ɨkitame 5:8

Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

Ti'ɨkitame 8:9

Naimekɨ mɨpaɨ nekatiniukaxeiya waɨkawa netimaimɨtɨ kenemɨtiutiwau nemɨretimanikɨ naime kemɨti'ane 'ena kwiepa: heiwa tewi xeime mɨti'aitɨakakɨ kaniyɨweni 'axamɨtiyurienenikɨ.

1 Tsamuheri 21:14

Hikɨ 'ayumieme 'Akihitsi yuparewiwamete mɨtiwa'aitɨa mɨpaɨ katiniwarutahɨawe: —¿Neuxei perutsɨ xekateyuku'ɨwiya? Pɨtawe mɨkɨ tewi. ¿Titayari xenete'atɨiri?