Ti'ɨkitame 7:5 - Kakaɨyari Niukieya

⁵ Matsi 'aixɨa kani'aneni mɨtimaiwe mɨratate'anikɨ, keyuri 'atsimɨkatimate niukieya tsi'aneneme 'enietɨ.

Ti'ɨkitame 7:5 ပူးပေါင်းရင်းမြစ်များ

Nɨawari 141:5

'Aixɨa mɨti'ane kenetsiku'imaiyani, naki'eriya kenetsi'utate'ani, witsimu'ɨa 'axateyuruwamete wapiini nemu'utsie pɨkayuhayewani, nemuyunenewiekɨ wahepaɨtsita ke'axamemɨteyuriekɨ.

Matsiɨkɨtɨ kemɨratɨa 3:19

Keyupaɨmeme nemɨwanaki'erie, mɨkɨ nepɨwatate'a nepɨtiwa'ɨkitɨa newa'uximatɨatɨ. 'Ayumieme 'aixɨa 'anemekɨ kene'awaɨriyani, ketineuhayewa kepemɨtiyuriene hikɨ.

Temaiwawemete 13:18

Kemɨ'ane 'ɨkitɨarika mɨka'anu'enieni tixaɨtɨ karexeiyatɨ payani meta tewiyatsitɨarietɨ, matsi kemɨ'ane manu'ena waɨkawa 'aixɨa pɨrahɨawarɨwani.

Temaiwawemete 27:6

Waɨkawa matsi pepinaki'erieka 'ahamiku kepauka mumatikwinitɨa, keyuri mɨmatsi'aye'unie kepauka mɨmatsi'itseni.

Temaiwawemete 17:10

Kemɨ'ane mɨtimaiwe xeiniukiyarikɨ peu'ena, mɨka'uka'iyarita tsepa xeitsienituyarimexɨa muweiya mɨkɨ pɨka'anu'ena.

Temaiwawemete 13:13

Kemɨ'ane 'ɨxatsi mɨka'anu'enieni pɨkareuyehɨwiyarieni, kemɨ'ane 'aitsika kemainetsie yamɨtikayani 'aixɨa 'anemekɨ pɨrakapitɨarieni.

Temaiwawemete 9:8

Mɨtiyukatawe'erie pepɨka'ɨxatsitɨaka kapa metsi'uti'uxiwe'erieni, 'aixɨa pɨyɨni xɨka mɨtimaiwe pe'uta'ɨxatsitɨani, mɨkɨ hɨrixɨa matsinaki'erietɨ payani.

Nɨawari 69:12

Kitenie memutayaxike nehepaɨtsita niuki mekanixɨatɨaka, memɨtarɨwe 'axa'anemekɨ mekaneniutakwikani.

Temaiwawemete 6:23

Kɨxeme kanihɨkɨtɨni 'aitsika, meta 'ɨkitɨarika hekɨariwiwame kanihɨkɨtɨni, 'ɨxatsitɨarika tukari huyeyari kanihɨkɨtɨni pemɨkaheuyewenikɨ.

Temaiwawemete 25:12

Hanira meta kuka tɨwame hurukɨ muwewiya hepaɨ kani'aneni, timaiweme matsi'utatieyu xɨka yemekɨ pe'i'enieni.

Ti'ɨkitame 7:4

Mɨtimaiwe kaniku'eriwani kepauka mɨmɨni, matsi 'atsimɨkatimate kaniyu'iyaritɨaka xeikɨa kemɨtiyurienekɨ.

Ti'ɨkitame 9:17

Mɨtimaiwe niukieya matsi kaneuyeweka kayuwatɨ mɨ'enierieka, keyuri 'atsimemɨkatemate tiwa'aitɨwame 'utahiwakaku.

Ti'ɨkitame 12:11

Memɨtemaiwawe waniuki tiyutseweme hepaɨ kani'aneneni. Kɨrapuxite 'aixɨa mɨretsunini hepaɨ mekatenikuxatani, xewitɨ xeikɨa tixaxatame tiwakuxaxatɨwakaku.