Ti'ɨkitame 7:2 - Kakaɨyari Niukieya

² 'Aixɨa matsi kani'aneni mɨki makateukienitsie pemumie, keyuri 'ixɨararipa. Temɨkwinikɨ teyunaime teɨteri tahetsie kanimiemetɨni, memayeneniereta matsi mɨpaɨ meketemaika.

Ti'ɨkitame 7:2 ပူးပေါင်းရင်းမြစ်များ

Nɨawari 90:12

Ketatineuta'ɨkitɨa tatukari 'aixɨa 'anemekɨ temɨ'inɨatanikɨ, ta'iyari mɨtimaiwenikɨ.

Hutarieka 'inɨari 32:29

Xɨka xeme xemɨtemaiwawe xehɨkɨtɨnike hikɨ 'ipaɨ xeteyuhɨaweke, xɨka mɨpaɨ xetehetimanike kexemɨ'itɨarienikɨ.

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

Hutarieka 'inɨari 32:46

«Xekena'eriwani yemekɨ 'ikɨ tukaritsie kenemɨtixe'utahɨawixi, yuniwema mɨpaɨ xeketeniwarutaxatɨa 'ikɨ 'aitsika niukiyaritsie heitseriemekɨ yamemɨtekahunikɨ.

Piriputari 3:19

Mɨkɨ mekanika'unariekuni xeikɨa, yuhuka mekanayexeiyani yukakaɨyari hepaɨ. Witsime'aneneme mekaniyuxatani kepauka mɨpaɨ memɨyɨa ketemɨtetewiyatsitɨarie. Kwiepa timiemekɨ xeikɨa mekatena'eriwani.

Mateu 5:4

'Aixɨa mekani'itɨarieka mɨkɨ memɨyuheiwerie, mepɨnɨtɨarieni.

'Akehuxi 1:5

Mɨpaɨ kanaineni hikɨ Yawé Naimekɨmɨtɨrɨkaɨye: «Xekeneuyutimaixɨa yurikɨ kexemɨteyuriku.

Kitsariyaxi 47:7

Mɨpaɨ peputayɨ: “'Uka neheyemekɨ ti'aitame nepɨhɨkɨtɨni”. Peru mɨpaɨ pepɨkatimaikai, meta pepɨkaheitimaixɨa kepemɨreutiparekekai.

'Inɨatsie 23:10

¿Kemɨ'ane pɨyɨwe Kakuwu nuiwarimama mɨwaruti'inɨata, tumuanari hepaɨ memuyupaɨme, yatɨni tsikere yayupaɨmeme mɨwaruti'inɨata 'Ixaheri nuiwarimama? 'Aixɨa mɨtiuka'iyari hepaɨ ne'anetɨ neke'umɨni. Wahepaɨ netiyurienetɨ neke'ukumawere».

Marakiyaxi 2:2

Xɨka xekanetsihanu'enieni meta xɨka xekayuwaɨriya mariweme xemɨnetsi'ayeitɨani, xehetsɨa 'axamɨ'ane nepanunɨ'ani, ke'aixɨa nemɨxeyuriekai nepipata 'axanepɨxeyurieka. 'Ari matsi 'axanekanixe'uyurieni, xeme heitseriemekɨ xemɨkanetsi'ayexeiyakɨ —Yawé Naimekɨmɨtɨrɨkaɨye mɨpaɨ kanaineni—.

Ti'ɨkitame 2:14

Kemɨ'ane mɨtimaiwe tanenieretɨ kaniumieni, peru kemɨ'ane 'atsimɨkatimate yɨwipa kaniuyeikani. Peru tawari mɨpaɨ nepɨretima teyunaitɨ yaxeikɨa katatinitakwewieka temɨkwinikɨ.

Ti'ɨkitame 2:16

Mɨtimaiwe meta mɨkatimaiwe tɨma pɨkahaye'eriwa, 'ureumietɨ yaxeikɨa mepɨtehatɨmaiyarieni, metatsiere yaxeikɨa mepɨtekwini memɨtemaiwawe meta memɨkatemaiwawe.

Ti'ɨkitame 3:19

Teɨteri yeutari wahepaɨ mekatenitakukuweni, yaxeikɨa mekatenita'ikwewani metakukuwetɨ yuxexuitɨ, yaxeikɨa meta kani'aneneni yunaitɨ kememɨte'ayeyuyuri, 'ayumieme tewi pɨkawe'eme tewaxi wahetsiemieme. Yurikɨ naitɨ tixaɨtɨ pɨkarayani,

Ti'ɨkitame 3:20

'Axeikɨa naitɨ katiniyemieni. »Naitɨ tumuanaritsie mɨtiyetɨa, tumuanaritsie katininuamɨkɨ.

Ti'ɨkitame 6:6

tsepa huta miriyari wiyari 'amuyeikani, 'aixɨa mɨti'ane yakatiyurienetɨ. Matsi teyunaitɨ 'axeikɨa tekanekɨkani.

Ti'ɨkitame 9:2

Teyunaitɨ tekanikukuwemetetɨni: heitseriekamekɨ muyeika meta 'axa'anemɨkɨ muyeika, 'aixɨa mɨtiyuriene 'axamɨtiuka'iyari, mɨ'itiya meta mɨka'itiya, kemɨ'aneta mawari mɨwewie meta kemɨ'ane mɨka'iwewie, 'aixɨa mɨtiuka'iyari 'axatiyuruwame, kemɨ'ane tixaɨtɨkɨ mɨtiyuhɨritɨa meta xewitɨ mɨkatiyɨhɨritɨa.

Ti'ɨkitame 9:3

Xewitɨ xeikɨa kaniuyeikani 'axamɨtiyurienenikɨ 'ikɨ tukaritsiemieme: Teyunaitɨ tsieretsɨ tekanikwikuni. Metatsiere tewi 'iyarieya 'axamɨti'anekɨ kanihɨneni, rukuxiya xeikɨa yu'iyaritsie kanexeiyani yuheyemekɨ, 'imatɨrieka xeikɨari kanimɨmɨkɨ.

Keremiyaxi 16:8

»Xeime kiita pepɨkaheutahakeni 'ixɨarari hexuawekaku, wahamatɨa pepɨkarekwaka meta pepɨkahe'ieka.

Ti'ɨkitame 9:5

Memayeneniere mɨpaɨ mekatenimaika kename mekwini, peru mɨkite 'atsimepɨkatemate meta tixaɨtɨ mepɨkatetakwewie, mɨkɨ yapauka mepatɨmaiyarɨwa.