Ti'ɨkitame 7:14 - Kakaɨyari Niukieya

¹⁴ Kepauka 'aixɨa ti'aneme pemɨrexeiyani, kene'atemawieka, matsi kepauka 'axati'aneme pemɨrexeiya, keneutimaixɨa 'uximayatsika naitɨ Kakaɨyari hetsɨa kanayeneikani, tewi 'atsimɨkatimatekɨ ketita mɨtikaxeiya 'arike.

Ti'ɨkitame 7:14 ပူးပေါင်းရင်းမြစ်များ

Ti'ɨkitame 3:22

Mɨpaɨ nepɨretima, tewi hetsie puxuawe xeikɨa, yu'uximayatsikatsie mɨtiwiyanikɨ mɨkɨ hetsiena pɨtiunakixɨ. Kamɨtsɨ, xewitɨ pumawe xeime mɨpaɨ mɨtitahɨawekɨ kemɨtiyɨnikɨ.

Ti'ɨkitame 3:4

kepauka mutatsuakanikɨ, kepaukata mutanawenikɨ, kepauka muyuhiwerieka, kepaukata temawierika mexeiyani,

Ti'ɨkitame 12:13

'Imatɨarieka 'ikɨ niuki naitɨ kaniu'enierieni. Kakaɨyari matsi kenayemakaxeni, yaketinekamieni 'aitsikayatsie, 'ikɨ naitɨ tewi hetsie kanimiemetɨni.

Hutarieka 'inɨari 28:47

kepaukatsɨ waɨkawa xemɨtehexeiyakaitsie xeyutemamawietɨ Yawé yukakaɨyari xemɨkahayexeiyakaikɨ.

Hutarieka 'inɨari 8:3

Waɨkawa pɨxe'uta'inɨataxɨ meta xeyehaakakwitɨweme pɨxe'ayeitɨa, peru 'arike manana pɨxemikwakai, mɨkɨ 'ikwai xeme xemɨka'imatekai meta xetutsima mepɨkaheitima, mɨpaɨ pɨxetiuta'ɨkitɨa kename tewi pakɨ xeikɨa ka'ayeniereni, matsita naitɨ Yawé niukieya peuyewetse.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

Tsatiyaku 5:13

Xɨka xeme xewitɨ tiuka'eniwani, keyutanenewieni. Mexɨka xewitɨ yutemawieka, ke'utakwikani.

Mateu 9:13

Peuyewetse 'akuxi yaxemɨtehetimanikɨ kemaine mɨkɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Mikeyaxi 6:9

Nuiwarite meta teɨteri kiekaritsie kiekatari, Yawé niukieya xekeneu'eni, pɨxeha'iniwa, xɨka xetemaiwaweni, Yawé xekenemakaxeni.

Keremiyaxi 23:20

Yawé haxɨaya pɨkaheunuani kepaukake 'aixɨa mɨtiyurieni naime 'iyarieya kemɨtiku'eriwa. 'Imatɨrieka tukaritsieke xekaneitimaitɨkɨnikuni hekɨakamekɨ.

Nɨawari 119:71

'Aixɨa pɨ'ane pemɨnetiukwinitɨa, 'a'aitsika mɨkɨkɨ nepetima.

Nɨ'ariekate 14:22

Teyɨ'ɨkitɨwamete wa'iyari mekaniutuikaxɨani metewakuxaxatɨwatɨ para yuri mete'erietɨ memɨyuhayewanikɨ, mɨpaɨ me'utiyuatɨ: «Peuyewetse waɨkawa te'uximatɨarieme temeutahaxɨanikɨ Kakaɨyari mɨra'aitatsie».

Nɨawari 40:3

Kwikari hekwame kaneniupitɨani nemitakwikanikɨ, nɨawari 'aixɨa haineme takakaɨyari hetsiemieme. Mɨpaɨ mete'uneniereka yumɨiretɨ mekaniutimamani, Yawé hetsie metewiyatɨ mekanakɨne.

Kitsariyaxi 42:25

'Ayumieme Yawé hetsiena yuhaxɨa pukawiwi, haxɨa kuyaxa mieme pipitɨa. Taikɨ penukana, peru 'atsipɨkaretima, pitaxɨtsitɨa, matsi mɨkɨ yakɨ yɨaneme puta'eri.

Ti'ɨkitame 12:8

Ti'ɨkitame mɨpaɨ nekanaineni: 'ikɨ tukari tixaɨtɨ pɨkarexeiya, naitɨ 'axakatini'aneni.

1 Te'aitamete 8:47

xɨka xeime kwieyaritsie mehehapanieme, memɨwara'iwaxɨ wakwieyaritsie, xɨka mete'uhayewa ke'axamemɨte'uyuri, meta xɨka 'ahetsɨa me'u'axɨani, xɨka 'ipaɨ mete'uyunenewieni: “Tame 'axatepɨte'uyuri, mɨpaɨ tepɨtehetima kwinimieme 'axatepɨte'uyuri”,

Hutarieka 'inɨari 8:5

Yu'iyaritsie xekeneu'eni, tewi yuniwe mɨheitseritɨa hepaɨ, Yawé 'akakaɨyari mɨpaɨta kametiniheitseritɨaka.

Hutarieka 'inɨari 26:11

Mana 'ixɨarari xepɨwewieni Yawé xekakaɨyari 'aixɨa ti'aneme mɨxetiyetuirikɨ xeyutemamawietɨ 'ekɨ meta 'atɨɨriyama, meta pepɨwata'inieni rewitsixi meta 'ateewa kiekatari.

Kuwi 2:10

Kuwi mɨpaɨ katinita'eiya: ―'Ukaratsi, 'atsimɨkatimate kemɨreuyewetse yamɨtiyuriene hepaɨ pepɨtiuxaxata. Xɨka Kakaɨyari hetsɨa 'aixɨa mɨti'ane tetehanunanakeni, ¿yaxeikɨata tekatemaikakeyu 'axamɨti'ane tahetsie mɨtinakenikɨ? Tsepanetɨ 'ikɨ naitɨ mɨyamɨtiɨyɨ, Kuwi 'axapɨkatiuyuri yuniukikɨ.

Ti'ɨkitame 8:7

'atsikatimaitɨ kemɨtiyɨni hetsienamieme, xewi tɨma pɨkayɨwe para mɨtitaxatɨanikɨ.

Ti'ɨkitame 9:7

Ketinekwaka 'a'ikwaite pe'atemawietɨ, kene'ieka 'awinu yemekɨ pe'awaɨriyatɨ, 'ariri Kakaɨyari kaninaki'aka kepemɨti'uximayakɨ,

Ti'ɨkitame 10:14

Matsi xewitɨ pɨkayɨwe yamɨtayɨnikɨ. Xewitɨ pɨkatimate kemɨtiyɨni, meta 'arikeke kemɨyɨni, xewitɨ pɨkayuwe yamɨtayɨnikɨ.

Ti'ɨkitame 11:9

Hikɨ kene'atemawieka mexi petemaikɨ, 'a'iyari keneupitɨa mɨyutemawiekakɨ. Kemɨtiku'eriwa keneyeweiyani meta 'ahɨxitekɨ kepemɨtiuyukahiwe'erie, matsi kena'eriwani Kakaɨyari mɨkɨ naimekɨ kamenita'iwawiyamɨkɨ.

Ti'ɨkitame 5:17

'Imatɨrieka kepaɨmexɨa muyeikani yɨwipa katinikwakamɨkɨ, meta waɨkawa 'uximatɨarietɨ katinikuyekamɨkɨ 'ayu'eriyatɨ.

Hiwerika 3:38

¿Tamɨ Kakaɨyari xeikɨa yahainekaku yakatikuyɨne, mɨtiutixuxuawere 'axati'anetɨ meta 'aixɨati'anetɨ?