Ti'ɨkitame 7:13 - Kakaɨyari Niukieya

¹³ Kakaɨyari 'uximayatsikaya keneuxeiya: ¿kemɨ'ane pɨyɨwe mitixeurariyakɨ tita mɨkɨ mutiutitunaxɨ?

Ti'ɨkitame 7:13 ပူးပေါင်းရင်းမြစ်များ

Ti'ɨkitame 1:15

Titunime mutaxeurariya pɨkayɨwe, meta pɨkayɨwe miti'inɨatakɨ kepaɨmetɨ meuyewetse.

Kuwi 12:14

Tita mɨkɨ mɨtika'una, xewitɨ pɨka'enukuketɨani, kemɨ'ane manutahɨani, xewitɨ pɨkayɨwe mɨwayexɨna.

Kitsariyaxi 5:12

Wa'ixɨararitsie winu puxuawe meta kanarite, xawerite, tepu meta pirikɨxa. Peru Yawé kemɨtiuyuri mepɨkayɨkɨ'ɨwiya meta ketita mɨtiutiwewi yamepɨkatemate.

Ti'ɨkitame 3:11

Kakaɨyari witsiti'aneme katiniunetɨani, mɨpaɨ tewi katiniupitɨani mɨpaɨ mɨtiku'eriwanikɨ 'uxa'atɨniwarie, tsepa tewi mɨkaheitimaitɨyeika Kakaɨyari 'uximayatsikaya mɨkɨ kemɨtiyuriene matɨari paitɨ meta 'imatɨrieka.

'Epetsutari 1:11

Mɨkɨ meta, mɨkɨtsie tetewiyatɨ tekananayexeiyarieni. Mɨpaɨ tepɨte'ukayatsarie teɨterimama temakɨnekɨ, mɨpaɨ katiniyuriemɨkɨkaitɨni meripai, mɨpaɨ tiniyɨkɨhɨawekaitɨni kemɨ'ane naime mɨtikuyuitɨwa yatiyɨkɨhɨawetɨ kemɨtinake.

Kitsariyaxi 14:27

Xɨkari mɨpaɨ tiɨyɨhɨawe Yawé Naimekɨmɨtɨrɨkaɨye, ¿kemɨ'ane pɨyɨwe mita'imaiyakɨ? Xɨkari mɨkɨ yumamá hautatserani, ¿kemɨ'ane pɨyɨwe muwaketɨanikɨ?

Nɨawari 107:43

Kemɨ'ane mɨtimaiwe, mɨpaɨ timaitɨ kehayani meta 'aixɨa kereitimani Yawé naki'eriyaya mɨmariwe.

Xumatari 9:19

Peru 'ekɨ mɨpaɨ pepɨnetikɨhɨaweni: «Merikɨte, ¿titayarikuta tahetsie rahɨpa 'akuxi? ¿Kepaikɨ pi'uxiwe'erieka tita mɨkɨ mɨtiyuriemɨkɨ?»

Xumatari 9:15

Mɨpaɨri Muitsexi pɨtiutahɨawixɨ: «Nepinenimaya kemɨ'ane nemɨnenimayatamɨkɨ, nepi'ɨwiya kemɨ'ane nemɨ'ɨwiyamɨkɨ».

Kitsariyaxi 43:13

Meripaitɨtɨ, Ne nekanihɨkɨtɨni. Nixewitɨ nemamatsie muyuxɨna pɨkayɨwe. Kenemɨtiyurieni, nixewitɨ pɨka'itatara».

Kuwi 37:14

»Kuwi, yaketinetewini 'akuxi, keneneu'eni, Kakaɨyari mariwemekɨ kemɨtiyurie hepaɨtsita keneuyuti'iyaritɨa.

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

Nɨawari 8:3

Kepauka muyuawi nemɨxeiya, 'amamakɨ pemitawewi, metsa meta xurawetsixi mana pemɨwaruyeyatsaxɨ,

Kuwi 34:29

¿Matsi kepaikɨ hetsiena pɨrahɨawe xɨka mɨkɨ kayuwatɨ tiuyerɨni? ¿Kepaikɨ pixeiyawe xɨka yunierika 'awietani? Mɨkɨ yunaime teɨteri meta wakiekari waheima pɨkawe,

Kuwi 11:10

»Xɨka nuame, metsi'anutahɨani, meta metsi'uta'iwawiya kepemɨtiuyurikɨ, ¿kepaikɨ pɨyɨwe mita'imaiyakɨ?

Kuwi 9:12

Xɨka tixaɨtɨ yupiini rayeitɨani, ¿kepaikɨ pɨyɨwe mita'imaiyakɨ? ¿Kepaikɨ pɨyɨwe mita'iwawiyakɨ kemɨtiuyurikɨ?

Ti'ɨkitame 8:17

Naime nekatiniuxeiya tita Kakaɨyari mɨtiutawewi. Tewi pɨkayɨwe naime mɨretimanikɨ, Kakaɨyari kemɨtiuyuri 'ikɨ tukaritsie mieme, tsepanetɨ xewitɨ matsi waɨkawa muyutatua mɨretimanikɨ pɨka'itaxeiya, tsepanetɨ xewitɨ mɨtimaiwe mɨpaɨ maine nenepimate, pɨkayɨwe yamɨretimanikɨ.

Rukaxi 12:26

Merikɨ 'etsiwa xeikɨa xɨka xekayɨwaweni, ¿titayari xeteyu'iyaritɨa naimekɨ?