Ti'ɨkitame 7:1 - Kakaɨyari Niukieya

¹ Matsi tewi 'aixɨa peketixeiyarieka, keyuri witsipe'u'ɨatɨ. Matsi katiniyunaki'erieka kepauka temɨkwinitsie, keyuri temɨtinunuiwatsie.

Ti'ɨkitame 7:1 ပူးပေါင်းရင်းမြစ်များ

Matsiɨkɨtɨ kemɨratɨa 14:13

Hikɨ xeime muyuawitsie hetaniukame nekaniu'enieni: «Ketinaka'utɨa: 'Aixɨa mekani'itɨariekakuni mɨkɨ Ti'aitame hetsie metewiyatɨ memɨkwini 'ena mɨtiyeyani». «Huu ―'Iyari kanaineni―, mɨkɨ mekani'uxipiekakuni kememɨte'u'uximayakai, tita memɨte'uyuri pɨmatsiɨkɨni tsepa hakewa meme'uwani».

Temaiwawemete 22:1

Matsi 'aixɨa pɨ'ane pemumatiwanikɨ 'aixɨa petiuka'iyaritɨ, keyuri huru meta pɨrata waɨkawa pehexeiyatɨ xeikɨa.

Ti'ɨkitame 4:2

Mɨpaɨ nepɨtiunehɨawixɨ. Matsi waɨkawa mepuyutemamawie kemɨ'ane memukwiri, keyuri memayeneniere,

2 Kurinitutari 5:8

'Ayumieme ta'iyari tepukayetsa, tepɨtawaɨriya matsi temiku'eirienikɨ tawaiyari, Ti'aitame hetsɨa pɨta teme'uwanikɨ.

2 Kurinitutari 5:1

Mɨpaɨ tekatenimaika, xɨka 'uka'unarieni 'ikɨ xamaru hakewa temayetei 'ena kwiepa, kii tekanexeiyani Kakaɨyari mɨtatsipitɨa mamakɨ mɨkawewiya yuheyemekɨ 'amuwe muyuawitsie.

Kwikari 1:3

Witsimu'ɨata pemɨ'akawiriwa, yemekɨ puwanake, 'ekɨtɨtɨ pekanihɨkɨtɨni waritsamu witsimu'ɨa. Kauka 'ayumieme 'ɨimarixi memenenaki'erie.

Ti'ɨkitame 10:1

Xaipɨtsi memɨkwikwi'i 'axamekaniu'ɨatɨkani, tita witsimɨtiu'ɨa katinanuyeitɨwani. Mɨpaɨ katinimatsiɨkɨni xɨka 'etsiwa mɨkayɨkɨhɨawe pe'ayani, pɨkayɨwe muyutaxewire mɨtimaiwenikɨ meta 'aixɨa mɨtixeiyariekakɨ.

Temaiwawemete 27:9

Mixaxi meta witsimɨtiu'ɨatɨka 'iyari kanitemawieritɨwametɨni, 'ekɨta witsikepemɨtiwaxeiya 'iwatamete mɨkɨta waɨkawa pewaparewiekaku mekaniyuwaɨriyani.

Kitsariyaxi 56:5

ne yanepɨtiyurieni kememɨtetetewa mema'utsienikɨ netukita meta nekiekaritsie, mɨpaɨ matsi 'aixɨa pɨ'ane tɨɨri 'ukitsi 'ukari keyuri mewarexeiyatɨ. Meta nepɨwatiterɨwa yuheyemekɨ miemekɨ mɨkɨ hatsuaku pɨkahakayeitɨarieni.

Temaiwawemete 15:30

Kepauka xewitɨ 'aixɨa 'iyari mɨratahɨawe 'ana 'iyari puyutemawieka, meta niuki 'aixɨa manɨyɨne tɨrɨkariya pɨtiyupitɨwa.

Kuwi 3:17

Mana 'axamemɨte'u'iyari mekatenikuhayeikawani ke'axamemɨteyuriekɨ. Mana waɨriyarika memɨte'uximayatsitɨarie mekaniuka'uxipiweni.

Wani 13:2

Hikɨtsɨari mekatenikwakaitɨni. Kauyumarie 'ari mɨpaɨ Kura 'Itsikariutitanaka Tsimuni nu'aya katiniu'iyaritɨakaitɨni Ketsutsi mɨyetuanikɨ.

Nɨawari 133:2

Mɨpaɨ xɨkati'aneni witsipɨti'ane, hatseiti mawari wewiwamete wahetsiemieme mɨ'ukweni hepaɨ, witsimɨtiukuke 'Aruni mɨxiyayatsie, wamu'utsie 'akaneikatɨ wakemari manukanenieretsie paitɨ mukaneika.

Hepɨrayutsixi 11:39

Mɨkɨ yunaitɨ tsepa memɨhekɨatsiekai yuri memɨte'eriekaikɨ, 'akuxi tita memɨte'utaxatɨarie metehexeiyatɨ mepɨka'akɨ.

Hepɨrayutsixi 11:2

Mɨpaɨ yuri memɨte'eriekaikɨ mekanimariwakaitɨni tatutsima meripaitɨ miemete 'aixɨa memɨteyuriekaikɨ.

Rukaxi 10:20

Mɨkɨkɨ xepɨkayutemamawieka, kakaɨyarixi yamemɨtekahukɨ kexemɨtewa'aitɨa xeikɨa, matsi xekeneyutemamawieka xemaka'utɨariekɨ taheima kexemɨtetetewa.

Kwikari 4:10

Kwinie yemekɨ witsipa'ane 'anaki'eriya, ne'iwa 'uka nemetsihɨawene. Matsi witsipa'ane 'anaki'eriya, winu kemɨkaha'ane, meta pemuyutawiriwa witsimu'ɨa tixaɨtɨ kemɨkatiɨ'ɨa hepaɨ pepɨ'ɨa.

Ti'ɨkitame 7:8

Matsi 'aixɨa kani'aneni tixaɨtɨ mɨreutiparekɨ, keyuri titsutɨarietɨ. Matsi 'aixɨa kani'aneni mɨtiuka'eniwanikɨ waɨkawa keyuri yu'ariwietɨ.

Kunatsi 4:3

'Ayumieme hikɨ, nepɨmatsiwawirie kwerietɨ Yawé, netukari keneneunawairi. Nepumawenikeyu 'anepɨka'uyeikanikeyu.

Xuti 3:14

Hikɨ manuka'ɨkatsie 'ukaitɨ kaniukatariyarieni, tuxakɨta 'anukukeka kaneyani, mɨpaɨ mɨrehɨawekaikɨ: «Xewitɨ mɨkaretimanikɨ kename 'ukaratsi 'ena hekuyeixɨa mɨrati'uritɨretsie».

Temaiwawemete 25:10

Kapa xewitɨ metsi'u'enieme metsi'utewiyatsitɨani, 'anari 'aixɨa pepɨkarahɨawarɨwani.