Ti'ɨkitame 6:12 - Kakaɨyari Niukieya

¹² 'Atsitepɨkatemate, ketita matsi 'aixɨa mɨti'ane tahetsiemieme. Tixaɨtɨ pɨkatihɨkɨ yapaɨmexɨa xeikɨa mayeyurini 'etɨri hepaɨ xeikɨa yapauka makumawere. ¿Kemɨ'ane pɨyɨwe yamɨtitahɨawekɨ tukarieya hepaɨtsita, kemɨtiyɨni 'arike mɨyuke?

Ti'ɨkitame 6:12 ပူးပေါင်းရင်းမြစ်များ

Tsatiyaku 4:14

Xeme 'atsixepɨkatemate 'uxa'a kemɨtiyɨni. ¿Tita kuta yutukari xete'erie? 'Aɨxi xeikɨa xekanihɨkɨtɨni. Mɨkɨ 'epɨkareutere xeiyarietɨ, kwitɨwa kaniukumamawereni.

Ti'ɨkitame 3:22

Mɨpaɨ nepɨretima, tewi hetsie puxuawe xeikɨa, yu'uximayatsikatsie mɨtiwiyanikɨ mɨkɨ hetsiena pɨtiunakixɨ. Kamɨtsɨ, xewitɨ pumawe xeime mɨpaɨ mɨtitahɨawekɨ kemɨtiyɨnikɨ.

Kuwi 14:2

Tuturite hepaɨ kani'aneni, mɨkɨ mɨtineika kwitɨwata kanitiwaukeni, 'etɨriya 'akareuteteretɨ kemɨtiyukupata hepaɨ pɨ'ane.

Nɨawari 144:4

Teyunaitɨ teɨteri xeimieme muka'ietɨyani hepaɨ tepɨ'anene, tatukari 'etɨri hepaɨ pɨ'ane yapauka mukumamawere.

Ti'ɨkitame 8:13

Matsi 'axateyuruwamete 'aixɨa pɨkatiwayurieka meta mɨixa wiyari mepɨkayurieni. Mɨkɨ 'etɨri hepaɨ xeikɨa mekani'anenekuni, Kakaɨyari memɨkamakaxekɨ.

Ti'ɨkitame 8:7

'atsikatimaitɨ kemɨtiyɨni hetsienamieme, xewi tɨma pɨkayɨwe para mɨtitaxatɨanikɨ.

Kuwi 8:9

Tame takaike tekaniutinunuiwa, 'atsitepɨkatemate, 'etɨriya hepaɨ tatukari kani'aneni 'ena temanu'uwa.

1 Kemɨtiuyɨ 29:15

'Ahɨxie tame, ku'uwamete tekanihɨkɨtɨni meta kɨkamete, ta'ukiyarima memɨ'anekai hepaɨ meripaitɨ. Tatukari 'ena kwiepa 'etɨri hepaɨ kani'aneni mɨkareutetere.

Ti'ɨkitame 12:13

'Imatɨarieka 'ikɨ niuki naitɨ kaniu'enierieni. Kakaɨyari matsi kenayemakaxeni, yaketinekamieni 'aitsikayatsie, 'ikɨ naitɨ tewi hetsie kanimiemetɨni.

Ti'ɨkitame 9:6

Kememɨteyukanaki'eriekai kememɨte'uyuka'uxiwe'eriekai, meta kememɨte'ukaheiwe'eriekai mana katiniu'axeni, meta hatsuaku yamepɨkateyurieni kememɨteyurie 'ikɨ tukaritsie mieme.

Ti'ɨkitame 2:3

Mɨpaɨta nekatiniuyɨhɨawe yanemɨretimanikɨ winu nekananu'ieni, mexi mɨpaɨ neretimaiximekai, nepɨneyetua nemɨka'uka'iyarini hepaɨ, yanemɨretimanikɨ tita 'aixɨa muti'ane tewi tikaxeiya kemɨtiyurienekɨ 'ena 'uyeikatɨ 'ena kwiepa mexi'ayeniere.

Nɨawari 109:23

'Anɨari nepɨtaparirɨme 'etɨri yɨwikɨta mieme hepaɨ kɨpi hepaɨ nepɨ'ane 'anateya mɨtsatsani 'ekakɨ.

Nɨawari 102:11

Netukari 'etɨri mɨyukupata hepaɨ pɨ'ane, tupiriya hepaɨ nepɨtayɨnarirɨme.

Nɨawari 17:15

Peru ne matsi heitseriekamekɨ 'ahɨxie nepumatsihexeiya. 'Ahɨxie kepauka nemanutaniere nematsihexeiyatsie mɨkɨkɨri ne'iyari 'aixɨa peyɨni.

Nɨawari 4:6

Yuwaɨkawatɨ mɨpaɨ mekaniutiyuaneni: «¿Kemɨ'ane 'aixɨa mɨti'ane pɨtatiuxeitsitɨawe?» Yawé, pe'atemawietɨ ketaneuxeiya matsiɨkɨme kene'ayeitɨa tahetsie.

Kuwi 14:21

Xɨka niwemama 'aixɨa metehahɨawaruwani, mɨkɨ pɨkaremaika, xɨka mehenanaimarieka, mɨkɨ 'atsipɨkaretimani.

Mikeyaxi 6:8

Yapekatiniutaxatɨarieniri tita 'aixɨa mɨti'ane. Pepɨtiutaxatɨarieri tita mɨtitakwewie 'ahetsiemieme Yawé: Yapepɨtiyurieneni tita mɨtiheitserie hepaɨtsita, pepinaki'erieka nenimayatsika, meta Kakaɨyari hɨxie mariweme pepɨka'ayuyeitɨwani.

Nɨawari 89:47

Mɨpaɨ ketinemaika netukari 'apɨkatiteriwe. 'Imatɨrieka, ¿titayari memukwiwawe petiwarutiwewi?

Nɨawari 47:4

'imikieri tahetsiemieme pɨranayexei Kakuwu muyuta'ɨrixɨ kɨmana pɨhɨkɨ, kemɨ'ane waɨkawa mɨnaki'eriekai.

Nɨawari 16:5

'Ekɨ, Yawé, ne'ikwai pekanihɨkɨtɨni meta tita nemɨti'ie, 'ekɨ yapekatinimaika kemɨnetiyurieni netukari hepaɨtsita.

Ti'ɨkitame 2:24

Matsi tewitsie pɨtiumawe 'aixɨa ti'anetɨ 'ikwaikɨ xeikɨa 'iiyakɨ pɨ'ayumie yutemawietɨ yu'uximayatsikatsie. Mɨpaɨ nepɨretima mɨkɨta Kakaɨyari hetsɨa kanayeneikani,

Ti'ɨkitame 6:11

Niuki waɨkawa mekananutiyayatsani, matsi tixaɨtɨ pɨkatihɨkɨ. ¿Peru tita tete'a'iwa kɨmana?

Ti'ɨkitame 7:15

Hikɨ tukaritsie nemuyeikakai tinaime nepɨtiuxei: teɨteri 'aixɨa memɨte'u'uwa 'aixɨa mɨti'ane kaniwaka'unani, teɨteri 'axamemɨteyurie 'axamɨti'ane 'apɨtiwareuteritɨa.

Ti'ɨkitame 9:9

Kene'atemawieka 'uka penaki'erietɨ tukarikɨ kepemɨreutere kepaɨmexɨa Kakaɨyari metsipitɨa 'ena kwiepa. Xexuime tukaritsie yakɨxeikɨa kepemɨtiyuriene. Mɨkɨ kanihɨkɨtɨni 'ahetsie mɨtiunakixɨ kepeti'atatuatɨ pemɨtiukaxei 'ena kwiepa.

Ti'ɨkitame 10:14

Matsi xewitɨ pɨkayɨwe yamɨtayɨnikɨ. Xewitɨ pɨkatimate kemɨtiyɨni, meta 'arikeke kemɨyɨni, xewitɨ pɨkayuwe yamɨtayɨnikɨ.