Ti'ɨkitame 5:8 - Kakaɨyari Niukieya

⁸ Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

Ti'ɨkitame 5:8 ပူးပေါင်းရင်းမြစ်များ

Ti'ɨkitame 4:1

Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

Ti'ɨkitame 3:16

Matsi tawari tixaɨtɨ nekatinixeiyanita 'ikɨ tukaritsie: 'axakatiniyɨaneni hakewa meta'iwawiyarienitsie, hakewa mɨheitserie mekuxaxatsiwatsie 'axamɨti'ane kanixuaweni.

Nɨawari 82:1

Kakaɨyari puwa'ɨxatsitɨa muyuawitsie mieme tikuxatatɨ, pɨwaxaneta kakaɨyarixi wahixɨapa 'uwetɨ kemɨtiwaranutaxɨrienikɨ:

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

Nɨ'ariekate 12:23

'Ana yapauka Ti'aitame niukieya tuayame katinikwinitɨani, Kakaɨyari hepaɨtsita 'aixɨa mɨka'utainekaikɨ, hikɨ Herurexi 'utakwitsieka kaniumɨni.

Rukaxi 1:76

'Ekɨ meta, nunutsi 'aku, kemɨ'ane 'Amutewi niukameya pekatiniuterɨwarɨwamɨkɨ. Karikɨ Ti'aitame pepanukuhaitɨiya huyeya 'aixɨa pemɨyurienikɨ.

Rukaxi 1:35

Niuki tuayame mɨpaɨ katinitahɨawe: —'Iyari Mɨtiyupata 'ahetsie kaninuamɨkɨ, kemɨ'ane 'Amutewi yutɨrɨkariyakɨ kamani'etɨriwiyamɨkɨ. 'Ayumieme nunutsi mɨtinuiwa kanipatsiemɨkɨ Kakaɨyaritsie mieme, Kakaɨyari Nu'aya katiniuterɨwarɨwamɨkɨ.

Rukaxi 1:32

Mɨkɨ mariwetɨ kanayeimɨkɨ, 'Amutewi Nu'aya katiniuterɨwarɨwamɨkɨ. Ti'aitame Kakaɨyari kanipitɨamɨkɨ Rawiri 'uwenieyatsie mayerɨnikɨ, tutsieya.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Tsakariyaxi 8:6

»Mɨpaɨ kanaineni Yawé Naimekɨmɨtɨrɨkaɨye: »“Kemɨ'ane 'ana memuyuhayewatɨweni 'ana tukaritsie kayɨweme mepɨ'erieka mɨpaɨ mɨtiyɨni, peru ne nehepaɨtsita pɨtiyɨwe, mɨpaɨ kanaineni Yawé Naimekɨmɨtɨrɨkaɨye”.

Mikeyaxi 2:9

Neteɨterima 'ukarawetsixi wakiita 'aixɨa memɨtemateta xepɨwarayexɨrɨwa, meta watɨɨriyama yuheyemekɨ xepɨtewanawairie naime tita nemɨtiwayetuiri.

'Amuxi 6:12

¿Kamɨtsɨ kawayutsixi 'aitsie mete'utinanautsa yatɨni 'ayeparitsie tuurutsixi metekwietsana? Peru xeme 'aixɨa mɨti'ane 'uaye mumɨya xepayeitɨa, meta tita mɨtiheitserie 'ikwaxi hatsiwime xepayeitɨa.

'Amuxi 5:12

Ne nepɨtimate kepaɨmeme xemɨte'apine, pɨmɨireri ke'axaxemɨte'uyuri. Xeme xepɨwananaima heitseriemekɨ yamemɨtekahu, waɨriyarika xepɨtewawawirie meta 'itsɨkate wahɨxie mɨreuyehɨwa xepekahɨpa.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Kitsariyaxi 37:36

Hikɨ Yawé niuki tuayameya muyuawitsie mieme kanayeyani xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi memakutekatsie kaniwarukwini. 'Uxa'arieka ximeri memanuku'ui hipatɨ wa'iwama, mana yunatɨ mɨkite mepukuhetei.

Kitsariyaxi 10:12

Kepauka Yawé mɨtitahayewa Tsiyuni hɨriyaritsie kemɨtiyurienikɨ meta Kerutsareme hetsie, mɨkɨ mɨpaɨ kanitayɨmɨkɨ: «'Atsiriyatsie Ti'aitame nekatinikwinitɨamɨkɨ 'iyarieya kwinimieme mɨtiyuta'ɨrekɨ, meta kwinimieme mɨtiyukatawe'eriekɨ hɨxiteya».

Kitsariyaxi 5:7

Kaxie haraweriyari Yawé Naimekɨmɨtɨrɨkaɨye tipiinieya 'ixaheri teɨteriyari mekanihɨkɨtɨni, Kura teɨteriyari kwiepa mɨraka'etsitɨre manayexeiyarie mekanihɨkɨtɨni. Mɨkɨ 'aixɨa mɨti'ane pɨtitakwewiekai, matsi xeikɨa xuriya 'uhaneme pukaxei, mɨtiheitserie pɨtitakwewiekai, matsi xeikɨa kukuiniya hiwariyari pukaxei.

Kitsariyaxi 3:15

¿Titakɨ heitserie xetehexeiyatɨ neteɨterima xetewananaima tixaɨtɨ memɨkatehexeiya waheima xete'uyehu?», mɨpaɨ kanaineni Ti'aitame, Yawé Naimekɨmɨtɨrɨkaɨye.

Temaiwawemete 8:17

Kemɨ'ane memɨnetsinaki'erie, neta nekaniwanaki'erieka, kemɨ'ane memɨnetsikuwautɨwe, ne nematsiɨkɨme nepaneyeitɨwa.

Nɨawari 95:3

Yawé Kakaɨyari mɨmariwe mɨhɨkɨkɨ, Ti'aitame mɨmariwe kakaɨyarixi wahetsiemieme.

Nɨawari 83:18

Meketehetimani 'ekɨ Yawé pemɨhɨkɨkɨ, mɨpaɨ pemɨtitewa, mɨpaɨ meketemaika 'ekɨ xeikɨa 'Amutewi pemɨhɨkɨkɨ 'ena kwiepa naitsarie.

Nɨawari 55:9

Ti'aitame, keniwaruka'una, mekayu'eniekame keniwarayeitɨa. Kiekaritsie nanaimarika 'imieri xeikɨa nepɨxeiya,

1 Wani 3:13

Ne'iwama xepɨkahɨxiyaka xɨka kwiepa memɨtama mexe'uxieka.

1 Pekuru 4:12

Nenaki'erima, xepɨkahɨxiyaka xe'inɨatsietɨwetɨ tsepa taikɨ, kexemɨtenewiekɨ mɨpaɨ xemɨ'itɨarieximekɨ.

Xumatari 11:33

Ketimariwe, Kakaɨyari waɨkawa kemɨrexeiya, kemɨtimaiwe, waɨkawa kemɨtimate. Ketiyutexie tewi 'i'inɨatatɨ kemɨtiyɨkɨhɨawe yamɨtiyurienikɨ Kakaɨyari, yatɨni huyeteya metimani pɨkayɨwe.

Temaiwawemete 22:16

Xɨka tixaɨtɨ mɨkarexeiya petiunawatsirieni xiku pehayeimɨtɨ, xɨka waɨkawa 'imikieri xiku petikumikwani, matsi pɨta 'akɨmana tixaɨtɨ pekarexeiyatɨ pepa'ayeitɨwa.

Temaiwawemete 24:12

Tsepa mɨpaɨ pemutaine, «Ne 'atsinepɨkatimaikai», Kakaɨyari hɨrixɨa pɨtimaikai 'a'iyari kemɨtiyukɨhɨawekai. Meta 'atukari mɨ'ɨwiya yapɨtimate, mɨkɨ tewi 'akatinapiniyariemɨkɨ kemɨtiu'uximayataxɨ.

Ti'ɨkitame 5:9

Kamɨtsɨ 'ikɨ naimekɨ tixaɨtɨ pɨkatixuawe 'aixɨa mɨti'ane 'ikɨ kwieyaritsie, mɨraka'etsitɨretsieri mɨti'ɨwiyani peuyewetse ti'aitame.

Ti'ɨkitame 7:7

Mɨtimaiwe nanaimarikakɨ katimaiwetɨ kanayeimɨkɨ, tuminikɨ yu'iyari kanikwiemaka.

Ti'ɨkitame 8:9

Naimekɨ mɨpaɨ nekatiniukaxeiya waɨkawa netimaimɨtɨ kenemɨtiutiwau nemɨretimanikɨ naime kemɨti'ane 'ena kwiepa: heiwa tewi xeime mɨti'aitɨakakɨ kaniyɨweni 'axamɨtiyurienenikɨ.

'Etsekieri 18:18

Paapayata mɨtiyukananaima matɨakɨ, yu'iwa mɨtiunawatsirikɨ, 'axamɨtiyurienekaikɨ yuteɨterima watsata, 'axamɨtiuyurikɨ kanimɨmɨkɨ.

2 Kemɨtiuyɨ 26:10

Metatsiere, makumawetsie tuxiyu kaniutiwewieni, meta putsute waɨkawa kaniutiwewieni, yumɨireme tewaxi muwarexeiyakaikɨ muweritsie meta hɨri manaweweritsie. Meta kaniwarexeiyakaitɨni kwietsanamete meta kaxie haraweriyaritsie te'uximayatamete hɨritsie memu'uwakai meta mayeweweritsie, yemekɨ pinakekai kwie muka'etsani.

Kuwi 24:23

Kakaɨyari kaniwapitɨaka 'aixɨa 'iyari memu'uwanikɨ, matsi wataxeiyatɨ pɨkatihayewa.