Ti'ɨkitame 5:4 - Kakaɨyari Niukieya

⁴ Kepauka Kakaɨyari hetsɨa tixaɨtɨkɨ pemɨti'ahɨritɨa, 'apepɨkareutewini yapemɨtikayanikɨ, Kakaɨyari matsi pɨkayutemawie yamemɨkatekahu wahetsiemieme. Kenaye'atɨa kepemutayɨkɨ:

Ti'ɨkitame 5:4 ပူးပေါင်းရင်းမြစ်များ

'Inɨatsie 30:2

kepauka 'uki Yawé hetsiemieme muyuhɨritɨa tixaɨtɨ mɨtiyetuanikɨ, yarehɨawetɨ kename yatikayani, mɨkɨ pɨkatiku'itawani matsi keheye'atɨani kemutayɨ.

Mateu 5:33

»Mɨkɨ meta, xepɨ'enana kename meripai miemetexi mɨpaɨ metekɨhɨawarɨwakai: “Pepɨka'ahɨritɨani peti'itawatɨ, matsi kepemɨti'ahɨritɨa yapepɨtikamieni Ti'aitame matsixeiyakaku”.

Nɨawari 76:11

Yawé yukakaɨyari hetsɨa yaxeketeneuyuhɨritɨa, meta xeketenaye'atɨwani, yunaitɨ kwie wa'aurie mukumanetsie mekete'iyetuiriwani Kakaɨyari mɨmakaxiwa,

Nɨawari 50:14

Kakaɨyari kenexatɨaka kepemɨti'awaɨriyakɨ, 'Amutewi hetsɨa kepemɨti'ahɨritɨa ketinaye'atɨa.

Nɨawari 116:14

Metatsiere neraye'atɨatɨ xeikɨa Yawé kenemɨrahɨawe yunaime teɨterimama wahɨxie.

Hepɨrayutsixi 10:6

Mawari taiyariyarikɨ pepɨkanaki'a, meta mawari menuyeitɨanikɨ tita tewi 'axamɨtiuyuri, mɨkɨ pɨkamatsinake.

Marakiyaxi 1:10

Yanepɨra'eriwakaku xewitɨ xeme netukita mɨreunanikɨ, yakɨ xeikɨa xemɨka'ikutaiyanikɨ tai nemawari taiyametsie mieme. Nepɨkayutemawie tɨma xehetsiemieme, meta xemawari xeime tɨma nepɨkatanaki'erieni —Yawé Naimekɨmɨtɨrɨkaɨye mɨpaɨ kanaineni—.

Kunatsi 2:9

Ne matsi, mawarite nepɨmatsiwewirieni, meta nɨawari 'ahetsiemieme nepɨyetuani. Nepɨraye'atɨani kenemɨmatiutahɨawixɨ. 'Ekɨ xeikɨa, Yawé, wikweitsitɨarika pemexeiyakɨ».

Nɨawari 119:106

Ne tɨratu nepuwewi nekɨmana, meta yanepɨra'eriwa: kename 'a'aitsikatsie yanetikayani.

Tsutɨarika 35:3

Weteri paitɨ tekaniyehuni. Mana tenari mawari taiyame nekanetawewimɨkɨ Kakaɨyari hetsiemieme mɨnetsi'uparewi ne'uweiyariekaku, huyeta nehamatɨa mumie».

Tsutɨarika 35:1

Merikɨtsɨ Kakaɨyari Kakuwu mɨpaɨ katiniutahɨawe: «Kenemie, Weteri kenekani. Mana mawari taiyame kenetawewi nehetsiemieme hakewa pemɨnetsihexei mana pe'uyemietɨ 'Etsahu hekɨ pe'uyu'unarɨmetɨ».

Kitsariyaxi 19:21

'Ayumieme Yawé 'ekipitutari wahetsie matsiɨkɨme kanayuyeitɨamɨkɨ, 'iya tukaritsie mɨkɨ Yawé mekanetimaikuni: mawari me'iwewirietɨ mekaneyexeiyakakuni hatsite mekateniyetuiriwakuni, Yawé hetsiemieme yamekateniyɨhɨritɨakuni meta mekateneye'atɨiriekuni.

Tsutɨarika 28:20

Hikɨ mana Kakuwu mɨpaɨ kaniutayɨni: «Xɨka Kakaɨyari nehamatɨa 'uyeikani netsi'ɨwiyani hakewa nemeutɨa, xɨka neremikwani meta nereketɨaka,

'Itsɨkate 11:35

Kepauka Ketexi mixei yukamixa kaneukatsana, mɨpaɨ kaniutayɨni: ―'Ai, neniwe, yemekɨ 'aixɨa pepɨkanetsi'uyuri. 'Ekɨ peyɨyu 'aixɨa nepɨkayɨni. Ne Yawé yɨkɨ nepɨtiutahɨawixɨ, nemɨti'itani nepɨkayɨwe.

Nɨawari 22:25

'Ekɨ yapepɨnetikuyuitɨwa kenemɨtiukwika yuwaɨkawame wahɨxie, kemɨ'ane memɨmetsi'ayemakaxe wahetsie, nepeye'atɨani kenemutayɨ.

Temaiwawemete 20:25

Pukweriwa'ane xɨka Yawé hɨxie kename petiyetuani hetsɨana timieme pehaitɨ, matsi 'arikeke xɨka yapekatikayani kepemutayɨ 'aixɨa pɨka'ane.