Ti'ɨkitame 4:1 - Kakaɨyari Niukieya

¹ Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Ti'ɨkitame 4:1 ပူးပေါင်းရင်းမြစ်များ

Ti'ɨkitame 3:16

Matsi tawari tixaɨtɨ nekatinixeiyanita 'ikɨ tukaritsie: 'axakatiniyɨaneni hakewa meta'iwawiyarienitsie, hakewa mɨheitserie mekuxaxatsiwatsie 'axamɨti'ane kanixuaweni.

Ti'ɨkitame 5:8

Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

Kitsariyaxi 5:7

Kaxie haraweriyari Yawé Naimekɨmɨtɨrɨkaɨye tipiinieya 'ixaheri teɨteriyari mekanihɨkɨtɨni, Kura teɨteriyari kwiepa mɨraka'etsitɨre manayexeiyarie mekanihɨkɨtɨni. Mɨkɨ 'aixɨa mɨti'ane pɨtitakwewiekai, matsi xeikɨa xuriya 'uhaneme pukaxei, mɨtiheitserie pɨtitakwewiekai, matsi xeikɨa kukuiniya hiwariyari pukaxei.

Tsatiyaku 5:4

Xekeniwaru'eni memutihiwa xehepaɨtsita, xewaxata mete'uta'uximayataku xemɨkatewarupitɨa. Te'uximayatamete wahiwari Ti'aitame Naimekɨmɨtɨrɨkaɨye kaniu'enieni.

Mateu 26:56

Peru naitɨ 'ikɨ mɨya pɨtiyɨni, maye'anikɨ Kakaɨyari niukametemama kememutiyua 'utɨarika xapayaritsie. Hikɨ teyɨ'ɨkitɨwamete yunaitɨ mekaniku'eirieni meta mekaniyuta'una.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Hiwerika 1:9

Kemarieya kaniutatɨnire, 'atsipɨkareitimaitɨya 'arike hetsiena kemɨtiyɨnikekai. Kemɨratiwe pɨkatimaritɨa, kaniumawekaitɨni kemɨ'ane 'inɨtɨani. «Yawé, keneneuxeiya kenemɨtiuka'eniwa. Pɨnetsi'a'iwaxɨ mɨnetsi'aye'unie».

Hiwerika 1:2

Tɨkakɨta kwinimieme tiutsuatɨ kaniukatariyarɨwani, 'ukaiya 'aurieyatsie kaniukakɨkani. Nixewitɨtɨma muwanaki'eriekai hikɨ pɨkahenɨtɨwa. Hamikumama yunaitɨ mekaniku'eirieni, me'eye'unietɨ pɨta mekanakɨne.

Kitsariyaxi 51:23

Kemɨ'ane memɨmatsi'uximatɨa wamamatsie nepekeni, 'iya mɨpaɨ memɨmate'utahɨawixɨ wahetsie: “Kwiepa keneuhu'i 'ahetsie temuyekɨnekɨ”. Hikɨ kwiepa peheumu'utɨ pekatiniuhuni, yunaitɨ kwiepa memɨtama memɨmatsitaketsinikɨ».

Nɨawari 42:9

Nekakaɨyari mɨpaɨ nekatinahɨaweni, Ne'ai: «¿Titayari peneratɨmai? ¿Titayari nenehiwerietɨ 'ena netiuyeikani nenanaimarietɨ memɨnetsi'aye'unie wahetsiemieme?»

Nɨawari 42:3

Tukarikɨ tɨkarikɨ tsuarikɨ xeikɨa nepayeniere, mɨpaɨ neranutahɨawarɨwatɨ tsepa kepauka: «¿Hakewa tamɨ 'akakaɨyari?»

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

Kuwi 35:9

»Yunaitɨ teɨteri meputihiwa 'axamɨti'ane waɨkawa manutatekekɨ wahetsie, parewiya mepa'iwawa memɨxɨnarienikɨ mɨtɨrɨkaɨye muwananaimakɨ.

Kitsariyaxi 59:7

Wa'ɨkate kaniyumexɨitɨaka 'axamɨtiyurienikɨ hepaɨtsita, mepuyumexɨitɨa 'atsimɨkatiuka'iyari xuririyaya memɨtayeurienikɨ. 'Axa'aneme xeikɨa 'iyari mekaniwewieka, yuhuyeta mekateniu'unani meta ti'u'unime mekatenikuhayeikawani.

Marakiyaxi 3:18

Xeme 'ana xetemaitɨ xepakɨne keyɨkɨmɨ'ane 'aixɨa memɨteyurie wahetsiemieme meta 'axamemɨteyurie, Kakaɨyari memayexeiya wahetsiemieme meta memɨka'eyexeiya.

Marakiyaxi 2:13

'Ipaɨta xekateniyurieka xeme mawari taiyame Yawé hetsiemieme hɨxie kwinie xekateniutitsuanani, mɨkɨri mɨkaxe'eniekɨ meta xemawari mɨkanaki'eriekɨ, xemiyetuiriwa.

Ti'ɨkitame 7:7

Mɨtimaiwe nanaimarikakɨ katimaiwetɨ kanayeimɨkɨ, tuminikɨ yu'iyari kanikwiemaka.

Temaiwawemete 28:3

Kuwexinaruri tixaɨtɨ memɨkatehexeiya muwananaima, mɨkɨ wiyeri mɨtɨrɨkaɨye 'ekamatɨ waxa kemɨreuyehɨpa hepaɨ kani'aneni.

Nɨawari 142:4

Tsiparatsɨ keneneuxeiya: nixewitɨ parewiya pɨkanetsiyetuirie. Nepɨkaheixeiya hakewa nemeyuti'awieta, xewitɨ pumawe nehepaɨtsita yu'iyaritɨatɨ.

Nɨawari 80:5

'Ikwai petatsiminike hiwerika pepɨtatsi'upitɨa temiti'ienikɨ, memɨte'iekai wahetsiemieme, waɨkawa wa'ukai pepɨwayetuirie memiti'ienikɨ.

Nɨawari 69:20

Watierika ne'iyari kaniutatsana, nehetsiemiemeri xɨari pɨkayɨwe 'aixɨa mɨtiyɨni. Nenimayatsika neputiwau, nepɨka'ikaxei, nɨtɨarika neputiwau, nepɨka'itaxei.

Kuwi 16:4

Netatsiere yaxeikɨa nekatinixe'utahɨawiweni xɨka xeme nehepaɨ xetekukuyenike. Netatsiere xehepaɨtsita kexemɨte'uka'eniwanikɨ witsi'anemekɨ yanepɨtikuxatanike, nemu'u ne'uyuitɨwatɨ nexeheunanaimatɨ.

Kuwi 6:29

Xekeneutimaixɨa hau'erietɨ xepɨkateyurieka, mɨpaɨ xeketenetimati, ne 'axanepɨkatiuka'iyari.

'Itsɨkate 4:3

'Ixaheritsixi Yawé mekaniutahiwieni me'utitsuatɨ Yawini tepɨa kaxetayari 'atanauka tsienituyari mɨwarexeiyakaikɨ, xeitewiyari wiyari waɨkawa 'ixaheritsixi mekaniwa'uximatɨakaitɨni.

Hutarieka 'inɨari 28:48

'Ayumieme haakakɨ hariyakɨ xepɨte'uka'eniwani, meta xepɨmamaweni yemekɨ tixaɨtɨ xepɨkatehexeiyani, meta memɨxe'aye'unie tewa'uximayatsiriwamete xepakɨne, Yawé xekakaɨyari mɨwaranɨ'ani xehetsɨa. Mɨkɨ tepɨa yukuyari xekatutsitɨa mepɨxe'atekirieni, hikɨ mɨpaɨ mepɨxeteka'una.

Hutarieka 'inɨari 28:33

Hipatɨ teɨteri xemɨkawamate xe'iteɨrite mepɨtekakwani, meta naime yu'uximayatsikakɨ xemɨte'ukaxei, xeme yuhetsiemieme xeikɨa xepeixeyani nanaimarika, waɨriyarika xepɨte'uximayatsitɨarieka tukarikɨ.

Memeyekɨ 1:22

Hikɨ Parahuni mɨpaɨ katiniwaruta'aitɨani yuteɨterima: —Yunaime tɨɨri 'ukitsi hepɨrayutsixi hapa xekeniwareukaxɨri memɨtinunuiwa. 'Ukari xekeniwarehayewa.

Memeyekɨ 1:16

—Kepauka 'ukarawetsixi hepɨrayutsixi xemɨwaparewie niweriyakɨ, xeyu'ɨwiyatɨ tita mɨtitinuiwa: xɨka 'ukitɨni xewatakukuyatɨ, xɨka 'ukatɨni xekenehayewa 'ayeniereme.

Temaiwawemete 19:7

Kemɨ'ane tixaɨtɨ mɨkarexeiya 'iwamama mekanixani'erieka, matsiri hamikumamatɨtɨ mepɨkahenuku'erieni. Tsepanetɨ mɨwakuwaune memiparewienikɨ, hawaikɨ pɨkawarekaxeiya.

Ti'ɨkitame 8:9

Naimekɨ mɨpaɨ nekatiniukaxeiya waɨkawa netimaimɨtɨ kenemɨtiutiwau nemɨretimanikɨ naime kemɨti'ane 'ena kwiepa: heiwa tewi xeime mɨti'aitɨakakɨ kaniyɨweni 'axamɨtiyurienenikɨ.

Keremiyaxi 16:7

Nixewitɨ memunututuixie wahetsiemieme 'ixɨarari pɨkawewieni wanɨtɨanike mumɨ hetsiemieme, nixewitɨ winu pɨkahanitɨarieni mɨyɨnɨtɨanikɨ, meta tsepa maamaya mɨtiɨmɨ meta paapaya.

Hiwerika 1:16

»'Ikɨ naitɨ pɨnetsitsuaritɨa, hiwerikakɨ nepɨkaheuniereri. Xewitɨ 'ahurawa pɨka'uyeika mɨnetsinɨtɨanikɨ, meta mɨnetsituikakɨ. Neniwema mekaneutaxɨriexɨani mɨtatsi'aye'unie mɨtatsi'a'iwaxɨkɨ».

Kuwi 9:24

Xɨka xewitɨ kwietsie 'ɨyɨkɨtɨrɨkariyani 'axatiuka'iyaritɨ, mɨkɨ 'itsɨkate wahɨxi kanautinarɨmani. ¿Kemɨ'ane yapɨtiyurieni? mɨkɨri xɨka yakatiuyurieni.

Nɨawari 69:21

Ne'ikwaitsie matsiwi mepɨkaye, neheuharimɨkɨkaku matsina mepɨnetsi'uharitɨa.

Nɨawari 142:5

Yawé, 'ekɨ parewiya nepɨmetsiwawirie, 'ekɨ ne mɨpaɨ nepɨmerahɨawe: «'Ekɨ hakewa nemeyu'awieta pepɨhɨkɨ, 'ena kwiepa tixaɨtɨ nepɨkarexeiya, 'ekɨ xeikɨa nepɨmetsihexeiya».

Temaiwawemete 29:2

Kepauka heitseriemekɨ yamemɨtekahu memɨte'aitani teɨteri mepuyukatemamawieni, kepauka 'axateyuruwamete memɨte'aitani teɨteri mepɨte'uka'eniwa.

Hiwerika 1:17

Tsiyuni pahiwa parewiya ha'iwawatɨ, peru pumawe xewitɨ minɨtɨanikɨ. Yawé mɨpaɨ tiuta'aitaku Kakuwu 'aurie mematetɨkatei hikɨ mepeye'unie, hikɨ Kerutsareme kanihɨkɨtɨni xatsi xeikɨa meta mɨka'itiya.

'Amuxi 3:9

'Ikɨ xeketenekuxatani kiekari 'aixɨa mɨrekukurarutɨiyarie 'Atsiruri meta kiekari 'aixɨa mɨ'anene 'Ekipitu mieme: «Tsamariya hɨriyaritetsie xekeneuyukuxeɨri meke'uneniere kememɨtemama, nanaimarika kemɨtixuawe mana».

'Amuxi 3:10

«Yukii 'aixɨa mɨ'aneneta memɨtehɨniya 'inawari meta memɨtewanawairie hipame waɨriyarika mɨkɨ mepɨka'imate tita heitserie muyeikani mɨranɨyɨne», Yawé mɨpaɨ kanaineni.