Ti'ɨkitame 3:3 - Kakaɨyari Niukieya

³ kepauka mɨtiuyumieni, kepaukata muwaranayexɨrɨwani, kepauka mɨtiuka'unakɨ, kepaukata menukuketɨanikɨ,

Ti'ɨkitame 3:3 ပူးပေါင်းရင်းမြစ်များ

1 Tsamuheri 2:6

»Yawé tukari pɨtatsipitɨa meta mɨɨya, mɨkɨ yapɨtiyuriene temɨkateukienikɨ peru meta pɨtatsi 'anuku'uitɨwa.

Keremiyaxi 45:4

»”Mɨpaɨ ketineutahɨawi, Yawé mɨpaɨ mainekɨ: ‘Nekanika'unamɨkɨ tita nemɨtiutawewi meta tita nemɨtiukaye nekanahunamɨkɨ, mɨyatɨtɨ naime 'ikɨ kwieyaritsie nekatinakumaweriyamɨkɨ.

Keremiyaxi 31:28

Mɨpaɨ kenemɨtiwata'ɨwiya nemɨwaka'unakɨ meta kenemɨtiwarakumaweriya, 'uximatɨarika newapitɨatɨ, yaxeikɨata nemɨwaranuku'uitɨanikɨ meta nemuwaranukayatsakɨ nepɨyɨwe —Yawé mɨpaɨ kanaineni—.

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

Kitsariyaxi 44:26

Nete'uximayatsiriwamete waniuki nepaye'atɨwa meta netupiritsixi waniuki nepaye'atɨwa. Ne mɨpaɨ nekanaineni Kerutsareme tawarita kiepa kanayeimɨkɨ, kiekarite Kura kwieyaritsie miemete kananukakitsiemɨkɨ, mu'u'uni 'aixɨa kaniti'itɨariemɨkɨ.

1 Tsamuheri 2:25

Xɨka xewitɨ 'axatiuyurieni yu'iwa hepaɨtsita, Kakaɨyari kanihɨkɨtɨni kemɨ'ane heitserie mexeiya yamɨtayɨnikɨ, peru xɨka Yawé hetsɨa 'axatiuyurieni, ¿kemɨ'ane rahetsie pɨratanuani?» Matsi niwemama mepɨkahenu'eni wapaapa kemɨtiwarayemari'itɨwakai, Yawé pinakekai watukari mɨwanawairienikɨ xeikɨari.

'Etsekieri 13:14

'Ixumeri kwiepa kanikawemɨkɨ witsimɨ'ane, tenariyari kanahekɨarimɨkɨ. Kepauka mɨkɨ makaine, xeme xekanikwikuni. 'Ana mɨpaɨ xepɨtehetimani kename ne Yawé nehɨkɨ.

Keremiyaxi 33:6

»”Yaxeikɨata 'aixɨa meteheu'eriekame nekaniwarayeitɨamɨkɨ, nekaniwati'uayemamɨkɨ, nekaniwaranayexɨrimɨkɨ, yurikɨ 'aixɨa 'iyari memu'uwanikɨ yanekatiniyurimɨkɨ.

Tsakariyaxi 1:12

Mɨpaɨ me'utiyuaku, niuki tuayame Yawé hetsɨa mieme, mɨpaɨ kaniutayɨni: «Yawé Naimekɨpemɨtɨrɨkaɨye, ¿kepaukake 'aixɨa pepɨtixeiya Kerutsareme meta Kura kiekariteyari, pemɨwaheka haika tewiyari heimana tamamata wiyari?»

Tsutɨarika 9:6

»Xɨka xewitɨ tewi xuriyaya 'utayeurieni, mɨkɨta xewitɨ tewi kanimiemɨkɨ, tewi mutawewiyakɨ Kakaɨyari hepaɨ 'anetɨ.

Kitsariyaxi 6:10

'Ikɨ teɨteri wa'iyari tsetse'ime kenayeitɨa, wa'enakareme kenanunaxɨa meta mekaheuneniereme keniwarayeitɨa, nɨkahɨrixɨa me'uneniere, me'u'enanani, meta yu'iyarikɨ meheitimaixɨani, kapa mete'uhayewame 'aixɨa meteheu'erietɨ mehayeitɨarieni».

Keremiyaxi 1:10

Neuxei, ne hikɨ heitserie nekamanipitɨaka nuiwarite meta te'aitamete wahetsie, »pemɨwarahunanikɨ meta pemɨwaka'unanikɨ, pemɨwareuyehɨpanikɨ meta pemuwaratixɨrɨwanikɨ, pemɨwaranuku'uitɨwanikɨ meta pemɨtika'iteɨtakɨ».

'Akehuxi 1:2

«Yawé Naimekɨmɨtɨrɨkaɨye mɨpaɨ kanaineni: “'Ikɨ teɨteri mepɨniukixie mɨpaɨ meputiyuane kename 'akuxi ka'aye'awe tukari kepauka Yawé tukieya manukuketɨarieni tawari”».

'Akehuxi 1:4

«¿Kamɨtsɨ xeme titayari kii 'aixɨa 'anenemeta xete'ayetetɨka xeikɨa mexi netuki 'unitɨ mana'uwe?»