Ti'ɨkitame 3:2 - Kakaɨyari Niukieya

² Kepauka temɨtinunuiwa, kepaukata temɨkwini, kepauka mɨtiuka'iteɨrita, kepaukata temɨteka'uta,

Ti'ɨkitame 3:2 ပူးပေါင်းရင်းမြစ်များ

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

Kuwi 14:5

Tewi tukarieya 'ari puti'inɨatsie, 'ekɨ 'ari yapeputayɨ kepaɨmeme metseriyari 'amuyeikani, 'inɨariyari 'apepuyete mana manutiyani pɨkayɨwe.

Karatsiyatari 4:4

Peru kepauka tukari 'aixɨa mɨ'ane maye'a, 'ana Kakaɨyari yuniwe kaneyenɨ'ani, 'uka hetsie mɨyenuiwaxɨ, mɨti'aitɨariekai 'inɨari niukiyari kemɨti'aita.

Rukaxi 1:20

Peru, 'ekɨ yuri pemɨkatiuta'erikɨ neniukitsie, kayuwatɨ pepɨtiyerɨni, pekaniuwetɨ pekanayeimɨkɨ mexi ka'aye'aweni. Pepɨka'utaniukani kepaukake tukari maye'ani naitɨ yamɨtiyɨni.

Mateu 15:13

Mɨkɨ mɨpaɨ katiniwaruta'eiya: —Naitɨ 'iteɨri ne'ukiyari taheima makawe mɨka'ika'e pɨwatihunaxɨani.

Wani 16:21

'Uka tiniwerɨmetɨ kaniyuhiweriekamɨkɨ tukarieya maye'akɨ, peru nunutsi tinuiwayu 'uximatɨarika pɨkaha'eriwa mɨyutemawiekɨ tewi mutinuiwitɨakɨ kwiepa.

Kitsariyaxi 38:1

Mɨkɨ tukaritsie 'Etsekiyaxi katiniutakwine waɨkawamekɨ, 'ari kanimɨximekaitɨni. Hikɨ Kakaɨyari niukameya Kitsariyaxi 'Amuxi nu'aya kaneikuxeiya, mɨpaɨ katineitahɨawe: «Yawé mɨpaɨ kanaineni: “'Akie 'aixɨa ketineukuyuri, 'ari pekanimɨmɨkɨ, 'aixɨa pepɨkatika'erieniri”».

Kuwi 7:1

»Teyunaitɨ waɨriyarika tepɨte'uximaya 'ena kwiepa. Tukari mɨyehane xeime hetsɨa temɨte'uximayaka hepaɨ pɨtimatsiɨkɨ.

Nɨ'ariekate 7:20

»Hikɨ 'ana Muitsexi kaniutinuiwa. Witsipɨ'anekai nunutsi Kakaɨyari hɨxie, mɨkɨ haika metseri puwerekai yupaapa kie.

Nɨ'ariekate 7:17

»Hikɨ 'ayehurakaku mɨkɨ tukari maye'atɨarienikɨ tita Kakaɨyari yɨhɨritɨatɨ 'Apɨrahami mɨtiutahɨawixɨ kemɨtiyɨnikekai, mɨkɨ teɨteri mepɨtetimɨiriyarɨmekai 'Ekipitutsie.

Wani 7:30

Hikɨ mekanikuwautɨwekaitɨni me'iwiyake. Xewitɨ pɨka'iwi tukarieya mɨka'aye'awekaikɨ 'akuxi.

Rukaxi 1:36

Kamɨ, 'a'iwa yatewa 'Eritsaweti 'ayehukatɨ kanayani 'ukaratsitɨtɨri, 'ataxewime metseri kaniyurieka 'iya kaniweweme memɨxatakai.

Rukaxi 1:13

Hikɨ niuki tuayame mɨpaɨ katinitahɨawe: —Pepɨkamaka, Tsakariyaxi 'aku, 'anenewieri kaniu'enierieni. 'A'ɨya 'Eritsaweti nunutsi kanayexeiyamɨkɨ 'aniwetɨme, Wani pekatiniterɨwamɨkɨ.

Mateu 13:41

Yuri Tewi kenemɨtihɨkɨ, nepɨwatanɨ'ani neniuki tuayamete, mɨkɨ mepɨwakuxeɨrieni teɨteri hipame memɨwarukununuitɨwa 'axamemɨteyuriekakɨ, meta teɨteri kemɨkatiheitserie memɨteyurie.

Keremiyaxi 45:4

»”Mɨpaɨ ketineutahɨawi, Yawé mɨpaɨ mainekɨ: ‘Nekanika'unamɨkɨ tita nemɨtiutawewi meta tita nemɨtiukaye nekanahunamɨkɨ, mɨyatɨtɨ naime 'ikɨ kwieyaritsie nekatinakumaweriyamɨkɨ.

Keremiyaxi 1:10

Neuxei, ne hikɨ heitserie nekamanipitɨaka nuiwarite meta te'aitamete wahetsie, »pemɨwarahunanikɨ meta pemɨwaka'unanikɨ, pemɨwareuyehɨpanikɨ meta pemuwaratixɨrɨwanikɨ, pemɨwaranuku'uitɨwanikɨ meta pemɨtika'iteɨtakɨ».

Kitsariyaxi 54:1

«'Ekɨ 'ukaratsi hatsuaku pemɨkatiniwewe, keneutahiwani temawierikakɨ. 'Ekɨ, hatsuaku niweyame kukuiniyaya pemɨkamate, keneutakwikani meta keneutahiwani temawierikakɨ. 'Ukaratsi muku'eiriwaxɨ matsi waɨkawa tɨɨri warexeiyatɨ kanayeimɨkɨ, mɨwikie kemɨkatiwarexeiya —Yawé mɨpaɨ kanaineni—.

Kitsariyaxi 38:5

«'Etsekiyaxi hetsɨa kenemie mɨpaɨ ketinetahɨawi Yawé mɨpaɨ kanaineni, 'atutsi Rawiri Kakaɨyarieya: “Nekani'enieni 'anenewieri meta 'a'ukai nekaniuxeiya, tawarita 'akuxi tamamata heimana 'auxɨwi wiyari nekamanipitɨaka pemuyeikanikɨ.

Nɨawari 113:9

'Uka mɨkaniwewe, yukii mexeiyanikɨ kanipitɨaka meta tɨɨri mɨwarayexeiyakɨ. Yawé kenɨawarieka.

Nɨawari 52:5

Peru neuxei Kakaɨyari pɨmetsika'una yuheyemekɨ, 'akiita pɨmetsiwayehɨani, 'ena kwiepa pɨmetsi'akumaweriya hipatɨ memanu'uwatsie.

Kuwi 14:14

Xɨka tewi 'umɨni, tawariri 'ayeyuritɨ pɨka'ayani. Kenemɨreutere netiuka'eniwatɨ ne'uyeikatɨ nepɨta'ikwewani kepaukake nemɨxɨnarieni.

2 Te'aitamete 4:16

Hikɨ 'Eritseu mɨpaɨ katinitaxatɨani: —Yurika 'epauka nunutsi pekanexeiyakamɨkɨ. 'Ukaratsi mɨpaɨ katinita'eiya: —Hawaikɨ, neti'aitɨwame, 'ekɨ tewi Kakaɨyari hetsɨa pemumieme. Hawaikɨ ne matsiparewiwame pepɨkaneti'itaiyaneni.

1 Te'aitamete 13:2

tewi Kakaɨyari hetsɨa mieme, Yawé yarehɨawekaku, mɨpaɨ katiniuhiwa karima: «Mawari taiyame, mɨratimawatɨre 'aku. Yawé mɨpaɨ kanaineni: “Rawiri nuiwarieyatsie kanitinuiwamɨkɨ xewitɨ Kutsiyaxi titewatɨ, mɨkɨ 'ahetsie kaniwatimawamɨkɨ 'ikɨ mawari wewiwamete kakaɨyarixi watukita memɨte'uximaya 'ena 'ɨkwa memutitaiya. 'Ahetsie teɨteri wa'umete pɨtitaiyarieni”».

1 Tsamuheri 2:5

Meripaitɨ 'ikwai 'anayuhayewame memexeiyakai, hikɨri paa 'etsipemekɨ mepuyutua. Meripaitɨ memɨte'uka'eniwakai haakakɨ hikɨri waɨkawa 'ikwai mehexeiyatɨ mekaniu'uwani. 'Uka mɨkaniwewekai 'atahutamexɨa kaniutiniweni, matsi yumɨireme yuniwema mɨwarexeiyakai kawarexeiyatɨ kanayani.

Hutarieka 'inɨari 34:5

Muitsexi Muhawi kwieyaritsie mana kaniumɨni, Yawé ti'uximatsiriwame, Yawé kemɨtitahɨawekai.

Tsutɨarika 47:29

Kepauka 'Ixaheri mɨximetɨ, Kutse katiniutanɨ'airieni. Mɨpaɨ katinitahɨawe: —Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu.

Tsutɨarika 17:21

Matsi netɨratu 'aniwe 'Itsahaki hetsie kanayeyurikamɨkɨ, Tsara peyexeiya yurika 'epauka xeiwiyari 'anuyeyayu.

Temaiwawemete 24:27

'Awaxa meri keneukuha'arita, meta 'aixɨa ketinakuyuri pemaku'etsatsie, mɨpaɨ meri petiyurieme 'arikeketa 'akii pepɨtawewieni.

Kitsariyaxi 28:24

Kepauka ti'uximayatame mukwietsanane ka'enike, ¿ka'uxipietɨ tiyuriene? ¿Tukarikɨ kwietsananetɨ meta rakuxexeɨriwatɨ raka'iyuniwa?