Ti'ɨkitame 3:19 - Kakaɨyari Niukieya

¹⁹ Teɨteri yeutari wahepaɨ mekatenitakukuweni, yaxeikɨa mekatenita'ikwewani metakukuwetɨ yuxexuitɨ, yaxeikɨa meta kani'aneneni yunaitɨ kememɨte'ayeyuyuri, 'ayumieme tewi pɨkawe'eme tewaxi wahetsiemieme. Yurikɨ naitɨ tixaɨtɨ pɨkarayani,

Ti'ɨkitame 3:19 ပူးပေါင်းရင်းမြစ်များ

Nɨawari 49:12

Tsepa xiku xewitɨ mayuyeitɨa, peru mɨkɨ 'apɨkareutere, yeutari wahepaɨ mepɨtakukuwe.

Nɨawari 49:20

Tsepa xiku xewitɨ mayuyeitɨa, peru mɨkɨ 'apɨkareutere, yeutari wahepaɨ mepɨtakukuwe xeikɨa.

Ti'ɨkitame 2:16

Mɨtimaiwe meta mɨkatimaiwe tɨma pɨkahaye'eriwa, 'ureumietɨ yaxeikɨa mepɨtehatɨmaiyarieni, metatsiere yaxeikɨa mepɨtekwini memɨtemaiwawe meta memɨkatemaiwawe.

Ti'ɨkitame 2:14

Kemɨ'ane mɨtimaiwe tanenieretɨ kaniumieni, peru kemɨ'ane 'atsimɨkatimate yɨwipa kaniuyeikani. Peru tawari mɨpaɨ nepɨretima teyunaitɨ yaxeikɨa katatinitakwewieka temɨkwinikɨ.

Nɨawari 104:29

Xɨka pewaruhayewa, meputimamawe, xɨka wa'iiya pewarunawairieni mepɨtakukuwe meta tumuanari mepakɨka.

2 Tsamuheri 14:14

Haa xɨka 'utayeuriyani kwiepa pɨkayɨwe tawarita mikuhanɨni, mɨpaɨ yaxeikɨata tanaitɨ tekanikwikuni. Peru matsi Kakaɨyari tatukari pɨkatatsikunawairiwa, matsi pɨta katinikuwauneni 'ateewa muyeika yuheyemekɨ 'ateewa mɨka'uyeikanikɨ.

'Inɨatsie 16:29

Xɨka 'ikɨ teɨteri kwiniyakɨ me'ukwini, 'ana mɨpaɨ katinimatsiɨkɨni kename ne Yawé kanetsiheyenɨ'a.

Ti'ɨkitame 7:2

'Aixɨa matsi kani'aneni mɨki makateukienitsie pemumie, keyuri 'ixɨararipa. Temɨkwinikɨ teyunaime teɨteri tahetsie kanimiemetɨni, memayeneniereta matsi mɨpaɨ meketemaika.

Ti'ɨkitame 9:2

Teyunaitɨ tekanikukuwemetetɨni: heitseriekamekɨ muyeika meta 'axa'anemɨkɨ muyeika, 'aixɨa mɨtiyuriene 'axamɨtiuka'iyari, mɨ'itiya meta mɨka'itiya, kemɨ'aneta mawari mɨwewie meta kemɨ'ane mɨka'iwewie, 'aixɨa mɨtiuka'iyari 'axatiyuruwame, kemɨ'ane tixaɨtɨkɨ mɨtiyuhɨritɨa meta xewitɨ mɨkatiyɨhɨritɨa.

Ti'ɨkitame 9:12

Mɨpaɨta netinetimani xewitɨ 'atsipɨkatimate kepauka tukarieya maye'ani. Ketsɨte kememɨtekuwiniyarɨwa wipi 'axa'anemetsie meta wikixi winiyaritsie mekaniuyewɨwɨreni, yaxeikɨata teɨteri mekaniwiniyarieka mɨpaɨ memɨkateha'eriwanitsie katinaye'axeni wahetsie xeimieme.

Nɨawari 49:13

Mɨpaɨ kani'aneni yuhetsie memɨtewiya wahuye, mɨpaɨ mekateneutiparikuni 'iya memuyuti'ɨre.

Ti'ɨkitame 1:14

Naime mɨpaɨ nepɨretima ketemɨteyurie 'ena kwiepa, pɨkatiyupata 'eka muweiyani hepaɨ kani'aneni.

Ti'ɨkitame 1:17

Ne yemekɨ nepɨneyetua netimaiwetɨ nemayanikɨ, nekanimaikata mɨkayɨkɨhɨawe meta mɨka'uka'iyari, matsi mɨkɨ 'eka manuku'axe hepaɨ kani'aneni.