Ti'ɨkitame 3:17 - Kakaɨyari Niukieya

¹⁷ Merikɨ mɨpaɨta nepɨtiu'eri: «Kakaɨyari heitserie mexeiya meta 'axamɨtiuka'iyari kaniwaranutaxɨriemɨkɨ, muxuawekɨ tukarite yamɨtiuyurienikɨ naimekɨ meta hakewa yamɨreyurienikɨ».

Ti'ɨkitame 3:17 ပူးပေါင်းရင်းမြစ်များ

2 Kurinitutari 5:10

Kaneuyewekani tanaitɨ tematsiɨkɨtɨ temayeitɨarienikɨ Kɨritsitu 'uwenieya hɨxie hakewa mɨtatsiheta'iwawiya, taxexuitɨ temɨte'apiniyarienikɨ 'aixɨa ketemɨte'uyuri meta 'axaketemɨte'uyuri, tawaiyaritsie te'u'uwatɨ.

Ti'ɨkitame 12:14

'Uximayatsika matsi, 'axamɨ'anene meta 'aixɨamɨ'ane meta 'awie ketemɨteyurie Kakaɨyari naime kanita'iwaumɨkɨ.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

Ti'ɨkitame 3:1

Xexuime tukaritetsie pɨtika'inɨaritɨka, tukari puxuawe naimetsie timieme kemɨtiuyurieni muyuawi hetɨa:

Ti'ɨkitame 11:9

Hikɨ kene'atemawieka mexi petemaikɨ, 'a'iyari keneupitɨa mɨyutemawiekakɨ. Kemɨtiku'eriwa keneyeweiyani meta 'ahɨxitekɨ kepemɨtiuyukahiwe'erie, matsi kena'eriwani Kakaɨyari mɨkɨ naimekɨ kamenita'iwawiyamɨkɨ.

Nɨawari 98:9

Yawé hɨxie xekeneutikwikani, 'ukanamieniri kwiepa 'aixɨa tiyurienike. Kwiepa memɨtama wahetsie 'aixɨa katiniyurimɨkɨ, teɨteri wahetsie 'aixɨa 'anemekɨ katinita'aitamɨkɨ.

Tsutɨarika 18:25

Mɨpaɨ pemɨtiyurieneni matsi 'aixɨa pɨka'ane. Heitseriemekɨ yamɨtikamie xɨka 'umieni 'axamɨtiyuriene hamatɨa meta yaxeikɨa memɨte'anuyehuni yunaitɨ. Mɨpaɨ matsi hatsuaku pepɨkatiyurieneni. 'Ekɨ 'itsɨkame pekanihɨkɨtɨni 'ikɨ kwie naime hetsiemieme. ¿Tamɨ kemɨtiheitserie pekatiyurieni?

Matsiɨkɨtɨ kemɨratɨa 20:2

Hikɨ mɨkɨ kuu kaniuwiya meripaitɨ mieme Kauyumarie meta Tsatanaxi mɨhɨkɨ, kanekuwieni xeimiriyari wiyari.

Matsiɨkɨtɨ kemɨratɨa 11:18

Nuiwarite mekaniha'akaitɨni, peru 'ahaxɨa kanaye'ani pemɨtiwakwinitɨanikɨ, tukari raye'a mɨkite pemɨwatahɨawekɨ, wa'iwarika pemɨwaminikɨ 'ahetsɨa miemete te'uximayatamete, Kakaɨyari niukametemama, Kakaɨyari teɨterimama memɨpatsie, mɨkɨ memɨmatsi'ayemakaxe kepemɨtitewakɨ, tɨɨri meta 'ukirawetsixi yunaitɨ, meta kanaye'ani pemɨwakwinikɨ kemɨ'ane kwie memɨtsewiximakai».

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Nɨ'ariekate 17:31

Xeime tukari pukaye mɨwa'inɨatanikɨ kwiepa memɨtama heitseriemekɨ yɨanetɨ, 'iya 'uki manuyexei yatiyurienekaku. Kakaɨyari yurikɨ niwarutahekɨatɨani yunaime, 'enukuketɨaka mɨkɨ mɨkite watsata».

Nɨ'ariekate 1:7

Ketsutsi mɨpaɨ katiniwarutahɨawe: —Xeme xehetsie pɨkatinake xemɨtemaikakɨ kepauka tukari mɨtinake. Ne'ukiyari xeikɨa yakatini'aitani.

Wani 5:22

Mɨkɨ meta, ne'ukiyari xeime heitserie pɨkapitɨani 'itsɨkame hepaɨ, matsi heitserie kanipitɨani yuniwe 'itsɨkame hepaɨ naime 'aixɨa mɨtiyurienikɨ,

Tanieri 12:9

Mɨkɨ mɨpaɨ kanetiniuta'eiya: “Tanieri, keneumieni heitseriemekɨ, 'ikɨ naitɨ pɨranukanaka 'awie kepaukake tukari maye'ani.

Tanieri 12:4

»”'Ekɨ, Tanieri, 'ikɨ 'awie ketineuti'uta meta xapa kenanutanama kepaukake tukari maye'ani, karikɨ yumɨiretɨ mepeu'uwani metekuwautɨwetɨ waɨkawa metemaikutɨ”.

Tanieri 11:40

»”Kepauka tukari maye'ani, ti'aitame tatsutɨa kiekame tayeta kiekame kanitamiemɨkɨ, matsi mɨkɨta kanitamiemɨkɨ kaxetate kuyaxa miemete meta kawayutsixi metatsiere kanuwate kuyaxa miemete wakuha'aritɨame. Yumɨireme nuiwarite kaniwaka'unamɨkɨ, wahetsɨa kaninuamɨkɨ haa teɨteri mɨwahautsitɨwa hepaɨ.

Ti'ɨkitame 8:6

Kaniyuritɨni teyunaitɨ ketemɨteyurie kanixɨaweni kepauka, meta kehepaɨ yamɨtiuyurienikɨ, tsepanetɨ tewi waɨkawa mɨtiuka'eniwa yuhepaɨtsita:

Ti'ɨkitame 2:1

Merikɨte mɨpaɨ nekatiniunehɨawe: «Kamɨtsɨ nekatinita'inɨatamɨkɨ naime nemuyutemawieritɨanikɨ 'aixɨa muti'anekɨ matsi waɨkawa tukari nemɨnepitɨanikɨ». Peru tsepa mɨpaɨ nemɨtiuyuri tixaɨtɨ nepɨkatiukaxei.

Ti'ɨkitame 1:16

Merikɨte nepɨneti'iyaritɨa: «Waɨkawa nepeukawe meta nepɨtimaiwe keyuri meripaitɨ te'aitamete Kerutsaremetsie, ne naimekɨ nepɨyɨwe nemɨtitiwaunikɨ netimaiwetɨ waɨkawamekɨ meta neheitimaitɨyeikatɨ.

1 Tetsarunikatari 5:1

'Iwamarixi, witarite tukarite hepaɨtsita tixaɨ xepɨkateheuyehɨwa xemɨteta'utɨiyarienikɨ,

Nɨawari 96:13

Yawé hɨxie xekeneutikwikani, 'ukanamieniri. 'Ukanamieniri kwiepa 'aixɨa tiyurienike. Kwiepa memɨtama kaniwataxanetamɨkɨ kemɨtiheitseriekɨ, meta teɨteri wahetsie yuri mainekɨ.